བོད་ལྗོངས་ཆོལ་ཁ་གསུམ་གྱི་ཁྱོན་ལ་རྒྱ་དམར་པོས་བཙན་འཛུལ་གཉའ་གནོན་དང་ལྷག་པར་དུ་ཕྱི་ལོ༢༠༠༨ལོ་ནས་ད་བར་གཏུམ་སྤྱོད་ཀྱི་ལས་འགུལ་བར་མཚམས་ མེད་པར་སྤེལ་དང་སྤེལ་མུས་ཀྱི་སྐབས་འདིར་བོད་མི་སུ་ཞིག་ལ་མཚོན་ནའང་དགའ་སྐྱིད་རྫོགས་ལྡན་གྱི་སྐལ་བ་ཞིག་ཤིན་ཏུ་དབེན་མོད། བརྟེན་འབྲེལ་གྱི་མཚོན་
བྱེད་མ་སྟོང་ཙམ་དུ་བོད་ཕྱི་ནང་གཉིས་གཙོ་བྱས་པའི་རྒྱལ་ཁབ་ཕྱི་ནང་གི་བོད་རིགས་སྤུན་ཟླ་ཡོངས་དང་།མདོ་སྨད་དབུས་སྤྱི་ཁྱབ་རྒྱུན་ལས་ཁང་གི་ས་གནས་རྒྱུན་
ལས་རྣམ་པ།དེ་བཞིན་བཙན་བྱོལ་སྤྱི་ཚོགས་ཁྲོད་ཀྱི་སྤྱི་སྒེར་ཚོགས་སྡེ་རྣམས་ལ་བོད་རྒྱལ་ལོ་༢༡༣༧ཕྱི་ལོ༢༠༡༠ལོའི་གནམ་ལོ་གསར་དུ་བཞད་པར་འཚམས་འདྲིའི་
ཤིས་ཚིག་ཞིག་ཕུལ་ཡོད་ན། དེ་དོན་དགོངས་མངའ་ཡིས་དགྱེས་བཞེས་ཡོང་བར་སྨོན། ་་་་་་་ མདོ་སྨད་དབུས་སྤྱི་ཁྱབ་རྒྱུན་ལས་ཁང་ནས།