ཀྲུང་ ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས། དཀར་ཆག གླེང་གཞི། ལེའུ་དང་པོ། སྤྱིའི་རྩ་དོན། ལེའུ་གཉིས་པ། སྤྱི་དམངས་ཀྱི་གཞི་རྩའི་ཁེ་དབང་དང་འོས་འགན། ལེའུ་གསུམ་པ། རྒྱལ་ཁབ་ཀྱི་སྒྲིལ་གཞི། ས་བཅད་དང་པོ། རྒྱལ་ཡོངས་མི་དམངས་འཐུས་མི་ཚོགས་ཆེན། ས་བཅད་གཉིས་པ། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཀྲུའུ་ཞི། ས་བཅད་གསུམ་པ། རྒྱལ་སྲིད་སྤྱི་ཁྱབ་ཁང༌། ས་བཅད་བཞི་པ། ཀྲུང་དབྱངས་དམག་དོན་ཨུ་ཡོན་ལྷན་ཁང༌། ས་བཅད་ལྔ་པ། ས་གནས་རིམ་པ་ཁག་གི་མི་དམངས་འཐུས་མི་ཚོགས་ཆེན་དང་ས་གནས་རིམ་པ་ཁག་གི་མི་དམངས་ སྲིད་གཞུང༌། ས་བཅད་དྲུག་པ། མི་རིགས་རང་སྐྱོང་ས་ཁུལ་གྱི་རང་སྐྱོང་ལས་ཁུངས། ས་བཅས་བདུན་པ། མི་དམངས་ཁྲིམས་ཁང་དང་མི་དམངས་ཞིབ་དཔྱོད་ཁང༌། ལེའུ་བཞི་པ། རྒྱལ་དར། རྒྱལ་གླུ རྒྱལ་རྟགས། རྒྱལ་ས། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས། ༡༩༨༢ ལོའི་ཟླ་བ་༡༢པའི་ཚེས༤ཉིན་རྒྱལ་ཡོངས་མི་དམངས་འཐུས་མི་ཚོགས་ཆེན་སྐབས་ལྔ་པའི་ གྲོས་ཚོགས་ཐེངས་ལྔ་པའི་ཐོག་གྲོས་འཆམ་བྱུང་ཞིང༌།༡༩༨༢ལོའི་ཟླ་བ་༡༢པའི་ཚེས་༤ ཉིན་རྒྱལ་ཡོངས་མི་དམངས་འཐུས་མི་ཚོགས་ཆེན་གྱིས་སྤྱི་བསྒྲགས་བྱས་ཏེ་ལག་བསྟར་ བྱས་པ།༡༩༨༨ལོའི་ཟླ་བ་༤པའི་ཚེས་༡༢ཉིན་རྒྱལ་ཡོངས་མི་དམངས་འཐུས་མི་ཚོགས་ཆེན་ སྐབས་བདུན་པའི་གྲོས་ཚོགས་ཐེངས་གཅིག་པའི་ཐོག་གྲོས་འཆམ་བྱུང་བའི་ཀྲུང་ཧྭ་མི་ དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་དག་བཅོས་འཆར་ཟིནདང༌།༡༩༩༣ལོའི་ཟླ་བ་༣ པའི་ཚེས་༢༩ཉིན་རྒྱལ་ཡོངས་མི་དམངས་འཐུས་མི་ཚོགས་ཆེན་སྐབས་བརྒྱད་པའི་གྲོས་ ཚོགས་ཐེངས་གཅིག་པའི་ཐོག་གྲོས་འཆམ་བྱུང་བའིཀྲུང་ཧྭ་མི་དམངས་སྤྱི་མཐུན་རྒྱལ་ ཁབ་ཀྱི་རྩ་ཁྲིམས་དག་བཅོས་འཆར་ཟིནདང༌།༡༩༩༩ལོའི་ཟླ་བ་༣པའི་ཚེས་༡༥ཉིན་རྒྱལ་ ཡོངས་མི་དམངས་འཐུས་མི་ཚོགས་ཆེན་སྐབས་དགུ་པའི་གྲོས་ཚོགས་ཐེངས་གཉིས་པའི་ཐོག་ གྲོས་འཆམ་བྱུང་བའི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་དག་ བཅོས་འཆར་ཟིནདང༌།༢༠༠༤ལོའི་ཟླ་བ་༣པའི་ཚེས་༡༤ཉིན་རྒྱལ་ཡོངས་མི་དམངས་འཐུས་མི་ ཚོགས་ཆེན་སྐབས་བཅུ་པའི་གྲོས་ཚོགས་ཐེངས་གཉིས་པའི་ཐོག་གྲོས་འཆམ་བྱུང་བའི་ ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་དག་བཅོས་འཆར་ཟིནབཅས་གཞིར་ བཟུང་ནས་དག་བཅོས་བྱས། གླེང་གཞི།ཀྲུང་ གོ་ནི་འཛམ་གླིང་སྟེང་ལོ་རྒྱུས་ཆེས་ཡུན་རིང་ལྡན་པའི་རྒྱལ་ཁབ་ཞིག་ཡིན།ཀྲུང་ གོ་མི་རིགས་སོ་སོའི་མི་དམངས་ཀྱིས་ཐུན་མོང་དུ་འོད་སྟོང་འབར་བའི་རིག་གནས་གསར་ གཏོར་བྱས་ཡོད་པ་དང༌།གཟི་བརྗིད་ཅན་གྱི་གསར་བརྗེས་སྲོལ་རྒྱུད་ལྡན་པ་རེད།༡༨༤༠ ལོ་ནས་བཟུང་བཀས་བཀོད་རྒྱུད་ཀྱི་ཀྲུང་གོ་ནི་རིམ་བཞིན་བཀས་བཀོད་རྒྱུད་འཛིན་ ཕྱེད་ཙམ་དང་མི་སེར་སྤེལ་ཡུལ་ཕྱེད་ཙམ་གྱི་རྒྱལ་ཁབ་རུ་གྱུར། ཀྲུང་གོ་མི་དམངས་ཀྱིས་རྒྱལ་ཁབ་གྱི་རང་བཙན་དང༌། མི་རིགས་ཀྱི་བཅིངས་འགྲོལ།དམངས་གཙོ་རང་དབང་བཅས་ཀྱི་ཆེད་དུ་སྔོན་འགྱེལ་རྗེས་ མཐུན་གྱིས་དཔའ་ངར་ཆེན་པོ་ངང་འབད་ཐབས་བྱས།དུས་རབས་ཉིས་ཤུ་པར་ཀྲུང་གོར་གནམ་ས་ བླ་འོག་སྒྱུར་བའི་རླབས་ཆེན་བའི་ལོ་རྒྱུས་ཀྱི་བསྒྱུར་བཅོས་བྱུང༌།༡༩༡༡ལོར་ སྐུ་ཞབས་སུན་ཀྲུང་ཧྲན་ལགས་ཀྱི་འགོ་ཁྲིད་བྱས་པའི་ལྕགས་ཕག་ལོའི་གསར་བརྗེས་ བཀས་བཀོད་རྒྱུད་འཛིན་གྱི་གོང་མའི་ལམ་ལུགས་མེད་པ་བཏང་ནས་ཀྲུང་ཧྭ་མི་སེར་ རྒྱལ་ཁབ་བཙུགས།འོན་ཀྱང་ཀྲུང་གོ་མི་དམངས་ཀྱིས་བཙན་རྒྱལ་རིང་ལུགས་དང་བཀས་ བཀོད་རྒྱུད་འཛིན་ལ་ངོ་རྒོལ་བྱས་པའི་ལོ་རྒྱུས་ཀྱི་ལས་འགན་ད་དུང་ལེགས་གྲུབ་ བྱུང་མེད།༡༩༤༩ལོར་མོའ་ཙེ་ཏུང་གཙོ་འཛོན་ཡིན་པའི་ཀྲུང་གོ་གུང་ཁྲན་ཏང་གིས་ ཀྲུང་གོ་མི་རིགས་ཁག་གི་མི་དམངས་འགོ་ཁྲིད་བྱས་ཏེ་ཡུན་རིང་ཞིང་དཀའ་ཚེགས་ཆེ་ ཞིང་འགལ་རྐྱེན་རྙོག་འཛིང་ཆེ་བའི་དྲག་ཆས་འཐབ་རྩོད་དང་རྣམ་པ་གཞན་གྱིས་འཐབ་ རྩོད་བྱས་རྗེས་མཐར་བཙན་རྒྱལ་རིང་ལུགས་དང་བཀས་བཀོད་རྒྱུད་འཛིན་རིང་ལུགས། དཔོན་ངན་མ་རྩ་རིང་ལུགས་སོགས་ཀྱི་དབང་སྒྱུར་མགོ་རྟིང་སློག་ནས་དམངས་གཙོ་རིང་ ལུགས་གསར་པའི་གསར་བརྗེས་བརླབས་ཆེན་བའི་རྒྱལ་ཁབ་ཐོབ་པ་དང༌།ཀྲུང་ཧྭ་མི་དམངས་ སྤྱི་མཐུན་རྒྱལ་ཁབ་འཛུགས།དེ་ནས་བཟུང་ཀྲུང་གོ་མི་དམངས་ཀྱིས་རྒྱལ་ཁབ་གྱི་དབང་ ཆ་བཟུང་ཏེ་རྒྱལ་ཁབ་གྱི་བདག་པོར་གྱུར།ཀྲུང་གོ་མི་དམངས་སྤྱི་མཐུན་རྒྱལ་ཁབ་ དབུ་བརྙེས་རྗེས།རང་རྒྱལ་གྱི་སྤྱི་ཚོགས་ཏེ་དམངས་གཙོ་རིང་ལུགས་གསར་པ་ནས་རིམ་ བཞིན་སྤྱི་ཚོགས་རིང་ལུགས་སུ་བར་བརྒལ་མངོན་དུ་འགྱུར།ཐོན་སྐྱེད་རྒྱུ་ཆ་སྒེར་ ལ་དབང་བའི་ལམ་ལུགས་ཀྱི་སྤྱི་ཚོགས་རིང་ལུགས་བསྒྱུར་བཀོད་ལེགས་པ་གྲུབ།མི་མིར་ བཤུ་གཞོག་བྱས་པའི་ལམ་ལུགས་རྩ་མེད་དུ་བཏང་ནས་སྤྱི་ཚོགས་རིང་ལུགས་ཀྱི་ལམ་ ལུགས་དངོས་སུ་ཚུགས།བཟོ་པ་གྲལ་རིམ་གྱི་མགོ་ཁྲིད་བྱས་པའི་བཟོ་ཞིང་མནའ་འབྲེལ་ རྨང་གཞི་བྱས་པའི་མི་དམངས་དམངས་གཙོ་སྲིད་དབང་སྒེར་འཛིན་ཏེ་འབྱོར་མེད་གྲལ་ རིམ་གྱི་སྲིད་དབང་སྒེར་འཛིན་སྲ་བརྟན་དང་འཕེལ་རྒྱས་བྱུང༌།ཀྲུང་གོ་མི་དམངས་ དང་ཀྲུང་གོ་མི་དམངས་བཅིངས་འགྲོལ་དམག་གིས་བཙན་རྒྱལ་རིང་ལུགས་དང་བཙན་དབང་ རིགས་ལུགས་ཀྱིས་བཙན་འཛུལ་དང་གཏོར་བརླགདྲག་པོའི་འཁྲུག་རྐྱེན་ལས་རྣམ་པ་རྒྱལ་ བས།རྒྱལ་ཁབ་གྱི་རང་བཙན་དང་བདེ་འཇགས་འགན་སྲུང་བྱས་པ་དང་རྒྱལ་སྲུང་གི་སྟོབས་ ཤུགས་ཇེ་ཆེར་བྱུང༌།དཔའ་འབྱོར་འཛུགས་སྐྲུན་ཐད་གལ་ཆེ་བའི་གྲུབ་འབྲས་ཐོབ།རང་ ཚུགས་དང་ཅུང་ཆ་ཚང་བའི་སྤྱི་ཚོགས་རིང་ལུགས་བཟོ་ལས་མ་ལག་གཞི་རྩའི་ཐོག་ནས་ གཞིར་ཆགས། ཞིང་ལས་ཐོན་སྐྱེད་མངོན་གསར་མཐོ་འདེགས་བྱུང་བ་དང༌།སློབ་གསོ་དང་ཚན་ རིགརིགས་ གནས་སོགས་བྱ་བཞག་ལ་འཕེལ་རྒྱས་ཆེན་པོ་བྱུང༌།སྤྱི་ཚོགས་རིང་ལུགས་ཀྱི་བསམ་པའི་ སློབ་གསོ་ལ་གྲུབ་འབྲས་མངོན་གསར་ཐོབ། རྒྱ་ཆེ་བའི་མི་དམངས་ཀྱི་འཚོ་བར་ལེགས་སྒྱུར་ཆེན་པོ་བྱུང༌།ཀྲུང་ གོ་དམངས་གཙོ་རིང་ལུགས་གསར་པའི་གསར་བརྗེ་ལ་རྒྱལ་ཁབ་བླངས་པ་དང་སྤྱི་ཚོགས་རིང་ ལུགས་བྱ་བཞག་གི་གྲུབ་འབྲས་ནི་ཀྲུང་གོ་གུང་ཁྲན་ཏང་གིས་ཀྲུང་གོ་མི་རིགས་སོ་ སོའི་མི་དམངས་འགོ་ཁྲིད་བྱས་ཏེ་མའ་ལེ་རིང་ལུགས་དང་མོའ་ཙེ་ཏོང་དགོངས་པའི་ མཛུབ་སྟོན་འོག་བདེན་དོན་རྒྱུན་འཁྱོངས།ནོར་འཁྲུལ་ཡོ་བསྲང་བྱས་ཏེ་དཀའ་ངལ་དང་ ཉེན་ཁ་སྣ་མང་ལས་རྣམ་པ་རྒྱལ་ནས་ཐོབ་པ་རེད།རང་རྒྱལ་ནི་དུས་ཡུན་རིང་པོའི་ནང་ སྤྱི་ཚོགས་རིང་ལུགས་དམའ་རིམ་དུས་སྐབས་སུ་གནས་ཤིགརྒྱལ་ཁབ་ཀྱི་གཞི་རྩའི་ལས་ འགན་ནི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་འགྲོ་ལམ་བརྒྱུད་དེ་ སྟོབས་ཤུགས་གཅིག་བསྡུས་ཀྱིས་སྤྱི་ཚོགས་རིང་ལུགས་དེར་རབ་ཅན་འཛུགས་སྐྲུན་ བྱེད་རྒྱུ།ཀྲུང་གོའི་མི་རིགས་ཁག་གི་མི་དམངས་ཀྱིས་མུ་མཐུད་དུ་ཀྲུང་གོ་གུང་ ཁྲན་ཏང་གིས་འགོ་ཁྲིད་འོག མའ་ལེན་རིང་ལུགས་དང༌། མོའ་ཙེ་ཏུང་གི་དགོངས་པ། ཏའེ་ཤའ་ཕིང་གི་རིགས་པའི་གཞུང་ལུགས་དང་མཚོན་བྱེད་གསུམ་གྱི་གལ་ཆེ་བའི་བསམ་ བློ་གྱི་མཛུབ་སྟོན་འོག་མི་དམངས་དམངས་གཙོ་སྲིད་དབང་སྒེར་འཛིན་རྒྱུན་འཁྱོངས་ བྱེད་པ་དང༌། སྤྱི་ཚོགས་རིང་ལུགས་ཀྱི་ལམ་ལུགས་རྒྱུན་འཁྱོངས་བྱེད་པ།བསྒྱུར་བཅོས་སྒོ་ འབྱེད་རྒྱུན་འཁྱོངས་བྱེད་དེ་སྤྱི་ཚོགས་རིང་ལུགས་ཀྱི་སྒྲིག་སྲོལ་རྒྱུན་མི་ ཆད་པ་འཐུས་ཚང་དུ་བཏང་བ་དང༌།སྤྱི་ཚོགས་རིང་ལུགས་ཀྱི་ཚོང་རའི་དཔལ་འབྱོར་དང་ སྤྱི་ཚོགས་རིང་ལུགས་ཀྱི་དམངས་གཙོ་འཕེལ་རྒྱས་གཏོང་བ་དང༌།སྤྱི་ཚོགས་རིང་ལུགས་ ཀྱི་ཁྲིམས་སྲོལ་འཐུས་ཚང་དུ་བཏང་བ།རང་སྟོབས་རང་སྤེལ།དཀའ་སྤྱད་འབད་བརྩོན།བཟོ་ ལས་དང་ཞིང་ལས།རྒྱལ་སྲུང༌།ཚན་རིག་ལག་རྩལ་དེར་རབ་ཅན་ཏུ་རིམ་བཞིན་མངོན་ཏུ་ གྱུར་ནས་དངོས་པོའི་དཔལ་ཡོན་དང་ཆབ་སྲིད་དཔལ་ཡོན།བསམ་པའི་དཔལ་ཡོན་མཐུན་འཆམ་ ངང་སྐུལ་འདེད་གཏོང་ནས་རང་རྒྱལ་ནི་སྟོབས་འབྱོར་དང་དམངས་གཙོ།ཤེས་རིག་ལྡན་པའི་ སྤྱི་ཚོགས་རིང་ལུགས་རྒྱལ་ཁབ་ཞིག་འཛུགས་སྐྲུན་བྱེད་རྒྱུ།རང་རྒྱལ་དུ་བཤུ་ གཞོག་གྲལ་རིམ་རྩ་མེད་དུ་བཏང་ཟིན་ཀྱང་གྲལ་རིམ་འཐབ་རྩོད་ཁྱབ་ཁོངས་ངེས་ཅན་ཞིག་ གི་ནང་ད་དུང་ཡུན་རིང་གནས།ཀྲུང་གོ་མི་དམངས་ཀྱིས་དགྲ་འཛིན་པ་དང་རང་རྒྱལ་གྱི་ སྤྱི་ཚོགས་རིང་ལུགས་ལ་གཏོར་བཤིག་བཏང་བའི་དགྲ་འཛིན་སྟོབས་ཤུགས་དང་དགྲ་འཛིན་ མཁན་ལ་ངེས་པར་དུ་འཐབ་རྩོད་བྱེད་དགོས།ཐའེ་ཝན་ནི་ཀྲུང་ཧྭ་མི་དམངས་སྤྱི་མཐུན་ རྒྱལ་ཁབ་གྱི་མཆོག་འགྱུར་མངའ་ཁོངས་ཀྱི་ཆ་ཤེས་ཤིག་ཡིན།མེས་རྒྱལ་གོང་བུ་གཅིག་ འགྱུར་གྱི་བྱ་བཞག་ནི་ཐའེ་ཝན་སྤུན་ཟླ་འདུས་པའི་ཀྲུང་གོ་མི་དམངས་ཡོངས་ཀྱི་ལས་ འགན་མཆོག་འགྱུར་ཞིག་ཡིན།སྤྱི་ཚོགས་རིང་ལུགས་ཀྱི་འཛུགས་སྐྲུན་བྱ་བཞག་ནི་ངེས་ པར་ཏུ་བཟོ་པ་དང་ཞིང་པ།ཤེས་ཡོན་ཅན་ལ་བརྟན་དགོས་པ་དང༌།མཐུན་སྒྲིལ་བྱེད་ཐུབ་ པའི་སྟོབས་ཤུགས་མཐའ་དག་དང་མཐུན་སྒྲིལ་བྱེད་དགོས།ཡུན་རིང་གིས་གསར་བརྗེ་དང་ འཛུགས་སྐྲུན་གྱི་བརྒྱུད་རིམ་ནང་ཀྲུང་གོ་གུང་ཁྲན་ཏང་གི་འགོ་ཁྲིད་བྱེད་པ་དང་ དམངས་གཙོ་ཏང་ཁག་དང་མི་དམངས་ཀྱི་ཚོགས་པ་སོ་སོའི་བཞུགས་པ་དང་སྤྱི་ཚོགས་རིང་ ལུགས་ཀྱི་ངལ་རྩོལ་པ་དང་སྤྱི་ཚོགས་རིང་ལུགས་བྱ་བཞག་གི་འཛུགས་སྐྲུན་པ་དང༌། སྤྱི་ཚོགས་རིང་ལུགས་ལ་རྒྱབ་སྐྱོར་བྱེད་པའི་རྒྱལ་གཅེས་པ་དང་མེས་　རྒྱལ་ གཅིག་གྱུར་ལ་རྒྱབ་སྐྱོར་བྱེད་པའི་རྒྱལ་གཅེས་པ་སོགས་འདུས་པའི་ཁྱབ་ཆེ་བའི་ རྒྱལ་གཅེས་འཐབ་ཕྱོགས་གཅིག་གྱུར་གྲུབ་ཡོད།འཐབ་ཕྱོགས་གཅིག་གྱུར་འདི་ནི་མུ་ མཐུད་དུ་སྲ་བརྟན་དང་འཕེལ་རྒྱས་གཏོང་རྒྱུ།ཀྲུང་གོ་མི་དམངས་ཆབ་སྲིད་གྲོས་མོས་ ཚོགས་འདུ་ནི་ཁྱབ་ཆེ་བའི་འཐུས་མི་རང་བཞིན་ལྡན་པའི་འཐབ་ཕྱོགས་གཅིག་གྱུར་གྱི་ རྩ་འཛུགས་ཡིན།འདས་པའི་ལོའི་ནང་གལ་ཆེ་བའི་ལོ་རྒྱུས་ཀྱི་ནུས་པ་ཐོན།རྗེས་སུ་ ཡང་རྒྱལ་ཁབ་གྱི་ཆབ་སྲིད་འཚོ་བ་དང་སྤྱི་ཚོགས་འཚོ་བ།ཕྱིར་འབྲེལ་བྱ་འགུལ་ཁྲོད་ དང་སྤྱི་ཚོགས་རིང་ལུགས་དེར་རབ་ཅན་གྱི་འཛུགས་སྐྲུན་དང་རྒྱལ་ཁབ་གཅིག་གྱུར་དང་ མཐུན་སྒྲིལ་གྱི་འཐབ་རྩོད་ནང་མུ་མཐུད་དུ་དེའི་ནུས་པ་གལ་ཆེ་　　འདོན་ སྤེལ་བྱེད་རྒྱུ།ཀྲུང་གོ་གུང་ཁྲན་ཏང་གིས་འགོ་ཁྲིད་བྱེད་པའི་ཏང་མང་མཉམ་ལས་དང་ ཆབ་སྲིད་གྲོས་མོས་ཚོགས་འདུ་ལམ་ལུགས་དུས་ཡུན་རིང་པོའི་གནས་པ་དང་འཕེལ་རྒྱས་ བྱེད་རྒྱུ། ཀྲུང་ ཧྭ་མི་དམངས་སྤྱི་མཐུན་རྒྱལ་ཁབ་ནི་རྒྱལ་ཡོངས་མི་རིགས་སོ་སོའི་མི་དམངས་ཀྱིས་ ཐུན་མོང་གསར་འཛུགས་བྱས་པའི་གཅིག་གྱུར་གྱི་མི་རིགས་མང་བའི་རྒྱལ་ཁབ་ཞིག་ཡིན། འདྲ་མཉམ་དང་མཐུན་སྒྲིལ།མཉམ་ལས་ཀྱི་སྤྱི་ཚོགས་རིང་ལུགས་མི་རིགས་ཀྱི་འབྲེལ་བ་ ཚུགས་ཡོད་པ་མ་ཟད་ད་དུང་མུ་མཐུད་དུ་ཤུགས་སྣོན་བྱ་རྒྱུ།མི་རིགས་མཐུན་སྒྲིལ་ གྱི་འཐབ་རྩོད་འགན་སྲུང་བྱེད་ཁྲོད་མི་རིགས་ཆེན་པོ་རིང་ལུགས་ལ་ངོ་རྒོལ་བྱེད་ དགོས་པ་དང་གཙོ་བོ་རྒྱ་རིགས་ཆེན་པོ་རིང་ལུགས་ལ་ངོ་རྒོལ་བྱེད་དགོས་པ་དང་ས་ གནས་མི་རིགས་རིང་ལུགས་ལ་ཡང་ངོ་རྒོལ་བྱེད་དགོས། རྒྱལ་ཁབ་གྱིས་འབད་བརྩོན་གང་ལེགས་བྱས་ཏེ་རྒྱལ་ཡོངས་མི་རིགས་ཁག་ཐུན་མོང་དར་ རྒྱས་གོང་འཕེལ་གཏོང་དགོས།ཀྲུང་གོའི་གསར་བརྗེ་དང་འཛུགས་སྐྲུན་གྱི་གྲུབ་འབྲས་ ནི་འཛམ་གླིང་མི་དམངས་ཀྱིས་རྒྱབ་སྐྱོར་དང་བྲལ་ཐབས་མི་རུང་བ་རེད།ཀྲུང་གོའི་ མདུན་ལམ་ནི་འཛམ་གླིང་གི་མདུན་ལམ་དང་འབྲེལ་བ་དམ་པོ་ཡོད།ཀྲུང་གོས་རང་ཚུགས་རང་ བདག་གི་ཕྱིར་འབྲེལ་སྲིད་ཇུས་རྒྱུན་འཁྱོངས་བྱེད་པ་དང་ཕན་ཚུན་གྱི་བདག་དབང་དང་ མངའ་ཁོངས་ཆ་ཚང་ལ་བརྩི་འཇོག་བྱེད་དེ་ཕན་ཚུན་བཙན་གནོད་མི་བྱེད་པ་དང༌།ཕན་ཚུན་ ནང་སྲིད་ལ་ཐེ་གཏོགས་མི་བྱེད་པ།འདྲ་མཉམ་གཉིས་ཕན།ཞི་བ་མཉམ་གནས་གྱི་རྩ་དོན་ལྔ་ རྒྱུན་འཁྱོངས་བྱེད་པ་དང༌།རྒྱལ་ཁབ་ཁག་བར་གྱི་ཕྱིར་འབྲེལ་གྱི་འབྲེལ་བ་དང་དཔལ་ འབྱོར།རིག་གནས་བརྗེ་རེས་བྱེད་རྒྱུ།བཙན་རྒྱལ་རིང་ལུགས་དང་བཙན་དབང་རིགས་ལུགས། མི་སེར་སྤེལ་བའི་རིང་ལུགས་ལ་ངོ་རྒོལ་རྒྱུན་འཁྱོངས་བྱེད་དེ་འཛམ་གླིང་སྟེང་ གི་རྒྱལ་ཁབ་སོ་སོ་བར་གྱི་མཐུན་སྒྲིལ་ལ་ཤུགས་སྣོན་བྱེད་དེ་གཉའ་གནོད་མྱུང་ བའི་མི་རིགས་དང་འཕེལ་རྒྱས་འགྲོ་བཞིན་པའི་རྒྱལ་ཁབ་གྱི་མི་རིགས་རང་བཙན་འགན་ སྲུང་དང་བརྩོན་ལེན།མི་རིགས་དཔལ་འབྱོར་འཕེལ་རྒྱས་བྱེད་པའི་དྲང་བདེན་འཐབ་ རྩོད་བཅས་ལ་རྒྱབ་སྐྱོར་བྱེད་དེ་འཛམ་གླིང་ཞི་བདེ་སྲུང་འགན་དང་མིའི་རིགས་ཀྱི་ བྱ་བཞག་གོང་འཕེལ་བྱེད་ཆེད་འབད་བརྩོན་བྱེད་རྒྱུ།རྩ་ཁྲིམས་འདིས་བཅའ་ཁྲིམས་ ཀྱི་རྣམ་པ་ལས་ཀྲུང་གོ་མི་རིགས་ཁག་གི་མི་དམངས་ཀྱིས་འབད་ཐབས་བྱེད་པའི་གྲུབ་ འབྲས་མཐའ་གཅིག་ཏུ་ངོས་འཛིན་བྱེད་པ་དང༌།རྒྱལ་ཁབ་གྱི་རྩ་བའི་ལམ་ལུགས་དང་གཞི་ རྩའི་ལས་འགན་གཏན་ཁེལ་བྱས་པས་རྒྱལ་ཁབ་གྱི་རྩ་བའི་བཅའ་ཁྲིམས་ཡིན། ཆེས་མཐོ་བའི་བཅའ་ཁྲིམས་ཀྱི་ནུས་པ་ལྡན། རྒྱལ་ཡོངས་མི་རིགས་སོ་སོའི་མི་དམངས་དང༌། རྒྱལ་ཁབ་ཀྱི་ལས་ཁུངས་དང་དྲག་ཆས་སྟོབས་　ཤུགས། སྲིད་ཏང་ཁག་དང་སྤྱི་ཚོགས་ཚོགས་པ།ཁེ་ལས་ལས་དོན་སྡེ་ཁག་སོགས་ངེས་པར་ཏུ་རྩ་ ཁྲིམས་ཏེ་ལས་འགུལ་གྱི་རྩ་བའི་ཚད་གཞི་བྱས་པ་མ་ཟད་རྩ་ཁྲིམས་ཀྱི་ཟིལ་སྙན་ཉམས་ མེད་སྲུང་སྐྱོང་བྱེད་པ་དང་རྩ་ཁྲིམས་ལག་བསྟར་འགན་སྲུང་བྱེད་པའི་འགན་འཁྲི་ ཁུར་དགོས། ལེའུ་དང་པོ། སྤྱིའི་རྩ་དོན།དོན་ཚན་དང་པོ།ཀྲུང་ ཧྭ་མི་དམངས་སྤྱི་མཐུན་རྒྱལ་ཁབ་ནི་བཟོ་པ་གྲལ་རིམ་གྱིས་འགོ་ཁྲིད་བྱེད་པ་དང་ བཟོ་ཞིང་མནའ་འབྲེལ་གྱིས་རྨང་གཞི་བྱེད་པའི་མི་དམངས་དམངས་གཙོ་སྲིད་དབང་སྒེར་ འཛིན་གྱི་སྤྱི་ཚོགས་རིང་ལུགས་ཀྱི་རྒྱལ་ཁབ་ཞིག་ཡིན།སྤྱི་ ཚོགས་རིང་ལུགས་ཀྱི་ལམ་ལུགས་ནི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྩ་ བའི་ལམ་ལུགས་ཡིན་པ་དང༌།རྩ་འཛུགས་གང་ཞིག་དང་མི་སུ་ཞིག་གིས་སྤྱི་ཚོགས་རིང་ ལུགས་ཀྱི་ལམ་ལུགས་ལ་གཏོར་བཤིག་གཏོང་བར་བཀག་སྡོམ་བྱེད་དགོས།དོན་ཚན་གཉིས་པ། ཀྲུང་ ཧྭ་མི་དམངས་སྤྱི་མཐུན་རྒྱལ་ཁབ་ཀྱི་དབང་ཆ་ཚང་མ་མི་དམངས་ལ་དབང་བ་ཡིན།མི་དམངས་ ཀྱིས་རྒྱལ་ཁབ་གྱི་དབང་ཆ་སྤྱོད་པའི་ལས་ཁུངས་ནི་རྒྱལ་ཡོངས་མི་དམངས་འཐུས་མི་ ཚོགས་ཆེན་དང་ས་གནས་རིམ་པ་ཁག་གི་མི་དམངས་འཐུས་མི་ཚོགས་ཆེན་ཡིན།མི་དམངས་ཀྱིས་ བཅའ་ཁྲིམས་ཀྱི་གཏན་འབེབས་ལྟར་ཐབས་ལམ་དང་བྱེད་སྟངས་སྣ་ཚོགས་ལ་བརྟེན་ནས་རྒྱལ་ ཁབ་གྱི་ལས་དོན་དང༌།དཔའ་འབྱོར།རིག་གནས་ཀྱི་བྱ་བཞགསྤྱི་ཚོགས་ལས་དོན་སོགས་ལ་ དོམ་དམ་བྱེད་དགོས། དོན་ཚན་གསུམ་པ།ཀྲུང་ ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྒྱལ་ཁབ་སྒྲིག་གཞིས་དམངས་གཙོ་གཅིག་སྡུད་ ལམ་ལུགས་ཀྱི་རྩ་དོན་ལག་བསྟར་བྱེད་པ་ཡིན།རྒྱལ་ཡོངས་མི་དམངས་འཐུས་མི་ཚོགས་ ཆེན་དང་ས་གནས་རིམ་པ་སོ་སོའི་མི་དམངས་འཐུས་མི་ཚོགས་ཆེན་ནི་དམངས་གཙོ་ལ་བརྟེན་ ནས་བདམས་ཐོན་བྱུང་བ་ཡིན་པས།དེས་མི་དམངས་ལ་འགན་ཁུར་བ་དང་མི་དམངས་ཀྱིས་ལྟ་ སྐུལ་དང་ལེན་བྱེད་དགོས།རྒྱལ་ཁབ་ཀྱི་སྲིད་འཛིན་ལས་ཁུངས་དང༌།འདྲི་གཅོད་ལས་ ཁུངས། ཞིབ་དཔྱོད་ལས་ཁུངས་སོགས་ནི་མི་དམངས་འཐུས་མི་ཚོགས་ཆེན་ལས་ཐོན་དགོས་པ་　དང༌། དེས་འགན་ཁུར་པ་དང་དེའི་ལྟ་སྐུལ་དང་ལེན་བྱེད་དགོས།ཀྲུང་དབྱངས་དང་ས་གནས་ཀྱི་ རྒྱལ་ཁབ་སྒྲིག་གཞིའི་འགན་དབང་དབྱེ་འབྱེདབྱེད་སྟངས་ནི་ཀྲུང་དབྱངས་གི་གཅིག་ གྱུར་འགོ་ཁྲིད་འོགགང་ལེགས་སྒོས་ས་གནས་ཀྱི་རང་འགུལ་རང་བཞིན་དང་ཧུར་བརྩོན་རང་ བཞིན་འདོན་སྤེལ་བྱེད་པའི་རྩ་དོན་ལ་བརྩི་སྲུང་བྱེད་རྒྱུད་དེ་ཡིན། དོན་ཚན་བཞི་པ།ཀྲུང་ ཧྭ་མི་དམངས་སྤྱི་མཐུན་རྒྱལ་ཁབ་ཀྱི་མི་རིགས་ཚང་མ་འདྲ་མཉམ་ཡིན་པ་དང༌།རྒྱལ་ཁབ་ གྱིས་གྲངས་ཉུང་མི་རིགས་སོ་སོའི་ཁྲིམས་མཐུན་དབང་ཆ་དང་ཁེ་ཕེན་ཁག་ཐེག་བྱེད་ རྒྱུ།མི་རིགས་སོ་སོའི་འདྲ་མཉམ་དང་མཐུན་སྒྲིལ།རོགས་རམ་བཅས་ཀྱི་འབྲེལ་བ་སྲུང་ སྐྱོང་དང་གོང་སྤེལ་བྱེད་དགོས།མི་རིགས་གང་ཞིག་ལའམ་མཐོང་ཆུང་དང་གཉའ་གནོན་ བྱེད་པའི་རིགས་ལ་བཀག་སྡོམ་བྱེད་དགོས། མི་རིགས་མཐུན་སྒྲིལ་ལ་གཏོར་བརླག་དང་མི་རིགས་ཁ་བྲལ་　　གཏོང་ བའི་བྱ་སྤྱོད་ལ་བཀག་སྡོམ་བྱེད་དགོས།རྒྱལ་ཁབ་ཀྱིས་གྲངས་ཉུང་མི་རིགས་ཁག་གི་ ཁྱད་ཆོས་དང་དགོས་མཁོ་གཞིར་བཟུང་ནས་གྲངས་ཉུང་མི་རིགས་ས་ཁུལ་ཁག་གི་དཔལ་འབྱོར་ དང་རིག་གནས་འཕེལ་ཚད་ཇེ་འགྱོགས་སུ་གཏོང་རོགས་བྱེད་དགོས།གྲངས་ཉུང་མི་རིགས་ འདུས་སྡོད་བྱེད་པའི་ས་གནས་སོ་སོར་ས་ཁོངས་རང་སྐྱོང་ལག་བསྟར་བྱེད་སྟེ་རང་ སྐྱོང་ལས་ཁུངས་འཛུགས་རྒྱུ་དང་རང་སྐྱོང་དབང་ཆ་ལག་བསྟར་བྱེད་དུ་འཇུག་དགོས། མི་ རིགས་རང་སྐྱོང་ས་གནས་ཚང་མ་ནི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བྲལ་ དུ་མི་རུང་བའི་གྲུབ་ཆ་ཡིན།མི་རིགས་སོ་སོར་རང་ཉིད་ཀྱི་སྐད་ཆ་དང་ཡི་གེ་སྤྱོད་ པ་དང་གོང་དུ་སྤེལ་བའི་རང་དབང་ཡོད།ཚང་མ་ལ་རང་ཉིད་ཡུལ་སྲོལ་གོམས་གཤིས་རྒྱུན་ འཛིན་དང་ཡང་ན་སྒྱུར་བཅོས་བྱེད་པའི་རང་དབང་ཡོད།དོན་ཚན་ལྔ་པ།ཀྲུང་ ཧྭ་མི་དམངས་སྤྱི་མཐུན་རྒྱལ་ཁབ་ཀྱིས་རྩ་ཁྲིམས་ལྟར་རྒྱལ་ཁབ་སྐྱོང་བ་ལག་བསྟར་ བྱས་ཏེ།སྤྱི་ཚོགས་རིང་ལུགས་ཁྲིམས་སྐྱོང་རྒྱལ་ཁབ་འཛུགས་སྐྲུན་བྱེད་དགོས། རྒྱལ་ཁབ་ཀྱིས་སྤྱི་ཚོགས་རིང་ལུགས་ཁྲིམས་ལུགས་གཅིག་གྱུར་དང་དེའི་གཟི་རྔམ་ལ་ འགན་སྲུང་བྱེད་དགོས།བཅའ་ཁྲིམས་དང་སྲིད་འཛིན་ཁྲིམས་སྲོལ།ས་གནས་རང་བཞིན་ལྡན་ པའི་ཁྲིམས་སྲོལ་མཐའ་དག་རྩ་ཁྲིམས་དང་རྒྱབ་འགལ་མི་ཆོགརྒྱལ་ཁབ་ཀྱི་ལས་ཁུངས་དང་ དྲག་ཆས་སྟོབས་ཤུགས་ཏང་སྲིད་དང་སྤྱི་ཚོགས་ཀྱི་ཚོགས་པ།ཁེ་ལས་དང་ལས་དོན་གྱི་ རྩ་འཛུགས་མཐའ་དག་གིས་ངེས་པར་དུ་རྩ་ཁྲིམས་དང་བཅའ་ཁྲིམས་ལ་བརྩི་སྲུང་བྱེད་ དགོས།རྩ་ཁྲིམས་དང་བཅའ་ཁྲིམས་ལ་འགལ་བའི་བྱ་སྤྱོད་ཚང་མར་ངེས་པར་དུ་རྩད་གཅོད་ བྱེད་དགོས།རྩ་འཛུགས་གང་ཞིག་དང་མི་སུ་ཞིག་ཡིན་རུང་ཚང་མར་རྩ་ཁྲིམས་དང་བཅའ་ ཁྲིམས་ལས་འདས་པའི་ ཁྱད་དབང་ཡོད་མི་ཆོགདོན་ཚན་དྲུག་པ།ཀྲུང་ ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྤྱི་ཚོགས་རིང་ལུགས་དཔལ་འབྱོར་ལམ་ལུགས་ ཀྱི་རྨང་གཞི་ནི་ཐོན་སྐྱེད་རྒྱུ་ཆ་སྤྱི་ཚོགས་རིང་ལུགས་སྤྱི་ལ་དབང་བའི་ལམ་ ལུགས་ཏེ།དམངས་ཡོངས་ལ་དབང་བའི་ལམ་ལུགས་དང་ངལ་རྩོལ་མང་ཚོགས་ཐུན་མོང་ལ་དབང་ བའི་ལམ་ལུགས་ཡིན།སྤྱི་ཚོགས་རིང་ལུགས་སྤྱི་ལ་དབང་བའི་ལམ་ལུགས་ཀྱིས་མི་མིར་ བཤུ་གཞོག་བྱེད་པའི་ལམ་ལུགས་རྩ་མེད་དུ་བཟོས་ཏེ་རང་ནུས་གང་ཡོད་འདོན་པ་དང་ རྩོལ་བསྟུན་ཐོབ་སྤྲོད་ཀྱི་རྩ་དོན་ལག་ལེན་དུ་བསྟར་བ་ཡིན།རྒྱལ་ཁབ་ཀྱིས་སྤྱི་ ཚོགས་རིང་ལུགས་ཐོག་མའི་དུས་རིམ་ཁྲོད།སྤྱི་ལ་དབང་བའི་ལམ་ལུགས་གཙོ་བོར་བཟུང་ སྟེ།སྣ་མང་དཔལ་འབྱོར་ལམ་ལུགས་དུས་མཉམ་དུ་སྤེལ་བའི་རྩ་བའི་དཔལ་འབྱོར་ལམ་ ལུགས་རྒྱུན་འཁྱོངས་བྱེད་པ་དང༌།རྩོལབསྟུན་ཐོབ་སྤྲོད་གཙོ་བོར་བཟུང་སྟེ་སྣ་མང་ ཐོབ་སྤྲོད་བྱེད་སྟངས་ཉམས་གནས་བྱེད་པའི་བགོ་བཤའི་ལམ་ལུགས་རྒྱུན་འཁྱོངས་བྱེད་ དགོས། དོན་ཚན་བདུན་པ།རྒྱལ་ གཉེར་དཔལ་འབྱོར་ཏེ་སྤྱི་ཚོགས་རིང་ལུགས་ཀྱི་དམངས་ཡོངས་ལ་དབང་བའི་ལམ་ལུགས་ནི་ རྒྱལ་དམངས་དཔལ་འབྱོར་ནང་གི་གཙོ་ཁྲིད་ཀྱི་སྟོབས་ཤུགས་ཡིན་པས་རྒྱལ་ཁབ་ཀྱིས་ རྒྱལ་གཉེར་དཔལ་འབྱོར་སྲ་བརྟན་ཡོང་བ་དང་གོང་ཏུ་འཕེལ་བར་འགན་སྲུང་བྱེད་དགོས། དོན་ཚན་བརྒྱད་པ།གྲོང་ གསེབ་ཀྱི་ཐུན་མོང་ལ་དབང་བའི་དཔལ་འབྱོར་རྩ་འཛུགས་ཀྱི་ཁྱིམ་དུད་ཐོད་སྤྲེལ་ འགན་གཙང་ལམ་ལུགས་ཀྱིས་བདག་གཉེར་རྨང་གཞི་བྱས་པའི་གཅིག་གྱུར་དང་ཁ་འགྲེམ་ཟུང་ དུ་འབྲེལ་བའི་བདག་གཉེར་སྒྲིག་གཞི་ལག་ལེན་བསྟར་རྒྱུ།གྲོང་གསེབ་ཁྲོད་ཀྱི་ཐོན་ སྐྱེད་དང་མཁོ་སྤྲོད།ཡིན་རྟོན།འཛད་སྤྱོད་སོགས་རྣམས་པ་འདྲ་་མིན་སྣ་ཚོགས་ཀྱི་ མཉམ་ལས་དཔལ་འབྱོར་ནི་སྤྱི་ཚོགས་རིང་ལུགས་ཀྱི་ངལ་རྩོལ་མང་ཚོགས་ཐུན་མོང་ལ་ དབང་བའི་ལམ་ལུགས་ཀྱི་དཔལ་འབྱོར་ཡིན།གྲོང་གསེབ་ཀྱི་ཐུན་མོང་ལ་དབང་བའི་དཔལ་ འབྱོར་རྩ་འཛུགས་ནང་དུ་ཞུགས་པའི་ངལ་རྩོལ་པ་རྣམས་ལ་བཅའ་ཁྲིམས་ལས་གཏན་ལ་ཕབ་ པའི་ཁྱབ་ཁོངས་ནང་　རང་ བཞག་ས་ཞིང་དང༌།རང་བཞག་རི།ཁྱིམ་གྱི་ཞོར་ལས་བཅས་གཉེར་བ་དང་རང་བཞག་སྒོ་ཕྱུགས་ གསོ་བའི་དབང་ཆ་ཡོད། གྲོང་ཁྱེར་དང་གྲོང་རྡལ་གྱི་ལག་ཤེས་བཟོ་ལས་དང༌། བཟོ་ལས། ཨར་ལས།སྐྱེལ་འདྲེན་ལས་རིགས།ཚོང་ལས།ཞབས་ཞུའི་ལས་རིགས་སོགས་མཉམ་ལས་དཔལ་འབྱོར་ རྣམ་པ་འདྲ་མིན་སྣ་ཚོགས་ཚང་མ་སྤྱི་ཚོགས་རིང་ལུགས་ཀྱི་ངལ་རྩོལ་མང་ཚོགས་ཐུན་ མོང་ལ་དབང་བའི་ལམ་ལུགས་ཀྱི་དཔལ་འབྱོར་ཡིན།རྒྱལ་ཁབ་ཀྱིས་གྲོང་ཁྱེར་དང་གྲོང་ གསེབ་ཀྱི་ཐུན་མོང་དཔལ་འབྱོར་རྩ་འཛུགས་ཀྱི་ཁྲིམས་མཐུན་ཁེ་དབང་དང་ཁེ་ཕན་སྲུང་ སྐྱོང་དང་ཐུན་མོང་དཔལ་འབྱོར་གོང་དུ་སྤེལ་བར་སྐུལ་འདེད། མཛུབ་ཁྲིད། རོགས་རམ་བཅས་བྱེད་དགོས། དོན་ཚན་དགུ་པ།གཏེར་ ཁ་དང་ཆུ་བོ།ནགས་ཚལ།རི་བོ།རྩྭ་ཐང༌།ས་རྒོད།གྲམ་ཐང་སོགས་རང་བྱུང་གི་ཐོན་ཁུངས་ ཚང་མ་རྒྱལ་ཁབ་ལ་དབང་བ་སྟེ་དམངས་ཡོངས་ལ་དབང་བ་ཡིན།ཡིན་ནའང་བཅའ་ཁྲིམས་ཀྱིས་ གཏན་ཁེལ་ལྟར་ཐུན་མོང་ལ་དབང་བའི་ནགས་ཚལ་དང་རི་བོ།ཆུ་བོ།རྩྭ་ཐང༌།ས་རྒོད།གྲམ་ ཐང་བཅས་ནི་དེའི་ཁོངས་སུ་མི་གཏོགས།རྒྱལ་ཁབ་ཀྱིས་རང་བྱུང་གི་ཐོན་ཁུངས་ལུགས་ མཐུན་གྱིས་བེད་སྤྱོད་བྱེད་པར་འགན་སྲུང་བྱེད་པ་དང༌།རྩ་ཆེ་བའི་སྲོག་ཆགས་དང་ རྩི་ཤི་རྣམས་སྲུང་སྐྱོང་བྱེད་དགོས།རྩ་འཛུགས་གང་ཞིག་དང་མི་སུ་ཞིག་ཡིན་རུང་ བྱེད་ཐབས་གང་རུང་ཞིག་ལ་བརྟེན་ནས་རང་བྱུང་ཐོན་ཁུངས་འཛིན་སྤྱོད་དམ་གཏོར་བརླག་ བྱེད་མི་ཆོགདོན་ཚན་བཅུ་པ།གྲོང་ ཁྱེར་གྱི་ས་ཆ་རྣམས་རྒྱལ་ཁབ་ལ་དབང་བ་ཡིན།གྲོང་གསེབ་དང་གྲོང་ཁྱེར་ཉེ་འདབས་ས་ ཁུལ་གྱི་བཅའ་ཁྲིམས་ཀྱིས་གཏན་ལ་ཕབ་པའི་རྒྱལ་ཁབ་ལ་དབང་བའི་ཆ་མ་གཏོགས་ཚང་མ་ ཐུན་མོང་ལ་དབང་བ་ཡིན།ཁང་ས་དང་རང་བཞག་ས་ཞིང༌།རང་བཞག་རི་རྣམས་ཀྱང་ཐུན་མོང་ལ་ དབང་བ་ཡིན། རྒྱལ་ཁབ་ཀྱིས་སྤྱིའི་ཁེ་ཕན་གྱི་དགོས་མཁོའི་ཆེད་དུ། བཅའ་ ཁྲིམས་ཀྱི་གཏན་འབེབས་ལྟར་ས་ཞིང་གཞུང་བསྡུ་བྱེད་པ་དང་བསྡུ་སྤྱོད་བྱས་ཆོག་པ་ མ་ཟད་སྐྱིན་གསབ་སྤྲོད་དགོས།རྩ་འཛུགས་དང་མི་སྒེར་སུ་ཡིན་རུང་འཛིན་སྤྱོད་དང༌། ཉོ་ཚོང༌། ཡང་ན་བྱེད་ཐབས་གཞན་དག་ལ་བརྟེན་ནས་ཁྲིམས་འགལ་གྱིས་ས་ཆ་གཞན་སྐོར་སོགས་བྱེད་ མི་ཆོག ས་ཆ་བེད་སྤྱོད་བྱེད་དབང་ཁྲིམས་ལུགས་ཀྱིས་གཏན་ཁེལ་ལྟར་གཞན་བསྐོར་ན་ཆོག་གོས་ ཆ་བེད་སྤྱོད་བྱེད་པའི་རྩ་འཛུགས་དང་མི་རང་ཉིད་གང་ཡིན་རུང་ངེས་པར་དུ་ཚུལ་ མཐུན་གྱིས་སྒོ་ནས་ས་ཆ་བེད་སྤྱོད་བྱེད་དགོས།དོན་ཚན་བཅུ་གཅིགབཅའ་ ཁྲིམས་ཀྱི་གཏན་འབེབས་ཁྱབ་ཁོངས་སུ་གཏོགས་པའི་སྒེར་ལ་དབང་བའི་དཔལ་འབྱོར་དང་ སྒེར་གཉེར་དཔལ་འབྱོར་སོགས་སྤྱི་ལ་དབང་བའི་ལམ་ལུགས་མ་ཡིན་པ་ཐམས་ཅད་སྤྱི་ ཚོགས་རིང་ལུགས་ཚོང་རའི་དཔལ་འབྱོར་གྱི་གྲུབ་ཆ་གཙོ་བོ་ཡིན།རྒྱལ་ཁབ་ཀྱིས་སྒེར་ ལས་དཔལ་འབྱོར་དང་སྒེར་གཉེར་དཔལ་འབྱོར་སོགས་སྤྱི་ལ་དབང་བའི་ལམ་ལུགས་ཀྱི་དཔལ་ འབྱོར་མ་ཡིན་པའི་དཔལ་འབྱོར་གྱི་ཁྲིམས་མཐུན་ཁེ་དབང་ལ་སྲུང་སྐྱོང་བྱེད་པ་དང༌། རྒྱལ་ཁབ་ཀྱིས་སྤྱི་ལ་དབང་བའི་ལམ་ལུགས་མ་ཡིན་པའི་དཔལ་འབྱོར་ལ་སྣེ་ཁྲིད་དང་ རྒྱབ་སྐྱོར༌། སྐུལ་མ་བཅས་བྱེད་པར་མ་ཟད། ཁྲིམས་ལྟར་སྤྱི་ལ་དབང་བའི་ལམ་ལུགས་མ་ཡིན་པའི་དཔལ་　　འབྱོར་ལ་ལྟ་སྐྲུལ་དང་དོ་ དམ་བྱེད་དགོས། དོན་ཚན་བཅུ་གཉིས།སྤྱི་ ཚོགས་རིང་ལུགས་ཀྱི་སྤྱིའི་རྒྱུ་ནོར་ནི་མཆོག་གྱུར་རྒྱུ་ནོར་ཡིན་པས་ཕོག་ཐུག་ གཏོང་མི་རུང༌། རྒྱལ་ཁབ་ཀྱིས་སྤྱི་ཚོགས་རིང་ལུགས་ཀྱི་སྤྱིའི་རྒྱུ་ནོར་སྲུང་སྐྱོང་བྱེད་པ་ ཡིན། རྩ་འཛུགས་གང་ཞིག་དང་མི་སུ་ཞིག་ཡིན་རུང་བྱེད་ཐབས་གང་རུང་ཞིག་ལ་བརྟེན་ནས་ རྒྱལ་ཁབ་དང་ཐུན་མོང་གི་རྒྱུ་ནོར་འཛིན་སྤྱོད་དམ་གཏོར་བརླག་གཏོང་བར་བཀག་སྡོམ་ བྱེད་དགོས། དོན་ཚན་བཅུ་གསུམ།སྤྱི་ དམངས་ཀྱི་ཁྲིམས་མཐུན་སྒེར་དབང་རྒྱུ་ནོར་ལ་ཕོག་ཐུག་གཏོང་མི་རུང༌།རྒྱལ་ཁབ་ ཀྱིས་བཅའ་ཁྲིམས་ཀྱི་གཏན་ཁེལ་ལྟར་སྤྱི་དམངས་ཀྱི་སྒེར་དབང་རྒྱུ་ནོར་དབང་ཆ་དང་ ཤུལ་འཛིན་དབང་ཆར་སྲུང་སྐྱོང་བྱེད་པ་ཡིན།རྒྱལ་ཁབ་ཀྱིས་སྤྱིའི་ཁེ་ཕན་གྱི་ཆེད་ དུ་བཅའ་ཁྲིམས་ཀྱིས་གཏན་ཁེལ་ལྟར་སྤྱི་དམངས་ཀྱི་སྒེར་དབང་རྒྱུ་ནོར་གཞུང་བསྡུ་ བྱེད་པ་དང་ཡང་ན་བསྡུ་སྦྱོད་བྱེད་ཆོག་པ་མ་ཟད་སྐྱིན་ཚབ་སྤྲོད་དགོས། དོན་ཚན་བཅུ་བཞི།རྒྱལ་ ཁབ་ཀྱིས་ངལ་རྩོལ་པའི་ཧུར་བརྩོན་རང་བཞིན་དང་ལག་རྩལ་གྱི་ཆུ་ཚད་ཇེ་མཐོར་གཏོང་ བ་དང༌།སྔོན་ཐོན་གྱི་ཚན་རིག་ལག་རྩལ་ཁྱབ་སྤེལ་དུ་གཏོང་བ།དཔལ་འབྱོར་དོ་དམ་གྱི་ ལམ་ལུགས་དང་ཁེ་ལས་བདག་གཉེར་དོ་དམ་གྱི་ལམ་ལུགས་འཐུས་སྒོ་ཇེ་ཚང་དུ་གཏོང་བ། རྣམ་པ་ཅི་རིགས་ཀྱི་སྤྱི་ཚོགས་རིང་ལུགས་ཀྱི་འགན་འཁྲིའི་ལམ་ལུགས་ལག་ལེན་དུ་ བསྟར་བ།ངལ་རྩོལ་རྩ་འཛུགས་ལེགས་བཅོས་བྱེད་པ་བཅས་ལ་བརྟེན་ཏེ་ངལ་རྩོལ་ཐོན་ སྐྱེད་ཀྱི་ལས་ཆོད་དང་དཔལ་འབྱོར་གྱི་ཕན་ནུས་རྒྱུན་ཆད་མེད་པར་ཇེ་ཆེར་གཏོང་ནས་ སྤྱི་ཚོགས་རིང་ལུགས་ཀྱི་ཐོན་སྐྱེད་ནུས་ཤུགས་གོང་དུ་སྤེལ་བ་ཡིན།རྒྱལ་ཁབ་ ཀྱིས་གྲོན་ཆུང་ནན་ཏན་བྱེད་པ་དང༌། ཆུད་ཟོད་ལ་ངོ་རྒོད་བྱེད་པ་ཡིན།རྒྱལ་ཁབ་ཀྱིས་ལུགས་དང་མཐུན་པའི་སྒོ་ནས་གསོག་ འཇོག་དང་འཛད་སྤྱོད་བཀོད་སྒྲིག་བྱེད་ཅིང༌།རྒྱལ་ཁབ་དང་ཐུན་མོང༌།མི་སྒེར་བཅས་ ཀྱི་ཁེ་ཕན་ཚང་མར་ལྟ་རྟོག་བྱས་ཏེ་ཐོན་སྐྱེད་གོང་དུ་སྤེལ་བའི་རྨང་གཞིའི་ཐོག་ མི་དམངས་ཀྱི་དངོས་པོའི་འཚོ་བ་དང་རིག་གནས་འཚོ་བ་རིམ་གྱིས་ལེགས་བཅོས་བྱེད་པ་ ཡིན།རྒྱལ་ཁབ་ཀྱིས་དཔལ་འབྱོར་འཕེལ་རྒྱས་ཀྱི་ཆུ་ཚད་དང་མཐུན་བའི་སྤྱི་ཚོགས་ཁག་ ཐེག་ལམ་ལུགས་འཛུགས་སྐྲུན་འཐུས་ཚང་ཡོང་བ་བྱེད་དགོས། དོན་ཚན་བཅོ་ལྔ།རྒྱལ་ ཁབ་ཀྱིས་སྤྱི་ཚོགས་རིང་ལུགས་ཚོང་རའི་དཔལ་འབྱོར་ལག་བསྟར་བྱེད་པ་ཡིན།རྒྱལ་ཁབ་ ཀྱིས་དཔལ་འབྱོར་ཁྲིམས་འཛུགས་ལ་ཤུགས་སྣོན་བྱས་ཏེ་སྤྱི་ཚོགསསྤྱི་ཁོག་སྙོམ་ འཛིན་ཇེ་ལེགས་སུ་གཏོང་བ་ཡིན།རྒྱལ་ཁབ་ཀྱིས་རྩ་ཁྲིམས་ལྟར་རྩ་འཛུགས་དང་མི་གང་ ཡིན་གྱིས་སྤྱི་ཚོགས་དཔལ་འབྱོར་སྒྲིག་ལམ་ལ་ཟིང་ཆ་བཟོ་བ་གཏན་འགོག་བྱེད་པ་ཡིན། དོན་ཚན་བཅུ་དྲུག།རྒྱལ་གཉེར་ཁེ་ལས་ལ་བཅའ་ཁྲིམས་ཀྱིས་གཏན་ལ་ཕབ་པའི་ཁྱབ་ཁོངས་ སུ་བདག་གཉེར་དོ་དམ་བྱེད་པའི་རང་བདག་གི་དབང་ཆ་ཡོད། རྒྱལ་ གཉེར་ཁེ་ལས་ཀྱིས་བཅའ་ཁྲིམས་ཀྱི་གཏན་འབེབས་ལྟར་ལས་བཟོ་བའི་འཐུས་མི་ཚོགས་ཆེན་ དང་བྱེད་སྟངས་གཞན་གྱི་ཐོག་ནས་དམངས་གཙོ་དོ་དམ་བྱེད་པ་ཡིན། དོན་ཚན་བཅུ་བདུན།བཅའ་ ཁྲིམས་ལ་བརྩི་སྲུང་བྱེད་པའི་སྔོན་འགྲོའི་ཆ་རྐྱེན་འོགཐུན་མོང་དཔལ་འབྱོར་གྱི་ རྩ་འཛུགས་ལ་རང་ཚུགས་ཀྱིས་དཔལ་འབྱོར་གྱི་བྱེད་སྒོ་སྤེལ་བའི་རང་བདག་གི་དབང་ཆ་ ཡོད།ཐུན་མོང་དཔལ་འབྱོར་གྱི་རྩ་འཛུགས་ཀྱིས་དམངས་གཙོའི་དོ་དམ་ལག་ཏུ་བསྟར་བ་ དང༌།བཅའ་ཁྲིམས་ཀྱི་གཏན་འབེབས་ལྟར་རྩ་འཛུགས་དེའི་དོ་དམ་བྱེད་མཁན་འདེམ་བསྐོ་ དང་གནས་དབྱུང་གཏོང་བ།བདག་གཉེར་དོ་དམ་ཐད་ཀྱི་གནད་དོན་གལ་ཆེན་ཐག་གཅོད་པ་ཡིན། དོན་ཚན་བཅོ་བརྒྱད།ཀྲུང་ ཧྭ་དམངས་སྤྱི་མཐུན་རྒྱལ་ཁབ་ཀྱིས་ཕྱི་རྒྱལ་གྱི་ཁེ་ལས་དང༌།དེ་མིན་དཔལ་འབྱོར་ རྩ་འཛུགས་སམ་མི་སྒེར་གྱིས་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བཅའ་ ཁྲིམས་ཀྱི་གཏན་འབེབས་ལྟར་ཀྲུང་གོར་མ་རྩ་བཞག་ནས་ཀྲུང་གོའི་ཁེ་ལས་སམ་ཡང་ན་དེ་ མིན་གྱི་དཔལ་འབྱོར་རྩ་འཛུགས་དང་རྣམ་པ་ཅི་རིགས་ཀྱི་སྒོ་ནས་དཔལ་འབྱོར་མཉམ་ལས་ བྱེད་དུ་བཅུག་རྒྱུ།ཀྲུང་ གོའི་མངའ་ཁོངས་སུ་ཡོད་པའི་ཕྱི་རྒྱལ་གྱི་ཁེ་ལས་དང༌།ཕྱི་རྒྱལ་གྱི་དཔལ་འབྱོར་ རྩ་འཛུགས་གཞན་དགདེ་མིན་ཀྲུང་གོ་དང་ཕྱི་རྒྱལ་གཉིས་ཀྱིས་མ་རྩ་མཉམ་བཞག་བྱས་ པའི་ཁེ་ལས་བཅས་ཀྱིས་ངེས་པར་དུ་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བཅའ་ ཁྲིམས་བརྩི་སྲུང་བྱེད་དགོས།དེ་དག་གི་ཁྲིམས་མཐུན་ཁེ་དབང་དང་ཁེ་ཕན་རྣམས་ཀྲུང་ ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བཅའ་ཁྲིམས་ཀྱིས་སྲུང་སྐྱོང་བྱེད་པ་ཡིན། དོན་ཚན་བཅུ་དགུརྒྱལ་ ཁབ་ཀྱིས་སྤྱི་ཚོགས་རིང་ལུགས་ཀྱི་སློབ་གསོའི་བྱ་བཞག་གོང་དུ་སྤེལ་ཏེ་རྒྱལ་ ཡོངས་མི་དམངས་ཀྱི་ཚན་རིག་རིག་གནས་ཀྱི་ཆུ་ཚད་ཇེ་མཐོར་གཏོང་བ་ཡིན།རྒྱལ་ཁབ་ ཀྱིས་སློབ་གྲྭ་སྣ་ཚོགས་འཛུགས་གཉེར་བྱས་ཏེ་དམའ་རིམ་འོས་འགན་སློབ་གསོ་ཁྱབ་ གདལ་དུ་གཏོང་བ་དང་འབྲི་རིམ་སློབ་གསོ་དང༌།ལས་རིགས་སློབ་གསོ།མཐོ་རིམ་སློབ་ གསོ་བཅས་གོང་དུ་སྤེལ་བར་མ་ཟད་སློབ་ལོ་མ་ལོན་སྔོན་གྱི་སློབ་གསོའང་གོང་དུ་ སྤེལ་བ་ཡིན།རྒྱལ་ཁབ་གྱི་སློབ་གསོའི་སྒྲིག་བཀོད་སྣ་ཚོགས་སྤེལ་ཏེ་ཡིག་རྨོངས་ སེལ་བ་ཡིན་ལ།བཟོ་པ་དང་ཞིང་པ།རྒྱལ་ཁབ་ཀྱི་ལས་བྱེད་པ། ངལ་རྩོལ་པ་གཞན་དག་བཅས་ལ་ཆབ་སྲིད་དང་རིག་གནས། ཚན་རིག ལག་རྩལ། བྱེད་སྒོ་བཅས་ཀྱི་སློབ་གསོ་གཏོང་བ་དང༌།རང་སྦྱོང་ལ་བརྟེན་ནས་ཡོན་ཏན་ཅན་དུ་ འགྱུར་བར་སྐུལ་མ་གཏོང་བ་ཡིན།རྒྱལ་ཁབ་ཀྱིས་ཐུན་མོང་དཔལ་འབྱོར་རྩ་འཛུགས་དང་ རྒྱལ་ཁབ་ཀྱི་ཁེ་ལས་ལས་དོན་རྩ་འཛུགས༌།སྤྱི་ཚོགས་རིང་ལུགས་སྟོབས་ཤུགས་གཞན་དག་ བཅས་ཀྱིས་བཅའ་ཁྲིམས་གཏན་འབེབས་ལྟར་སློབ་གསོའི་བྱ་བཞག་སྣ་ཚོགས་འཛུགས་གཉེར་ བྱེད་པར་སྐུལ་མ་གཏོང་བ་ཡིན།རྒྱལ་ཁབ་ཀྱིས་རྒྱལ་ཡོངས་སུ་ཐུན་མོང་དུ་སྤྱོད་ པའི་སྤྱི་སྐད་དར་ཁྱབ་གཏོང་བ་ཡིན།དོན་ཚན་ཉི་ཤུ།རྒྱལ་ ཁབ་ཀྱིས་རང་བྱུང་ཚན་རིག་དང་སྤྱི་ཚོགས་ཚན་རིག་གི་བྱ་བཞག་གོང་དུ་སྤེལ་བ་དང༌། ཚན་རིག་དང་ལག་རྩལ་གྱི་ཤེས་ཡོན་ཁྱབ་གདལ་དུ་གཏོང་བར་མ་ཟད།ཚན་རིག་ཞིབ་འཇུག་གི་ གྲུབ་འབྲས་དང་ལག་རྩལ་གསར་གཏོད་དང་གསར་སྐྲུན་བྱས་པར་བྱ་དགའ་གནང་བ་ཡིན། དོན་ཚན་ཉེར་གཅིག རྒྱལ་ཁབ་ཀྱིས་སྨན་བཅོས་འཕྲོད་བསྟེན་གྱི་བྱ་གཞག་གོང་དུ་སྤེལ་བ་དང༌། དེང་ རབས་ཀྱི་སྨན་དཔྱད་དང་རང་རྒྱལ་གྱི་སྲོལ་རྒྱུན་སྨན་དཔྱད་གོང་དུ་སྤེལ་བ་ཡིན། གྲོང་གསེབ་ཀྱི་ཐུན་མོང་དཔལ་འབྱོར་རྩ་འཛུགས་དང༌། རྒྱལ་ཁབ་ཀྱི་ཁེ་ལས་ལས་དོན་ གྱི་རྩ་འཛུགས། སྲང་ལམ་གྱི་རྩ་འཛུགས་བཅས་ཀྱིས་སྨན་བཅོས་འཕྲོད་བསྟེན་ཐད་ཀྱི་སྒྲིག་བཀོད་སྣ་ ཚོགས་འཛུགས་གཉེར་བྱེད་པར་སྐུལ་མ་དང་བརྒྱབ་སྐྱོར་བྱས་ཐོགམང་ཚོགས་ཀྱི་རང་ བཞིན་ལྡན་པའི་གཙང་སྦྲའི་བྱེད་སྒོ་སྤེལ་ཏེ་མི་དམངས་ཀྱི་ལུས་ཁམས་བདེ་ཐང་ལ་ སྲུང་སྐྱོང་བྱེད་པ་ཡིན།རྒྱལ་ ཁབ་ཀྱི་ལུས་རྩལ་བྱ་བཞག་གོང་དུ་སྤེལ་བ་དང་འབྲེལ་མང་ཚོགས་ཀྱི་རང་བཞིན་ལྡན་ པའི་ལུས་རྩལ་གྱི་བྱ་བ་སྤེལ་ནས་མི་དམངས་ཀྱི་གཟུགས་གཞི་བདེ་ཐང་དུ་གཏོང་བ་ཡིན། དོན་ཚན་ཉེར་གཉིས།རྒྱལ་ ཁབ་ཀྱིས་མི་དམངས་ལ་ཞབས་འདེགས་ཞུ་བ་དང་སྤྱི་ཚོགས་རིང་ལུགས་ལ་ཞབས་འདེགས་ཞུ་ བའི་རྩོལ་རིག་སྒྱུ་རྩལ་གྱི་བྱ་བཞག་དང༌།གསར་འགྱུར་དང༌།རྒྱང་སྒྲོག་བརྙན་ འཕྲིན་བཅས་ཀྱི་བྱ་བཞག དཔེ་སྐྲུན་འགྲིམ་སྤེལ་གྱི་བྱ་བཞག དཔེ་མཛོད་ཁང་དང༌། དངོས་མང་བཤམས་སྟོན་ཁང༌།རིག་གནས་ཁང་བཅས་དང་རིག་གནས་ཀྱི་བྱ་བཞག་གཞན་དག་གོང་ དུ་སྤེལ་བ་དང༌།མང་ཚོགས་ཀྱི་རང་བཞིན་ལྡན་པའི་རིག་གནས་བྱ་འགུལ་སྤེལ་བ་ཡིན། རྒྱལ་ཁབ་ཀྱིས་གནའ་ཤུལ་གྲགས་ཅན་དང༌།རིག་རྫས་རྩ་ཆེན།ལོ་རྒྱུས་ཐོག་གི་རིག་གནས་ ཤུལ་བཞག་གལ་ཆེན་གཞན་དག་བཅས་སྲུང་སྐྱོང་བྱེད་པ་ཡིན།དོན་ཚན་ཉེར་གསུམ་པ།རྒྱལ་ ཁབ་ཀྱིས་སྤྱི་ཚོགས་རིང་ལུགས་ལ་ཞབས་འདེགས་ཞུ་བའི་ཆེད་ལས་འཇོན་ཐང་མི་སྣ་སྣ་ ཚོགས་གསོ་སྐྱོང་བྱས་ཏེ་ཤེས་ཡོན་ཅན་གྱི་དཔུང་སྡེ་ཇེ་ཆེར་གཏོང་བ་དང་མཐུན་ རྐྱེན་བསྐྲུན་ནས་སྤྱི་ཚོགས་རིང་ལུགས་ཀྱི་དེང་རབས་ཅན་འཛུགས་སྐྲུན་བྱེད་པའི་ ཁྲོད་དུ་ཁོ་ཚོར་ནུས་པ་གང་ལེགས་འདོན་དུ་འཇུག་པ་ཡིན།དོན་ཚན་ཉེར་བཞི། རྒྱལ་ཁབ་ཀྱིས་ཕུགས་འདུན་སློབ་གསོ་དང༌།ཀུན་སྤྱོད་སློབ་གསོ།རིག་གནས་སློབ་གསོ། སྒྲིག་ཁྲིམས་དང་ཁྲིམས་ལུགས་སློབ་གསོ་བཅས་ཁྱབ་གདལ་དུ་གཏོང་བ་དང༌།གྲོང་ཁྱེར་ དང་གྲོང་གསེབ་ཀྱི་ཁོངས་གཏོགས་མི་འདྲ་བའི་མང་ཚོགས་ཀྱི་ཁྲོད་དུ་བསྲུང་བྱ་དང་ སྤྱི་ཆིངས་སྣ་ཚོགས་གཏན་འབེབས་དང་ལག་བསྟར་བྱེད་པར་བརྟེན་ནས་སྤྱི་ཚོགས་རིང་ ལུགས་ཀྱི་བསམ་པའི་དཔལ་ཡོན་སྤེལ་བར་ཤུགས་སྣོན་བྱེད་པ་ཡིན། རྒྱལ་ ཁབ་ཀྱིས་མེས་རྒྱལ་ལ་དགའ་བ་དང༌། མི་དམངས་ལ་དགའ་བ། ངལ་རྩོལ་ལ་དགའ་བ། ཚན་རིག་ལ་དགའ་བ།སྤྱི་ཚོགས་རིང་ལུགས་ལ་དགའ་བ་བཅས་ཀྱི་སྤྱིའི་སྤྱོད་བཟང་དར་ སྤེལ་དུ་གཏོང་བ་དང༌།མི་དམངས་ཀྱི་ཁྲོད་དུ་རྒྱལ་གཅེས་རིང་ལུགས་དང༌།ཐུན་མོང་ རིང་ལུགས།རྒྱལ་སྤྱིའི་རིང་ལུགས།གུང་ཁྲན་རིང་ལུགས་བཅས་ཀྱི་སློབ་གསོ་དང༌། རྩོད་སྒྲུབ་དངོས་གཙོ་རིང་ལུགས་དང་ལོ་རྒྱུས་དངོས་གཙོ་རིང་ལུགསཀྱི་སློབ་གསོ་ བཏང་སྟེ། མ་རྩ་རིང་ལུགས་དང་བཀས་བཀོད་　རྒྱུད་འཛིན་རིང་ལུགས་ཀྱི་རུལ་སུངས་སུ་གྱུར་བའི་ བསམ་བློ་དང༌།དེ་མིན་གྱི་བསམ་བློ་ངན་རུལ་ལ་ངོ་རྒོལ་བྱེད་པ་ཡིན། དོན་ཚན་ཉེར་ལྔ།རྒྱལ་ ཁབ་ཀྱིས་འཆར་ལྡན་ཕྲུག་སྐྱེ་ཁྱབ་གདལ་བྱས་ནས་མི་གྲངས་འཕར་ཚད་དེ་དཔལ་འབྱོར་དང་ སྤྱི་ཚོགས་འཕེལ་རྒྱས་ཀྱི་འཆར་གཞི་དང་ཕན་ཚུན་མཐུན་པ་བྱེད་པ་ཡིན། དོན་ཚན་ཉེར་དྲུགརྒྱལ་ ཁབ་ཀྱིས་འཚོ་བའི་ཁོར་ཡུག་དང་སྐྱེ་དངོས་ཁོར་ཡུག་ལ་སྲུང་སྐྱོང་དང་ལེགས་བཅོས་ བྱེད་པ་དང༌། རྫོབ་ཉེས་དང་སྤྱི་གནོད་གཞན་དག་འགོག་བཅོས་བྱེད་པ་ཡིན། རྒྱལ་ཁབ་ཀྱིས་སྡོང་འཛུགས་ནགས་སྐྲུན་རྩ་འཛུགས་དང་དེར་སྐུལ་མ་བཏང་སྟེ།ཤིང་ ནགས་སྲུང་སྐྱོང་བྱེད་པ་ཡིན། དོན་ཚན་ཉེར་བདུན།རྒྱལ་ ཁབ་ཀྱི་ལས་ཁུངས་ཚང་མས་ཁུ་བསྡུ་བྱེད་པའི་རྩ་དོན་ལག་བསྟར་དང༌།ལས་ཀའི་འགན་ འཁྲིའི་ལམ་ལུགས་ལག་བསྟར།ལས་སྒྲུབ་པ་གསོ་སྐྱོང་དང་དེ་ཚོར་དཔྱད་ཞིབ་བྱེད་པའི་ ལམ་ལུགས་ལག་བསྟར་བཅས་བྱས་ཏེ་རྒྱུན་མི་ཆད་པར་ལས་ཀའི་སྤུས་ཚད་ཇེ་བཟང་དུ་གཏོང་ བ་དང་ལས་ཆོད་ཇེ་ཆེར་གཏོང་བ།དཔོན་ཉམས་རིང་ལུགས་ལ་ངོ་རྒོལ་བཅས་བྱེད་དགོས། རྒྱལ་ཁབ་ཀྱི་ལས་ཁུངས་དང་རྒྱལ་ཁབ་ཀྱི་ལས་བྱེད་པ་ཚང་མས་ངེས་པར་དུ་མི་དམངས་ ཀྱི་རྒྱབ་སྐྱོར་ལ་བརྟེན་ནས་དུས་རྟག་ཏུ་མི་དམངས་དང་འབྲེལ་བ་དམ་པོ་བྱེད་པ་ དང༌། མི་དམངས་ཀྱི་བསམ་འཆར་དང་གྲོས་གཞི་ལེགས་པར་ཉན་པ།མི་དམངས་ ཀྱི་ལྟ་སྐུལ་དང་དུ་ལེན་པ་བཅས་བྱས་ཏེ་ཧུར་བརྩོན་གྱིས་མི་དམངས་ལ་ཞབས་འདེགས་ ཞུ་དགོས། དོན་ཚན་ཉེར་བརྒྱད།རྒྱལ་ ཁབ་ཀྱིས་སྤྱི་ཚོགས་སྒྲིག་ལམ་སྲུང་འཛིན་བྱེད་པ་དང༌།མེས་རྒྱལ་ལ་བློ་ལོག་པ་དང་ རྒྱལ་ཁབ་ཀྱི་བདེ་འཇགས་ལ་གནོད་འཚེ་བཏང་བའི་ཉེས་བསགས་བྱ་སྤྱོད་གཞན་དག་ལ་དྲགས་ གནོན་བྱེད་པ་ཡིན།སྤྱི་ཚོགས་ཀྱི་བདེ་འཇགས་ལ་གནོད་སྐྱེལ་བ་དང༌།སྤྱི་ཚོགས་རིང་ ལུགས་ཀྱི་དཔལ་འབྱོར་ལ་གཏོར་བརླག་བྱེད་པ།དེ་མིན་གྱི་ཉེས་གསོག་སྤྱོད་ངན་བཅས་ ལ་ཁྲིམས་གཅོད་བྱེད་པ། ཉེས་ཅན་ལ་ཉེས་ཆད་གཅོད་པ་དང་སྒྱུར་བཀོད་བཅས་བྱེད་པ་ཡིན།དོན་ཚན་ཉེར་དགུཀྲུང་ ཧྭ་མི་དམངས་སྤྱི་མཐུན་རྒྱལ་ཁབ་ཀྱི་དྲག་པོའི་སྟོབས་ཤུགས་ནི་མི་དམངས་ལ་དབང་ ཞིང༌།དེའི་ལས་འགན་ནི་རྒྱལ་མཚམས་བརྟན་སྲུང་དང༌།བཙན་འཛུལ་ལ་ངོ་རྒོལ། མེས་རྒྱལ་སྲུང་སྐྱོབ། མི་དམངས་རྣམས་ཞི་བདེའི་ངང་ངལ་རྩོལ་དུ་ ཞུགས་པར་སྲུང་སྐྱོབ། རྒྱལ་ཁབ་འཛུགས་སྐྲུན་གྱི་བྱ་བཞག་ནང་ཞུགས་པ་དང་ཧུར་ཐག་གིས་མི་གདམངས་ལ་ཞབས་ འདེགས་ཞུ་བ་བཅས་ཡིན།རྒྱལ་ཁབ་ཀྱིས་དྲག་པོའི་སྟོབས་ཤུགས་གསར་བརྗེ་ཅན་དང་དེང་ རབས་ཅན།ཚད་ལྡན་ཅན་བཅས་སུ་འཛུགས་སྐྲུན་བྱེད་པར་ཤུགས་བསྣན་ཏེ་རྒྱལ་སྲུང་གི་ སྟོབས་ཤུགས་ཆེ་རུ་གཏོང་བ་ཡིན། དོན་ཚན་སུམ་བཅུ།ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྲིད་འཛིན་ས་ཁོངས་ དབྱེ་སྟངས་གཤམ་གསལ་ལྟར།དང་པོ། རྒྱལ་ཡོངས་ནི་ཞིང་ཆེན་དང༌། རང་སྐྱོང་ལྗོངས།ཐད་སྐྱོང་གྲོང་ཁྱེར་བཅས་སུ་དབྱེ་ཡོད།གཉིས་པ།ཞིང་ཆེན་དང་རང་ སྐྱོང་ལྗོངས་ནི་རང་སྐྱོང་ཁུལ་དང༌།རྫོང༌།རང་སྐྱོང་རྫོང༌།གྲོང་ཁྱེར་བཅས་སུ་ དབྱེ་ཡོད། གསུམ་པ། རྫོང་དང་རང་སྐྱོང་རྫོང་ནི་ཤང་དང་མི་རིགས་ཤང༌། གྲོང་རྡལ་བཅས་སུ་དབྱེ་ཡོད། ཐད་ སྐྱོང་གྲོང་ཁྱེར་དང་གྲོང་ཁྱེར་ཅུང་ཆེ་བ་རྣམས་ཆུས་དང་རྫོང་དབྱེ་ཡོད།རང་ སྐྱོང་ཁུལ་ནི་རྫོང་དང༌། རང་སྐྱོང་རྫོང༌། གྲོང་ཁྱེར་བཅས་སུ་དབྱེ་ཡོད། རང་སྐྱོང་ལྗོངས་དང༌། རང་སྐྱོང་ཁུལ། རང་སྐྱོང་རྫོང་བཅས་ནི་མི་རིགས་རང་སྐྱོང་གི་ས་གནས་ཡིན། དོན་ཚན་སོ་གཅིགརྒྱལ་ ཁབ་ཀྱིས་དགོས་གལ་བྱུང་ཚེ་དམིགས་བསལ་གྱི་སྲིད་འཛིན་ས་ཁུལ་འཛུགས་དགོས།དམིགས་ བསལ་གྱི་སྲིད་འཛིན་ས་ཁུལ་དུ་ལག་བསྟར་བྱེད་པའི་ལམ་ལུགས་ནི་གནས་ཚུལ་དངོས་ལ་ གཞིགས་ཏེ་རྒྱལ་ཡོངས་མི་དམངས་འཐུས་མི་ཚོགས་ཆེན་གྱིས་བཅའ་ཁྲིམས་ཀྱི་རྣམས་པ་ ཐོག་ནས་གཏན་ལ་འབེབས་པ་ཡིན། དོན་ཚན་སོ་གཉིས།ཀྲུང་ ཧྭ་མི་དམངས་སྤྱི་མཐུན་རྒྱལ་ཁབ་ཀྱིས་ཀྲུང་གོའི་མངའ་ཁུངས་སུ་ཡོད་པའི་ཕྱི་ རྒྱལ་པའི་ཁྲིམས་མཐུན་ཁེ་དབང་དང་ཁེ་ཕན་སྲུང་སྐྱོང་བྱེད་པ་ཡིན།ཀྲུང་གོའི་མངའ་ ཁོངས་སུ་ཡོད་པའི་ཕྱི་རྒྱལ་པས་ངེས་པར་དུ་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ ཀྱི་བཅའ་ཁྲིམས་བརྩི་སྲུང་བྱེད་དགོས།ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ ཀྱིས་ཆབ་སྲིད་ཐད་ཀྱི་དབང་གིས་ཉེན་བྱོལ་རེ་བ་ཞུས་པའི་ཕྱི་རྒྱལ་པར་འགེབས་ སྲུང་ཐེབས་པའི་དབང་ཆ་སྤྲད་ཆོག ལེའུ་གཉིས་པ། སྤྱི་དམངས་ཀྱི་གཞི་རྩའི་ཁེ་དབང་དང་འོས་འགན། དོན་ཚན་སོ་གསུམ།ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྒྱལ་ཁོངས་སུ་གཏོགས་ པའི་མི་ཚང་མ་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྤྱི་དམངས་ཡིན།ཀྲུང་ ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྤྱི་དམངས་རྣམས་བཅའ་ཁྲིམས་ཀྱི་མདུན་དུ་ ཚང་མ་འདྲ་མཉམ་ཡིན།རྒྱལ་ཁབ་ཀྱིས་འགྲོ་བ་མིའི་ཐོབ་ཐང་ལ་བརྩི་སྲུང་བྱེད་པ་དང་ འགན་སྲུང་བྱེད་རྒྱུ།སྤྱི་དམངས་སུ་ལའང་རྩ་ཁྲིམས་དང་བཅའ་ཁྲིམས་ནང་གཏན་ལ་ཕབ་ པའི་ཁེ་དབང་ལོངས་སུ་སྤྱོད་རྒྱུའི་དབང་ཆ་ཡོད་པ་དང་ཆབ་ཅིག་རྩ་ཁྲིམས་དང་བཅའ་ ཁྲིམས་ནང་གཏན་ལ་ཕབ་པའི་འོས་འགན་རྣམས་ངེས་པར་དུ་བསྒྲུབ་དགོས།དོན་ཚན་སོ་བཞི། ཀྲུང་ ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རང་ལོ་བཅོ་བརྒྱད་ལོན་པའི་སྤྱི་དམངས་ཡིན་ ཕྱིན།མི་རིགས་དང༌།རིགས་རྒྱུད།ཕོ་མོ།ལས་རིགས།ཁྱིམ་ཚང་གོ་འབྱུང་ཁུངས།ཆོས་ ལུགས་དད་པ།སློབ་གསོ་ཐོབ་ཚད།རྒྱུ་ནོར་མང་ཉུང༌།གཞིས་སྡོད་དུས་ཡུན་བཅས་ཀྱི་ དབྱེ་བ་མི་འབྱེད་པར་ཚང་མར་འདེམ་བྱེད་དང་འདམ་བྱའི་དབང་ཆ་ཡོད།འོན་ཀྱང་བཅའ་ ཁྲིམས་ལྟར་ཆབ་སྲིད་ཀྱི་དབང་ཆ་ཕྲོགས་ཟིན་པ་རྣམས་འདིའི་གྲས་སུ་ཚུད་མེད། དོན་ཚན་སོ་ལྔ། ཀྲུང་ ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྤྱི་དམངས་ལ་གཏམ་བརྗོད་དང༌། དཔེ་སྐྲུན།འདུ་ཚོགས།ཚོགས་པ་འཛུགས་པ།ཁྲོམ་སྐོར།རྔམ་སྟོན་བཅས་བྱེད་པའི་རང་ དབང་ཡོད། དོན་ཚན་སོ་དྲུགཀྲུང་ ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྤྱི་དམངས་ལ་ཆོས་དད་རང་དབང་ཡོད།རྒྱལ་ཁབ་ ཀྱི་ལས་ཁུངས་དང༌།སྤྱི་ཚོགས་ཀྱི་ཚོགས་པ།མི་སྒེར་བཅས་གང་ཡིན་རུང་བཙན་ཤེད་ ཀྱིས་སྤྱི་དམངས་ལ་ཆོས་ལ་དད་མོས་བྱེད་དུ་འཇུག་པའམ་ཆོས་ལ་དད་མོས་བྱེད་དུ་མི་ འཇུག་པ་བྱེད་མི་ཆོགཆོས་ལ་དད་པ་ཡོད་པའི་སྤྱི་དམངས་དང་ཆོས་ལ་དད་པ་མེད་པའི་ སྤྱི་དམངས་སུ་ལའང་མཐོང་ཆུང་བྱེད་མི་ཆོགརྒྱལ་ཁབ་ཀྱིས་རྒྱུན་ལྡན་ཆོས་ལུགས་ ཀྱི་བྱེད་སྒོ་སྲུང་སྐྱོང་བྱེད་པ་ཡིན།མི་སུ་ཡིན་རུང་ཆོས་ལུགས་ལ་བརྟེན་ནས་ སྤྱི་ཚོགས་ཀྱི་སྒྲིག་ལམ་གཏོར་བཤིག་གཏོང་བ་དང༌།སྤྱི་དམངས་ཀྱི་ལུས་ཁམས་བདེ་ ཐང་ལ་གནོད་འཚེ་གཏོང་བ།རྒྱལ་ཁབ་ཀྱི་སློབ་གསོའི་ལམ་ལུགས་ལ་འགལ་རྐྱེན་བཟོ་བ་ བཅས་ཀྱི་བྱ་བ་བསྒྲུབ་མི་ཆོགཆོས་ལུགས་ཀྱི་ཚོགསས་པ་དང་ཆོས་ལུགས་ཀྱི་ལས་དོན་ ཐད་ཕྱི་རྒྱལ་གྱི་སྟོབས་ཤུགས་ཀྱིས་ཁ་ལོ་བསྒྱུར་མི་ཆོགདོན་ཚན་སོ་བདུན།ཀྲུང་ ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྤྱི་དམངས་ཀྱི་མི་ལུས་རང་དབང་ལ་གནོད་འཚེ་ བཏང་མི་ཆོགསྤྱི་དམངས་སུ་ཞིག་ཡིན་རུང་མི་དམངས་ཞིབ་དཔྱོད་ཁང་གིས་ཆོག་མཆན་ བཀོད་པའམ་ཐག་གིས་བཅད་པ་དང༌།ཡང་ན་མི་དམངས་ཁྲིམས་ཁང་གིས་ཐག་གིས་བཅད་དེ་སྤྱི་ བདེ་ལས་ཁུངས་ཀྱིས་ལག་བསྟར་བྱས་ན་མ་གཏོགས་འཛིན་བཟུང་བྱེད་མི་རུང༌།ཁྲིམས་ འགལ་གྱིས་བཀག་སྐྱིལ་བྱེད་པ་དང་བྱེད་ཐབས་གཞན་གྱིས་ཁྲིམས་འགལ་གྱིས་སྤྱི་དམངས་ ཀྱི་མི་ལུས་རང་དབང་བཙན་འཕྲོག་བྱེད་པའམ་ཚོད་འཛིན་བྱེད་པ་བཀག་སྡོམ་དང༌། ཁྲིམས་འགལ་གྱིས་སྤྱི་དམངས་ལ་ལུས་བཤེར་བྱེད་པ་བཀག་སྡོམ་བྱེད་དགོས།དོན་ཚན་སོ་ བརྒྱད།ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྤྱི་དམངས་ཀྱི་མིའི་ཐོབ་ཐང་ དང་ལ་རྒྱར་བཙན་གནོད་ཐེབས་མི་ཆོག སྤྱི་ དམངས་ལ་བྱེད་ཐབས་གང་རུང་སྤྱད་ནས་བརྙན་བཅོས་དང་དམའ་འབེབས་བྱེད་པ་དང༌། སྙོན་འཛུགས་ཞུ་གཏུག་དང་མ་ཉེས་ཁ་གཡོགས་བྱེད་པ་བཀག་སྡོམ་བྱེད་དགོས། དོན་ཚན་སོ་དགུཀྲུང་ ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྤྱི་དམངས་ཀྱི་སྡོད་ཁང་ལ་བཙན་གནོད་ཐེབས་ མི་ཆོགཁྲིམས་འགལ་གྱིས་སྤྱི་དམངས་ཀྱི་སྡོད་ཁང་ནང་སྔོག་བཤེར་བྱེད་པའམ་བཙན་ འཛུལ་བྱེད་པ་བཀག་སྡོམ་བྱེད་དགོས།དོན་ཚན་བཞི་བཅུ།ཀྲུང་ ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྤྱི་དམངས་ཀྱི་འཕྲིན་སྐྱེལ་རང་དབང་དང་ འཕྲིན་སྐྱེལ་གསང་དོན་ལ་བཅའ་ཁྲིམས་ཀྱིས་སྲུང་སྐྱོང་བྱེད་པ་ཡིན།རྒྱལ་ཁབ་ཀྱི་ བདེ་འཇགས་སམ་ཉེན་དོན་གྱི་ཉེས་སྤྱོད་རྩད་གཅོད་བྱེད་དགོས་པའི་རྐྱེན་གྱིས་ སྤྱི་བདེ་ལས་ཁུངས་སམ་ཞིབ་དཔྱོད་ལས་ཁུངས་ཀྱིས་བཅའ་ཁྲིམས་ཀྱི་གཏན་འབེབས་གོ་ རིམ་ལྟར་འཕྲིན་ཡིག་ལ་ཞིབ་བཤེར་བྱེད་རྒྱུད་ཕུད།རྩ་འཛུགས་གང་ཞིག་དང་མི་སུ་ ཞིག་གིས་ཀྱང་རྒྱུན་མཚན་གང་རུང་ཞིག་ལ་ཁ་གཡར་ནས་སྤྱི་དམངས་ཀྱི་འཕྲིན་སྐྱེལ་ རང་དབང་དང་འཕྲིན་ཡིག་གི་གསང་དོན་ལ་གནོད་པ་བཏང་མི་ཆོགདོན་ཚན་ཞེ་གཅིགཀྲུང་ ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྤྱི་དམངས་ལ་རྒྱལ་ཁབ་ཀྱི་ལས་ཁུངས་གང་ཞིག་ དང་རྒྱལ་ཁབ་ཀྱི་ལས་བྱེད་པ་སུ་ཞིག་ཡིན་ནའང་དེར་སྐྱོན་བརྗོད་དང་བསམ་འཆར་འདོན་ པའི་དབང་ཆ་ཡོདཔ་དང༌།རྒྱལ་ཁབ་ཀྱི་ལས་ཁུངས་གང་ཞིག་དང་རྒྱལ་ཁབ་ཀྱི་ལས་བྱེད་པ་ སུ་ཞིག་ཡིན་རུང་ཁྲིམས་འགལ་འགན་འཛོལ་གྱི་བྱ་སྤྱོད་བྱུང་ན།རྒྱལ་ཁབ་ཀྱི་འབྲེལ་ ཡོད་ལས་ཁུངས་ལ་དེའི་གནས་ལུགས་ཞུ་བ་དང་ཞུ་གཏུག་བྱེད་པའམ་ཉེས་སྐྱོན་འདོན་པའི་ ཁེ་དབང་ཡོད།འོན་ཀྱང་དོན་དངོས་རྫུན་བཟོའམ་འཁྱོག་བཤད་བྱས་ནས་གཞན་ལ་སྙོན་ འཛུགས་ཞུ་གཏུག་དང་མ་ཉེས་ཁག་གཡོགས་བྱེད་མི་ཆོགསྤྱི་དམངས་ཀྱིས་གནས་ལུགས་ཞུས་ པ་དང་ཞུ་གཏུག་བྱས་པའམ་ཡང་ན་ཉེས་སྐྱོན་བཏོན་པ་རྣམས་རྒྱལ་ཁབ་ཀྱི་འབྲེལ་ཡོད་ ལས་ཁུངས་ཀྱིས་ངེས་པར་དུ་དོན་དངོས་ཞིབ་རྩད་བྱས་ཏེ་ཐག་གཅོད་བྱེད་དགོས།མི་སུ་ ཞིག་གིས་ཀྱང་འགོག་གནོན་དང་རྡུང་རྡེག་འཁོན་སློག་བྱེད་མི་ཆོགརྒྱལ་ཁབ་ཀྱི་ལས་ ཁུངས་དང་རྒྱལ་ཁབ་ཀྱི་ལས་བྱེད་པས་སྤྱི་དམངས་ཀྱི་ཁེ་དབང་ལ་བཙན་གནོད་བྱས་པའི་ དབང་གིས་གྱོང་གུད་ཕོག་པའི་མི་ལ་བཅའ་ཁྲིམས་ཀྱི་གཏན་འབེབས་ལྟར་སྐྱིན་ཚབ་ལེན་ པའི་ཁེ་དབང་ཡོད། དོན་ཚན་ཞེ་གཉིས།ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྤྱི་དམངས་ལ་ངལ་ རྩོལ་བྱེད་པའི་ཁེ་དབང་དང་འོས་འགན་ཡོད། རྒྱལ་ ཁབ་ཀྱིས་ཐབས་ལམ་སྣ་ཚོགས་ལ་བརྟེན་ནས་ངལ་རྩོལ་ལས་ཞུགས་ཀྱི་ཆ་རྐྱེན་བསྐྲུན་པ་ དང༌། ངལ་རྩོལ་གྱི་བདེ་སྲུང་ལ་ཤུགས་སྣོན། ངལ་རྩོལ་གྱི་ཆ་རྐྱེན་ལེགས་བཅོས་བྱེད་པ་མ་ཟད༌། ཐོན་སྐྱེད་གོང་དུ་སྤེལ་བའི་རྨང་གཞིའི་ཐོག་ངལ་རྩོལ་ཐོབ་ཆ་སྤར་ཐབས་དང་ཕན་ བདེའི་ལྟ་སྐྱོང་ཇེ་ལེགས་སུ་གཏོང་བ་ཡིན།ངལ་རྩོལ་ནི་ངལ་རྩོལ་ནུས་ཤུགས་ཡོད་ པའི་སྤྱི་དམངས་ཚང་མའི་གཟི་བརྗིད་ལྡན་པའི་འགན་འཁྲི་ཡིན། རྒྱལ་གཉེར་ཁེ་ལས་དང་གྲོང་ཁྱེར་དང་གྲོང་གསེབ་ཀྱི་　ཐུན་མོང་དཔལ་འབྱོར་གྱི་རྩ་ འཛུགས་ཀྱི་ངལ་རྩོལ་པ་རྣམས་ངལ་རྩོལ་བྱེད་སྐབས་རང་ཉིད་ནི་རྒྱལ་ཁབ་ཀྱི་བདག་པོ་ ཡིན་པའི་སྤྱོད་ཚུལ་འཛིན་དགོས། རྒྱལ་ ཁབ་ཀྱིས་སྤྱི་ཚོགས་རིང་ལུགས་ཀྱི་ངལ་རྩོལ་འགྲན་བསྡུར་བྱེད་པ་དར་སྤེལ་དང་ངལ་ རྩོལ་དཔེ་བཟང་དང་སྔོན་ཐོན་གྱི་ལས་བྱེད་པར་བྱ་དགའ་སྟེར་བ་ཡིན།རྒྱལ་ཁབ་ཀྱིས་ སྤྱི་དམངས་ཀྱིས་འོས་འགན་ངལ་རྩོལ་བྱེད་པ་དར་སྤེལ་བྱེད་པ་ཡིན། རྒྱལ་ཁབ་ཀྱིས་ལས་ཀར་མ་ཞུགས་གོང་གི་སྤྱི་དམངས་ལ་ངལ་རྩོལ་ལས་ཞུགས་ཀྱིས་སྦྱོང་ བརྡར་བྱེད་པ་ཡིན། དོན་ཚན་ཞེ་གསུམ།ཀྲུང་ ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ངལ་རྩོལ་པ་ངལ་གསོའི་ཁེ་དབང་ཡོད།རྒྱལ་ཁབ་ ཀྱིས་ངལ་རྩོལ་པར་ངལ་གསོ་པར་ངལ་གསོ་དང་ལུས་གསོའི་སྒྲིག་བཀོད་གོང་དུ་སྤེལ་བ་ དང༌།ལས་བཟོའི་ལས་ཀ་བྱེད་ཡུན་དང་གུང་སེང་ལམ་ལུགས་གཏན་ལ་འབེབབས་བྱེད་པ་ཡིན། དོན་ཚན་ཞེ་བཞི།རྒྱལ་ ཁབ་ཀྱིས་བཅའ་ཁྲིམས་ཀྱི་གཏན་འབེབས་ལྟར་ཁེ་ལས་དང་ལས་དོན་རྩ་འཛུགས་ཀྱི་ལས་བཟོ་ པ་དང་རྒྱལ་ཁབ་ལས་ཁུངས་ཀྱི་ལས་བྱེད་པའི་ལས་འཁྱུར་ངལ་གསོའི་ལམ་ལུགས་ལག་ལེན་ དུ་བསྟར་བ་ཡིན།ལས་འཁྱུར་ངལ་གསོ་བྱེད་མཁན་གྱི་འཚོ་བར་རྒྱལ་ཁབ་དང་སྤྱི་ཚོགས་ ཀྱིས་འགན་སྲུང་བྱེད་པ་ཡིན། དོན་ཚན་ཞེ་ལྔ། ཀྲུང་ ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྤྱི་དམངས་ལ་ལོ་ན་རྒས་པ་དང༌། ནད་ཀྱིས་མནར་བའམ་ངལ་རྩོལ་གྱི་ནུས་པ་ཤོར་བ་བཅས་བྱུང་ཚེ།རྒྱལ་ཁབ་དང་སྤྱི་ ཚོགས་ནས་དངོས་པོའི་རོགས་རམ་འཐོབ་པའི་ཁེ་དབང་ཡོད།རྒྱལ་ཁབ་ཀྱིས་སྤྱི་ཚོགས་ ཉེན་སྲུང་དང༌།སྤྱི་ཚོགས་རྒུད་སྐྱོབ།སྨན་བཅོས་འཕྲོད་བསྟེན་བཅས་ཀྱི་བྱ་བཞག་ གོང་དུ་སྤེལ་བ་ཡིན།རྒྱལ་ཁབ་དང་སྤྱི་ཚོགས་ཀྱིས་དབང་པོ་སྐྱོན་ཅན་གྱི་དམག་ མིའི་འཚོ་བ་འགན་ལེན་བྱེད་པ་དང༌། སྐུ་གཤེགས་དཔའ་བོའི་ཁྱིམ་མིར་འཆི་གོད་གྱོང་གསབ་དང་ལྟ་སྐྱོང༌།དམག་མིའི་ཁྱིམ་ མིར་དམིགས་བསལ་བདག་སྐྱོང་བཅས་བྱེད་དགོས།རྒྱལ་ཁབ་དང་སྤྱི་ཚོགས་ཀྱིས་ལོང་བ་ དང༌། འོན་པ། ལྐུགས་པ་བཅས་དང་དབང་བོར་སྐྱོན་ཡོད་པའི་སྤྱི་དམངས་གཞན་དག་རྣམས་ལ་ངལ་རྩོལ་ དང༌། འཚོ་བ། སློབ་གསོ་བཅས་ཀྱི་ཐད་ནས་བཀོད་སྒྲིག་བྱེད་རོགས་བྱེད་པ་ཡིན།དོན་ཚན་ཞེ་ དྲུགཀྲུང་ ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྤྱི་དམངས་ལ་སློབ་གསོ་འཐོབ་པའི་ཁེ་དབང་ དང་འོས་འགན་ཡོད།རྒྱལ་ཁབ་དང་སྤྱི་ཚོགས་ཀྱིས་ན་གཞོན་དང༌།ན་ཆུང་བྱིས་པ་རྣམས་ ཀུན་སྤྱོད་དང༌།ཤེས་རིགགཟུགས་གཞི་བཅས་ཕྱོགས་ཡོངས་ནས་འཕེལ་རྒྱས་ཡོང་བར་གསོ་ སྐྱོང་བྱེད་པ་ཡིན།དོན་ཚན་ཞེ་བདུན།ཀྲུང་ ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྤྱི་དམངས་ལ་ཚན་རིག་ཞིབ་འཇུག་དང༌།རྩོམ་ རིག་སྒྱུར་རྩལ་གསར་རྩོམ།རིག་གནས་ཀྱི་བྱེད་སྒོ་གཞན་དག་བཅས་སྤེལ་རྒྱུའི་རང་ དབང་ཡོད།རྒྱལ་ཁབ་ཀྱིས་སློབ་གསོ་དང༌།ཚན་རིགལག་རྩལ།རྩོམ་རིགསྒྱུ་རྩལ།རིག་གནས་ ཀྱི་བྱ་བཞག་གཞན་དག་དོན་དུ་གཉེར་བའི་སྤྱི་དམངས་ཀྱིས་མི་དམངས་ལ་ཕན་པའི་གསར་ སྐྲུན་རང་བཞིན་གྱི་ལས་ཀ་སྒྲུབ་པར་སྐུལ་མ་དང་རོགས་རམ་བྱེད་པ་ཡིན།དོན་ཚན་ཞེ་ བརྒྱད།ཀྲུང་ ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བུད་མེད་རྣམས་ཀྱིས་ཆབ་སྲིད་དང༌།དཔལ་ འབྱོར།རིག་གནས།སྤྱི་ཚོགས།ཁྱིམ་ཚང་བཅས་ཀྱི་འཚོ་བ་སོགས་ཕྱོགས་གང་ཐད་ནས་སྐྱེས་ པ་དང་འདྲ་མཉམ་གྱི་ཁེ་དབང་ལོངས་སུ་སྤྱད་པ་ཡིན།རྒྱལ་ཁབ་ཀྱིས་བུད་མེད་ཀྱི་ཁེ་ དབང་དང་ཁེ་ཕན་སྲུང་སྐྱོང་བྱས་ཏེ།སྐྱེས་པ་དང་བུད་མེད་ཀྱི་ལས་ཀ་གཅིག་འདྲ་ཡིན་ ན་ཐོབ་ཆ་ཡང་གཅིག་འདྲ་ཡིན་པ་ལག་ཏུ་བསྟར་བ་དང༌།བུད་མེད་ལས་བྱེད་པ་གསོ་སྐྱོང་ དང་གདམ་གསེས་གནས་སྤར་བྱེད་པཡིན།དོན་ཚན་ཞེ་དགུགཉེན་སྒྲིག་དང༌།ཁྱིམ་ཚང༌།ཨ་མ། བྱིས་པ་སོགས་ལ་རྒྱལ་ཁབ་ཀྱིས་སྲུང་སྐྱོང་བྱེད་པ་ཡིན། ཁྱོ་ཤུག་གཉིས་ཀར་འཆར་ལྡན་ཕྲུག་སྐྱེའི་འོས་འགན་ཡོད། ཕ་ མས་ལོ་ན་མ་སོན་པའི་བུ་ཕྲུག་གསོ་སྐྱོང་དང་སློབ་གསོ་བྱེད་རྒྱུའི་འོས་འགན་ཡོད་ པ་དང༌། ན་སོ་ལོན་པའི་བུ་ཕྲུག་གིས་ཕ་མ་གསོ་བ་དང་ཕ་མར་རོགས་སྐྱོར་བྱེད་པའི་འོས་འགན་ ཡོད།གཉེན་སྒྲིག་རང་དབང་ལ་གཏོར་བཤིག་གཏོང་བ་དང༌།རྒན་རྒོན་དང་བུད་མེད།བྱིས་པ་ བཅས་ལ་མནར་གཅོད་བྱེད་པར་བཀག་སྡོམ་བྱེད་དགོས།དོན་ཚན་ལྔ་བཅུ།ཀྲུང་ ཧྭ་མི་དམངས་སྤྱི་མཐུན་རྒྱལ་ཁབ་ཀྱིས་ཕྱིར་སྡོད་རང་མིའི་ལུགས་མཐུན་གྱི་ཁེ་ དབང་དང་ཁེ་ཕན་སྲུང་སྐྱོང་བྱེད་པ་དང༌། མེས་རྒྱལ་དུ་ཕྱིར་ལོག་པའི་ཕྱིར་སྡོད་རང་མི་དང་ཕྱིར་སྡོད་རང་མིའི་ཁྱིམ་མིའི་ ཁྲིམས་མཐུན་གྱི་ཁེ་དབང་དང་ཁེ་ཕན་སྲུང་སྐྱོང་བྱེད་པ་ཡིན།དོན་ཚན་ང་གཅིགཀྲུང་ ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྤྱི་དམངས་ཀྱིས་རང་དབང་དང་ཁེ་དབང་ལོངས་ སུ་སྤྱོད་དུས་རྒྱལ་ཁབ་དང༌།སྤྱི་ཚོགས།ཐུན་མོང་བཅས་ཀྱི་ཁེ་ཕན་དང་སྤྱི་དམངས་ གཞན་གྱི་ཁྲིམས་མཐུན་རང་དབང་དང་ཁེ་དབང་ལ་གནོད་འཚེ་བཏང་མི་ཆོགདོན་ཚན་ང་གཉིས། ཀྲུང་ ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྤྱི་དམངས་ལ་རྒྱལ་ཁབ་གཅིག་གྱུར་སྲུང་ འཛིན་དང་རྒྱལ་ཡོངས་མི་རིགས་སོ་སོ་དང་མཐུན་སྒྲིལ་བྱེད་པའི་འོས་འགན་ཡོད།དོན་ ཚན་ང་གསུམ།ཀྲུང་ ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྤྱི་དམངས་ཀྱིས་ངེས་པར་དུ་རྩ་ཁྲིམས་དང་ བཅའ་ཁྲིམས་བརྩི་སྲུང་བྱེད་དགོས་པ་དང༌།རྒྱལ་ཁབ་ཀྱི་གསང་དོན་དམ་སྲུང༌།སྤྱི་ ནོར་གཅེས་སྤྲས།ངལ་རྩོལ་སྒྲིག་ཁྲིམས་དང་སྤྱིའི་སྒྲིག་ལམ་བརྩི་སྲུང༌།སྤྱི་ ཚོགས་སྤྱིའི་སྤྱོད་བཟང་ལ་བརྩི་འཇོག་བཅས་བྱེད་དགོས། དོན་ཚན་ང་བཞི།ཀྲུང་ ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྤྱི་དམངས་ལ་མེས་རྒྱལ་གྱི་བདེ་འཇགས་དང༌། མཚན་སྙན། ཁེ་ཕན་བཅས་སྲུང་འཛིན་བྱེད་པའི་འོས་འགན་ཡོད། མེས་རྒྱལ་གྱི་བདེ་འཇགས་དང༌།མཚན་སྙན།ཁེ་ཕན་བཅས་ལ་གནོད་པ་བཏང་བའི་བྱ་སྤྱོད་ ཡོད་མི་ཆོགདོན་ཚན་ང་ལྔ། མེས་རྒྱལ་སྲུང་སྐྱོབ་བྱེད་པ་དང༌། བཙན་འཛུལ་ལ་འགོག་རྒོལ་བྱེད་རྒྱུ་ནི་　ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ ཀྱི་སྤྱི་དམངས་ཡོངས་ཀྱི་ལས་འགན་མཆོག་ཏུ་　གྱུར་པ་ཞིག་ཡིན། བཅའ་ ཁྲིམས་ལྟར་དམག་དུ་ཞུགས་པ་དང་ཡུལ་དམག་རྩ་འཛུགས་ནང་ཞུགས་རྒྱུ་ནི་ཀྲུང་ཧྭ་མི་ དམངས་སྤྱི་མཐུན་རྒྱལ་ཁབ་ཀྱི་སྤྱི་དམངས་ཀྱི་འོས་འགན་གཟི་བརྗིད་ཅན་ཞིག་ཡིན། དོན་ཚན་ང་དྲུགཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྤྱི་དམངས་ལ་བཅའ་ ཁྲིམས་ལྟར་དཔྱ་ཁྲལ་འཇལ་བའི་འོས་འགན་ཡོད། ལེའུ་གསུམ་པ། རྒྱལ་ཁབ་སྒྲིག་གཞི།ས་བཅད་དང་པོ། རྒྱལ་ཡོངས་མི་དམངས་འཐུས་མི་ཚོགས་ཆེན།དོན་ཚན་ང་བདུན།ཀྲུང་ ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྒྱལ་ཡོངས་མི་འཐུས་མི་ཚོགས་ཆེན་ནི་ཆེས་ མཐོ་བའི་རྒྱལ་ཁབ་གྱི་དབང་ཆ་ལས་ཁུངས་ཡིན།དེའི་རྒྱུན་གནས་ལས་ཁུངས་ནི་རྒྱལ་ ཡོངས་མི་དམངས་འཐུས་མི་ཚོགས་ཆེན་གྱི་རྒྱུན་ལས་ཨུ་ཡོན་ལྷན་ཁང་ཡིན། དོན་ཚན་ང་བརྒྱད།རྒྱལ་ ཡོངས་མི་དམངས་འཐུས་མི་ཚོགས་ཆེན་དང་རྒྱལ་ཡོངས་མི་དམངས་འཐུས་མི་ཚོགས་ཆེན་ རྒྱུན་ལས་ཨུ་ཡོན་ལྷན་ཚོགས་ཀྱིས་རྒྱལ་ཁབ་ཀྱི་ཁྲིམས་འཛུགས་དབང་ཆ་ལག་བསྟར་ བྱེད་པ། དོན་ཚན་ང་དགུརྒྱལ་ ཡོངས་མི་དམངས་འཐུས་མི་ཚོགས་ཆེན་ནི་ཞིང་ཆེན་དང་རང་སྐྱོང་ལྗོངས།ཐད་གཏོགས་ གྲོང་ཁྱེར།དམིགས་བསལ་སྲིད་འཛིན་ས་ཁུལ་དང་དམག་དཔུང་བཅས་ཀྱིས་བདམ་པའི་འཐུས་ མི་ལས་གྲུབ།གྲངས་ཉུང་མི་རིགས་སོ་སོའི་འཐུས་མིའི་ཁ་གྲངས་འོས་འཚམས་ཡོད་དགོས། རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་འཐུས་མིའི་འདེམས་བསྐོ་ནི་རྒྱལ་　　　 ཡོངས་མི་དམངས་འཐུས་མི་ཚོགས་ཆེན་གྱི་རྒྱུན་ལས་ཨུ་ཡོན་ལྷན་ཁང་གིས་འགོ་འཛིན་ བྱེད་རྒྱུ།རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་འཐུས་མིའི་མི་གྲངས་དང་ འཐུས་མི་བྱུང་ཐབས་ནི་བཅའ་ཁྲིམས་ཀྱིས་གཏན་ཁེལ་བྱས། དོན་ཚན་དྲུག་བཅུ །རྒྱལ་ ཡོངས་མི་དམངས་འཐུས་མི་ཚོགས་ཆེན་གྱི་འགན་འཛིན་དུས་ཚད་ནི་སྐབས་རེར་ལོ་ལྔ་ཡིན། རྒྱལ་ཡོངས་མི་དམངས་འཐུས་མི་ཚོགས་ཆེན་འགན་འཛིན་ཡུན་ཚད་མ་ཐིམ་སྔོན་གྱི་ཟླ་བ་ གཉིས་ལ་རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་རྒྱུན་ལས་ཨུ་ཡོན་ལྷན་ཁང་ གིས་སྐབས་རྗེས་མའི་རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་འཐུས་མི་འདེམས་ བསྐོ་བྱས་ཚར་དུ་འཇུག་དགོས།གལ་སྲིད་འདེམས་བསྐོ་བྱེད་མི་སྲིད་པའི་དམིགས་བསལ་ གྱི་གནས་ཚུལ་དང་འཕྲད་ན་རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་རྒྱུན་ལས་ ཨུ་ཡོན་ལྷན་ཁང་གི་གསུམ་ཆ་གཉིས་ཡན་གྱི་མི་མང་ཆེས་བས་གྲོས་འཆམས་བྱུང་ནས་ འདེམས་བསྐོ་ཕྱིར་འགྱངས་བྱེད་པ་དང་སྐབས་དེའི་རྒྱལ་ཡོངས་མི་དམངས་འཐུས་མི་ ཚོགས་ཆེན་གྱི་འགན་འཛིན་ཡུན་ཚད་ཕྱིར་འགྱངས་བྱེད་རྒྱུ།དམིགས་བསལ་གྱི་གནས་ཚུལ་ མཇུག་འགྲིལ་རྗེས་ཀྱི་ལོ་གཅིག་གི་ནང་ངེར་པར་དུ་སྐབས་རྗེས་མའི་རྒྱལ་ཡོངས་མི་ དམངས་འཐུས་མི་ཚོགས་ཆེན་གྱི་འཐུས་མི་འདེམས་བསྐོ་བྱེད་ཚར་དགོས།དོན་ཚན་རེ་ གཅིགརྒྱལ་ ཡོངས་མི་དམངས་འཐུས་མི་ཚོགས་ཆེན་གྱི་ཚོགས་འདུ་ལོ་རེར་ཐེངས་གཅིག་ཚོགས་པ་དང་ རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་རྒྱུན་ལས་ཨུ་ཡོན་ལྷན་ཁང་གིས་ཚོགས་ འདུ་བསྡུ་རྒྱུ།གལ་སྲིད་རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་རྒྱུན་ལས་ ཨུ་ཡོན་ལྷན་ཁང་གིས་དགོས་གལ་ཆེ་བ་དང་ཡང་ན་ལྔ་ཆ་གཅིག་ཡན་གྱིས་རྒྱལ་ཡོངས་མི་ དམངས་འཐུས་མི་ཚོགས་ཆེན་གྱི་འཐུས་མིས་གྲོས་གཞི་འདོན་ན་སྐབས་ཐོག་རྒྱལ་ཡོངས་ མི་དམངས་འཐུས་མི་ཚོགས་ཆེན་གྱི་ཚོགས་འདུ་བསྡུ་ཆོགརྒྱལ་ཡོངས་མི་དམངས་འཐུས་མི་ ཚོགས་ཆེན་གྱིས་ཚོགས་འདུ་ཚོགས་སྐབས་འདེམས་བསྐོ་ཀྲུའུ་ཞིང་ཚོགས་པས་ཚོགས་འདུ་ འགོ་འཛིན་བྱས་རྒྱུ།དོན་ཚན་རེ་གཉིས།རྒྱལ་ཡོངས་མི་དམངས་འཐུས་མི་ཚོགས་ཆེན་ གྱིས་གཤམ་གསལ་གྱི་འགན་དབང་ལག་བསྟར་བྱེད་རྒྱུ།དང་པོ། རྩ་ཁྲིམས་བཟོ་བཅོསབྱེད་པ།གཉིས་པ། རྩ་ཁྲིམས་ལག་བསྟར་བྱེད་པར་ལྟ་སྐུལ་བྱེད་པ།གསུམ་པ།ཉེན་དོན་དང་དམངས་དོན།རྒྱལ་ ཁབ་ཀྱི་སྒྲིག་གཞི་དང་རྩ་བའི་བཅའ་ཁྲིམས་གཞན་དག་གཏན་འབེབས་བྱེད་པ་དང་བཟོ་ བཅོས་བྱེད་པ། བཞི་པ།ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཀྲུའུ་ཞི་དང་ཀུའུ་ཞི་གཞོན་པ་ འདེམས་བསྐོ་བྱེད་པ། ལྔ་ པ།ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྲུའུ་ཞིས་མིང་ཐོ་འདོན་པ་ལྟར་རྒྱལ་ སྲིད་སྤྱི་ཁྱབ་ཁང་ཙུང་ལིའི་འོས་མི་གཏན་ཁེལ་བྱེད་པ་དང༌།རྒྱལ་སྲིད་སྤྱི་ཁྱབ་ ཁང་ཙུང་ལིས་མིང་ཐོ་འདོན་པ་ལྟར་རྒྱལ་སྲིད་སྤྱི་ཁྱབ་ཁང་གི་ཙུང་ལི་གཞོན་པ་དང་ རྒྱལ་སྲིད་སྤྱི་ཁྱབ་ཁང་གི་ཨུ་ཡོན། པུའུ་སོ་སོའི་པུའུ་ཀྲང༌།ཨུ་ཡོན་གྲོས་ཚོགས་སོ་སོའི་ཀྲུའུ་རིན།རྩིས་བཤེར་འགོ་ འཛིན།དྲུང་ཡིག་ཆེན་མོ་སོགས་ཀྱི་འོས་མི་གཏན་ཁེལ་བྱས་པ།དྲུག་ པ། ཀྲུང་དབྱངས་དམག་དོན་ཨུ་ཡོན་ལྷན་ཁང་གི་ཀྲུའུ་ཞི་འདེམས་བསྐོ་བྱེད་པ་དང༌། ཀྲུང་དབྱངས་དམག་དོན་ཨུ་ཡོན་ལྷན་ཁང་གི་ཀྲུང་ཞིས་མིང་ཐོ་འདོན་པ་ལྟར་ཀྲུང་ དབྱངས་དམག་དོན་ཨུ་ཡོན་ལྷན་ཁང་གི་ཁོངས་མི་གཞན་དག་གཏནཁེལ་བྱས་པ། བདུན་པ། ཆེས་མཐོ་བའི་མི་དམངས་ཁྲིམས་ཁང་གི་འགོ་འཛིན་འདེམས་བསྐོ་བྱེད་པ།བརྒྱད་པ། ཆེས་མཐོ་བའི་མི་དམངས་ཞིབ་དཔྱོད་ཁང་གི་འགོ་འཛིན་འདེམས་བསྐོ་བྱེད་པ། དགུ་ པ།རྒྱལ་དམངས་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་འཆར་གཞི་དང་འཆར་གཞི་ལག་ བསྟར་བྱེད་ཚུལ་གྱི་སྙན་ཞུར་ཞིབ་བཤེར་བྱེད་པ་དང་ཆོག་མཆན་གནང་བ། བཅུ་པ།རྒྱལ་ཁབ་ཀྱི་སྔོན་རྩིས་དང་སྔོན་རྩིས་ལག་བསྟར་བྱེད་ཚུལ་གྱི་སྙན་ཞུར་ ཞིབ་བཤེར་དང་ཆོག་མཆན་གནང་བ། བཅུ་ གཅིགརྒྱལ་ཡོངས་མི་དམངས་འཐུས་མི་ཚོགས་ཆེན་གྱི་རྒྱུན་ལས་ཨུ་ཡོན་ལྷན་ཁང་གིས་ མི་འགྲིག་པའི་ཆོད་དོན་བསྒྱུར་བཅོས་བྱེད་པ་དང་ཡང་ན་ཕྱིར་འཐེན་བྱེད་པ།བཅུ་ གཉིས།ཞིང་ཆེན་དང་རང་སྐྱོང་ལྗོངས།ཐད་གཏོགས་གྲོང་ཁྱེར་གྱི་སྒྲིག་བཀོད་ལ་ཆོག་ མཆན་གནང་བ།བཅུ་གསུམ། དམིགས་བསལ་སྲིད་འཛིན་ས་ཁོངས་གསར་འཛུགས་དང་དེས་ལམ་　ལུགས་གཏན་འབེབས་བྱེད་པ། བཅུ་བཞི། ཞི་བདེ་དང་དམག་འཁྲུག་གི་གནད་དོན་གཏན་ལ་འབེབས་པ། བཅོ་ལྔ།ཆེས་མཐོ་བའི་རྒྱལ་ཁབ་དབང་ཆ་ལས་ཁུངས་ཀྱིས་ལག་བསྟར་བྱེད་དགོས་པའི་འགན་ དབང་གཞན་དགདོན་ཚན་རེ་གསུམ།རྒྱལ་ཡོངས་མི་དམངས་འཐུས་མི་ཚོགས་ཆེན་གྱིས་གཤམ་ གསལ་གྱི་མི་སྣའི་གོ་གནས་འབེབས་བའི་དབང་ཆ་ཡོད། གཅིག ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་གྱི་ཀུའུ་ཞིང་དང་ཀྲུའུ་ཞིང་གཞོན་པ།གཉིས། རྒྱལ་སྲིད་སྤྱི་ཁྱབ་ཁང་གི་ཙུང་ལི་དང་ཙུང་ལི་གཞོན་པ།རྒྱལ་སྲིད་ཨུ་ཡོན།པུའུ་ སོ་སོའི་པུའུ་ཀྲང༌། ཨུ་ཡོན་ལྷན་ཁང་ཁག་གི་ཀྲུའུ་རིན། རྩིས་བཤེར་འགོ་འཛིན། དྲུང་ཡིག་ཆེན་མོ། གསུམ།ཀྲུང་དབྱངས་དམག་དོན་ཨུ་ཡོན་ལྷན་ཁང་གི་ཀྲུའུ་ཞིང་དང་ཀྲུང་དབྱངས་དམག་ དོན་ཨུ་ཡོན་ལྷན་ཁང་གི་ཁོངས་མི་གཞན་དགབཞི། ཆེས་མཐོ་བའི་མི་དམངས་ཁྲིམས་ཁང་གི་འགོ་འཛིན།ལྔ། ཆེས་མཐོ་བའི་མི་དམངས་ཞིབ་དཔྱོད་ཁང་གི་འགོ་འཛིན། དོན་ཚན་རེ་བཞི།རྩ་ ཁྲིམས་ཀྱི་བཟོ་བཅོས་ནི་རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་རྒྱུན་ལས་ ཨུ་ཡོན་ལྷན་ཁང་དང་ཡང་ན་ལྔ་ཆ་གཅིག་ཡན་གྱི་རྒྱལ་ཡོངས་མི་དམངས་འཐུས་མི་ཚོགས་ ཆེན་གྱི་འཐུས་མིས་གྲོས་གཞི་འདོན་པ་དང་རྒྱལ་ཡོངས་མི་དམངས་འཐུས་མི་ཚོགས་ཆེན་ གྱི་འཐུས་མི་ཡོངས་ཀྱི་གསུམ་ཆ་གཉིས་ཀྱིས་གྲོས་འཆམས་བྱུང་དགོས། བཅའ་ཁྲིམས་དང་གྲོས་གཞི་གཞན་དག་ནི་རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་ ཕྱེད་ཀ་ལས་བརྒལ་བའི་འཐུས་མི་་ཀྱིས་གྲོས་འཆམས་བྱུང་དགོས།དོན་ཚན་རེ་ལྔ།རྒྱལ་ ཡོངས་མི་དམངས་འཐུས་མི་ཚོགས་ཆེན་གྱི་རྒྱུན་ལས་ཨུ་ཡོན་ལྷན་ཁང་ནི་གཤམ་གྱི་མི་ སྣ་ལས་གྲུབ། ཨུ་ཡོན་ཀྲང༌། ཨུ་ཡོན་ཀྲང་གཞོན་པ་འགའ་རེ།དྲུང་ཡིག་ཆེན་མོ། ཨུ་ ཡོན་འགའ་རེ།རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་རྒྱུན་ལས་ཨུ་ཡོན་ལྷན་ ཁང་གི་ཁོངས་མིའི་ནང་གྲངས་ཉུང་མི་རིགས་ཀྱི་འཐུས་མིའི་ཁ་གྲངས་འོས་འཚམས་ཞིག་ ཡོད་དགོས།རྒྱལ་ཡོངས་མི་དམངས་འཐུས་མི་ཚོགས་ཆེན་གྱིས་རྒྱལ་ཡོངས་མི་དམངས་འཐུས་ མི་ཚོགས་ཆེན་གྱི་རྒྱུན་ལས་ཨུ་་ཡོན་ལྷན་ཁང་གི་ཁོངས་མི་འདེམས་བསྐོ་བྱེད་པ་མ་ ཟད་གོ་གནས་འབེབས་པའི་དབང་ཆ་ཡོད།རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་ རྒྱུན་ལས་ཨུ་ཡོན་ལྷན་ཁང་　　གིས་ཁོངས་མིས་རྒྱལ་ཁབ་སྲིད་འཛིན་ལས་ཁུངས་དང༌། འདྲི་གཅོད་ལས་ཁུངས།ཞིབ་དཔྱོད་ལས་ཁུངས་སོགས་ཀྱི་ལས་གནས་འཛིན་མི་ཆོགདོན་ཚན་ རེ་དྲུགརྒྱལ་ ཡོངས་མི་དམངས་འཐུས་མི་ཚོགས་ཆེན་གྱི་རྒྱུན་ལས་ཨུ་ཡོན་ལྷན་ཁང་གི་སྐབས་རེའི་ འགན་འཛིན་ཡུན་ཚད་ནི་རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་འགན་འཛིན་ཡུན་ ཚད་དང་མཚུངས།དེས་རིམ་པ་རྗེས་མའི་རྒྱལ་ཡོངས་མི་དམངས་འཐུས་མི་ཚོགས་ཆེན་གྱིས་ རྒྱུན་ལས་ཨུ་ཡོན་ལྷན་ཁང་གསར་པ་བདམ་ཐོན་བྱུང་བའི་བར་འགན་དབང་སྤྱོད་དགོས།ཨུ་ ཡོན་ཀྲང་དང་ཨུ་ཡོན་ཀྲང་གཞོན་པས་ལས་འགན་བསྟུད་འཛིན་སྐབས་གཉིས་ལས་བརྒལ་མི་ ཆོགདོན་ཚནརེ་བདུན།རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་རྒྱུནལས་ཨུ་ཡོན་ ལྷན་ཁང་གིས་གཤམ་གསལ་གྱི་འགནདབང་སྤྱོད་པ། དང་པོ།རྩ་ཁྲིམས་ལ་འགྲེལ་བཤད་བྱེད་པ་དང་རྩ་ཁྲིམས་ལག་བསྟར་བྱེད་ཚུལ་ལ་ལྟ་ སྐུལ་བྱེད་པ།གཉིས་ པ།རྒྱལ་ཡོངས་མི་དམངས་འཐུས་མི་ཚོགས་ཆེན་གྱིས་གཏན་འབེབས་བྱས་པའི་བཅའ་ཁྲིམས་ ཕུད་པའི་བཅའ་ཁྲིམས་གཞན་དག་གཏན་འབེབབས་བྱེད་པ་དང་བཟོ་བཅོས་བྱེད་པ།གསུམ་ པ།རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་གྲོས་ཚོགས་གྲོལ་རྗེས་ཀྱི་རིང་ལ་ རྒྱལ་ཡོངས་མི་དམངས་འཐུས་མི་ཚོགས་ཆེན་གྱིས་གཏན་ལ་འབེབས་པའི་བཅའ་ཁྲིམས་ཁ་གསབ་ དང་བཟོ་བཅོས་བྱེད་པ། འོན་ཀྱངབཅའ་ཁྲིམས་དེའི་རྩ་བའི་རྩ་དོན་དང་འགལ་མི་ཆོགབཞི། བཅའ་ཁྲིམས་འགྲེལ་བཤད་བྱེད་པ།ལྔ། རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་གྲོས་ཚོགས་གྲོལ་རྗེས་ཀྱི་རིང་ལ་ རྒྱལ་དམངས་དཔལ་འབྱོར་དང་སྤྱི་ཚོགས་འཕེལ་རྒྱས་འཆར་གཞི།རྒྱལ་ཁབ་ཀྱི་སྔོན་ རྩིས་བཅས་ལག་བསྟར་བྱེད་པའི་བྱ་རིམ་ནང་ངེས་པར་ཏུ་ལེགས་སྒྲིག་བྱེད་དགོས་པའི་ ཇུས་གཞི་ལ་ཞིབ་བཤེར་བྱེད་པ་དང་ཆོག་མཆན་གནང་བ།དྲུགརྒྱལ་ སྲིད་སྤྱི་ཁྱབ་ཁང་དང་ཀྲུང་དབྱངས་དམག་དོན་ཨུ་ཡོན་ལྷན་ཁང༌།ཆེས་མཐོ་བའི་མི་ དམངས་ཁྲིམས་ཁང་དང་ཆེས་མཐོ་བའི་མི་དམངས་ཞིབ་དཔྱོད་ཁང་གི་ལས་དོན་ལ་ལྟ་སྐུལ་ བྱེད་པ།བདུན། རྒྱལ་སྲིད་སྤྱི་ཁྱབ་ཁང་གིས་གཏན་འབེབས་བྱས་པའི་རྩ་ཁྲིམས་དང་བཅའ་ཁྲིམས་དང་ རྒྱབ་འགལ་བའི་སྲིད་འཛིན་ཁྲིམས་སྲོལ་དང་ཆོད་དོན། བཀའ་རྒྱ་སོགས་ཕྱིར་འཐེན་བྱེད་པ།བརྒྱད། ཞིང་ཆེན་དང་རང་སྐྱོང་ལྗོངས།ཐད་གཏོགས་གྲོང་ཁྱེར་བཅས་རྒྱལ་ཁབ་དབང་ཆ་ལས་ཁུངས་ ཀྱིས་གཏན་འབེབས་བྱས་པའི་རྩ་ཁྲིམས་དང་བཅའ་ཁྲིམས།སྲིད་འཛིན་ཁྲིམས་སྲོལ་དང་ འགལ་བའི་ས་གནས་རང་བཞིན་གྱི་ཁྲིམས་སྲོལ་དང་གྲོས་ཆོད་ཕྱིར་འཐེན་བྱེད་པ། དགུརྒྱལ་ ཡོངས་མི་དམངས་འཐུས་མི་ཚོགས་ཆེན་གྱི་གྲོས་ཚོགས་གྲོལ་རྗེས་ཀྱི་རིང་ལ་རྒྱལ་ སྲིད་སྤྱི་ཁྱབ་ཁང་ཙུང་ལིས་མིང་ཐོ་འདོན་པ་ལྟར་པུའུ་ཀྲང་དང་ཨུ་ཡོན་ལྷན་ཁང་གི་ ཀྲུའུ་ཞི།རྩིས་བཤེར་འགོ་འཛིན། དྲུང་ཡིག་ཆེན་མོ་བཅས་ཀྱི་འོས་མི་གཏན་ཁེལ་བྱས།བཅུ། རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་གྲོས་ཚོགས་གྲོལ་རྗེས་ཀྱི་རིང་ལ་ ཀྲུང་དབྱངས་དམག་དོན་ཨུ་ཡོན་ལྷན་ཁང་ཀྲུའུ་ཞིང་གིས་མིང་ཐོ་འདོན་པ་ལྟར་ཀྲུང་ དབྱངས་དམག་དོན་ཨུ་ཡོན་ལྷན་ཁང་གི་ཁོངས་མི་གཞན་དགའི་འོས་མི་གཏན་ཁེལ་བྱས།བཅུ་ གཅིག ཆེས་མཐོ་བའི་མི་དམངས་ཁྲིམས་ཁང་གི་འགོ་འཛིན་གྱིས་རེ་ཞུ་ལྟར་ཆེས་མཐོ་　བའི་ མི་དམངས་ཁྲིམས་ཁང་གི་འགོ་འཛིན་གཞོན་པ་དང༌།འདྲི་གཅོད་པ།འདྲི་གཅོད་ཨུ་ཡོན་ ལྷན་ཁང་གི་ཨུ་ཡོན། དམག་དོན་ཁྲིམས་ཁང་གི་འགོ་འཛིན་བསྐོ་འཐེན་བྱེད་པ།བཅུ་ གཉིས།ཆེས་མཐོ་བའི་མི་དམངས་ཞིབ་དཔྱོད་ཁང་གི་འགོ་འཛིན་གྱིས་རེ་ཞུ་ལྟར་ཆེས་ མཐོ་བའི་མི་དམངས་ཞིབ་དཔྱོད་ཁང་འགོ་འཛིན་གཞོན་པ་དང༌།ཞིབ་དཔྱོད་པ།ཞིབ་དཔྱོད་ ཨུ་ཡོན་ལྷན་ཁང་གི་ཨུ་ཡོན།དམག་དོན་ཞིབ་དཔྱོད་ཁང་གི་འགོ་འཛིན་བཅས་བསྐོ་འཐེན་ བྱེད་པ་དང༌།ཞིང་ཆེན་དང་རང་སྐྱོང་ལྗོངས།ཐད་གཏོགས་གྲོང་ཁྱེར་གྱི་མི་དམངས་ཞིབ་ དཔྱོད་ཁང་གི་འགོ་འཛིན་བསྐོ་འཐེན་བྱེད་པ།བཅུ་གསུམ། དབང་ཆ་ཚང་མ་ཡོད་པའི་ཕྱིར་སྡོད་གཞུང་ཚབ་གྱི་བསྐོ་འཐེན་གཏན་ཁེལ་བྱེད་པ། བཅུ་བཞི།ཕྱིའི་རྒྱལ་ཁབ་དང་འཇོག་བའི་ཆིངས་ཡིག་དང་གལ་ཆེ་བའི་ཆོད་ཡིག་ལ་ཆོག་ མཆན་གནང་བ་དང་མེད་པར་བཟོ་བ། བཅོ་ལྔ།དམག་མི་དང་ཕྱིར་འབྲེལ་མི་སྣའི་ཐོབ་ཐང་དང་རིམ་པའི་ལམ་ལུགས་དང་ཆེད་ དམིགས་ཐོབ་ཐང་དང་རིམ་པའི་ལམ་ལུགས་གཞན་དག་གཏན་ཁེལ་བྱེད་པ།བཅུ་ དྲུགརྒྱལ་ཁབ་ཀྱི་བྱས་རྗེས་གཟེངས་རྟགས་དང་གཟི་བརྗིད་ཀྱི་མཚན་སྙན་གཏན་འབེབས་ བྱེད་པ་དང་རྒྱལ་ཁབ་ཀྱི་བྱས་རྗེས་གཟེངས་རྟགས་དང་གཟི་བརྗིད་ཀྱི་མཚན་སྙན་གནང་ བ་གཏན་ཁེལ་བྱེད་པ། བཅུ་བདུན། དམིགས་བསལ་བཙོན་གྲོལ་གཏན་ཁེལ་བྱེད་པ།བཅོ་ བརྒྱད།རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་གྲོས་ཚོགས་གྲོལ་རྗེས་ཀྱི་ རིང་ལ་གལ་སྲིད་རྒྱལ་ཁབ་ལ་དྲག་པོའི་བཙན་གནོད་བྱུང་བ་དང་ཡང་ན་ངེས་པར་ཏུ་རྒྱལ་ སྤྱིའི་བར་ཐུན་མོང་བཙན་འཛུལ་སྔོན་འགོག་བྱེད་པའི་ཆིངས་ཡིག་ལག་བསྟར་བྱེད་ དགོས་པའི་གནས་ཚུལ་བྱུང་ན་དམག་འཁྲུག་གནས་ཚུལ་ཁྱབ་བསྒྲགས་གཏན་ཁེལ་བྱེད་ ཆོགབཅུ་དགུརྒྱལ་ཡོངས་ཕྱོགས་ཡོངས་ནས་སྐུལ་སློང་བྱེད་པ་དང་ཡང་ན་ཁག་གཅིག་སྐུལ་ སློང་བྱེད་པ། ཉི་ཤུ།རྒྱལ་ཡོངས་དང་ཡང་ན་ཞིང་ཆེན་རེ་འགའ།རང་སྐྱོང་ལྗོངས།ཐད་གཏོགས་གྲོང་ ཁྱེར་གནས་ཚུལ་ཛ་དྲག་ཅན་འབྱོར་བ་གཏན་ཁེལ་བྱེད།ཉེར་གཅིགརྒྱལ་ཡོངས་མི་དམངས་ འཐུས་མི་ཚོགས་ཆེན་གྱིས་གནང་བའི་འགན་དབང་གཞན་དགདོན་ ཚན་རེ་བརྒྱད།རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་རྒྱུན་ལས་ཨུ་ཡོན་ལྷན་ ཁང་གི་ཨུ་ཡོན་ཀྲང་གིས་རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་རྒྱུན་ལས་ཨུ་ ཡོན་ལྷན་ཁང་གི་ལས་དོན་འགོ་འཛིན་པ་དང༌།རྒྱལ་ཡོངས་མི་དམངས་འཐུས་མི་ཚོགས་ཆེན་ གྱི་རྒྱུན་ལས་ཨུ་ཡོན་ལྷན་ཁང་གི་གྲོས་ཚོགས་བསྡུ་བ་དང།ཨུ་ཡོན་ཀྲང་གཞོན་པ་དང་ དྲུང་ཡིག་ཆེན་མོས་ཨུ་ཡོན་ཀྲང་གི་ལས་དོན་ལ་གཞོགས་འདེགས་བྱེད་པ། ཨུ་ཡོན་ཀྲང་དང་ཨུ་ཡོན་ཀྲང་གཞོན་པ། དྲུང་ཡིག་ཆེན་མོ་བཅས་ཀྱིས་ཨུ་ཡོན་ཀྲང་ཚོགས་འདུ་གྲུབ་པ་དང༌། རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་རྒྱུན་ལས་ཨུ་ཡོན་ལྷན་ཁང་གི་གལ་ཆེ་ བའི་དུས་རྒྱུན་གྱི་གནད་དོན་ཐག་གཅོད་བྱེད་པ།དོན་ཚན་རེ་དགུརྒྱལ་ ཡོངས་མི་དམངས་འཐུས་མི་ཚོགས་ཆེན་གྱི་རྒྱུན་ལས་ཨུ་ཡོན་ལྷན་ཁང་གིས་རྒྱལ་ཡོངས་ མི་དམངས་འཐུས་མི་ཚོགས་ཆེན་ལ་འགན་ཁུར་བ་དང་ལས་དོན་སྙན་ཞུ་འབུལ་དགོས།དོན་ཚན་ བདུན་ཅུ།རྒྱལ་ ཡོངས་མི་དམངས་འཐུས་མི་ཚོགས་ཆེན་གྱིས་མི་རིགས་ཨུ་ཡོན་ལྷན་ཁང་དང༌།བཅའ་ཁྲིམས་ ཨུ་ཡོན་ལྷན་ཁང༌།ནོར་སྲིད་དང་དཔལ་འབྱོར་ཨུ་ཡོན་ལྷན་ཁང༌།སློབ་གསོ་དང་ཚན་རིག རིག་གནས། འཕྲོད་བསྟེན་ཨུ་ཡོན་ལྷན་ཁང༌། ཕྱི་དོན་ཨུ་ཡོན་ལྷན་ཁང༌། ཕྱིར་སྡོད་རང་མིའི་ཨུ་ཡོན་ལྷན་ཁང་དང་བཙུགས་དགོས་པའི་ཆེད་དོན་ཨུ་ཡོན་ལྷན་ཁང་ སོགས་གསར་འཛུགས་བྱེད་པ་དང༌།རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་ཚོགས་ འདུ་གྲོལ་རྗེས་ཀྱི་རིང་ལ་ཆེད་དོན་ཨུ་ཡོན་ལྷན་ཁང་ཁག་གིས་རྒྱལ་ཡོངས་མི་དམངས་ འཐུས་མི་ཚོགས་ཆེན་གྱི་རྒྱུན་ལས་ཨུ་ཡོན་ལྷན་ཁང་གིས་འགོ་ཁྲིད་དང་ལེན་བྱེད་ རྒྱུ། ཆེད་ དོན་ཨུ་ཡོན་ལྷན་ཁང་ཁག་གིས་རྒྱལ་ཡོངས་མི་དམངས་འཐུས་མི་ཚོགས་ཆེན་དང་རྒྱལ་ ཡོངས་མི་དམངས་འཐུས་མི་ཚོགས་ཆེན་གྱི་རྒྱུན་ལས་ཨུ་ཡོན་ལྷན་ཁང་གིས་འགོ་ཁྲིད་ འོག་འབྲེལ་ཡོད་ཀྱི་གྲོས་ཆོད་ལ་ཞིབ་འཇུག་དང་གྲོས་གཞི། འཆར་འགོད་བཅས་བྱེད་པ།དོན་ཚན་དོ་གཅིགརྒྱལ་ ཡོངས་མི་དམངས་འཐུས་མི་ཚོགས་ཆེན་དང་རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་ རྒྱུན་ལས་ཨུ་ཡོན་ལྷན་ཁང་གིས་དགོས་གལ་ཆེ་བའི་དུས་གནད་དོན་ངེས་ཅན་ཞིག་ལ་ཞིབ་ བཤེར་བྱེད་པའི་ཨུ་ཡོན་ལྷན་ཁང་འཛུགས་ཆོག་པ་མ་ཟད་ཞིབ་བཤེར་ཨུ་ཡོན་ལྷན་ཁང་གི་ སྙན་ཞུ་གཞིར་བཟུང་ཏེ་འོས་བབ་ཀྱི་གྲོས་ཐག་ཆོད་དགོས། ཞིབ་ བཤེར་ཨུ་ཡོན་ལྷན་ཁང་གིས་བརྟག་དཔྱད་བྱེད་དུས་རྒྱལ་ཁབ་ཀྱི་གཞུང་གི་ལས་ཁུངས་ དང༌།སྤྱི་ཚོགས་ཚོགས་པ།སྤྱི་དམངས་སོགས་ཀྱིས་དེར་དགོས་ངེས་ཀྱི་རྒྱུ་ཆ་འདོན་ པའི་འོས་འགན་ཡོད།དོན་ཚན་དོ་གཉིས།རྒྱལ་ ཡོངས་མི་དམངས་འཐུས་མི་ཚོགས་ཆེན་དང་རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་ རྒྱུན་ལས་ཨུ་ཡོན་ལྷན་ཁང་གི་ཁོངས་མིས་བཅའ་ཁྲིམས་ཀྱིས་གཏན་ཁེལ་བྱས་པའི་བྱ་ རིམ་གཞིར་བཟུང་ཏེ་རྒྱལ་ཡོངས་མི་དམངས་འཐུས་མི་ཚོགས་ཆེན་དང་རྒྱལ་ཡོངས་མི་ དམངས་འཐུས་མི་ཚོགས་ཆེན་གྱི་རྒྱུན་ལས་ཨུ་ཡོན་ལྷན་ཁང་གི་འགན་དབང་གི་སྒྲུབ་ ཁོངས་ནང་གྲོས་གཞི་རེ་རེ་འདོན་པ། དོན་ཚན་དོ་གསུམ།རྒྱལ་ ཡོངས་མི་དམངས་འཐུས་མི་ཚོགས་ཆེན་གྱི་འཐུས་མིས་རྒྱལ་ཡོངས་མི་དམངས་འཐུས་མི་ ཚོགས་ཆེན་གྱི་ཚོགས་འདུ་འཚོག་པའི་རིང༌།རྒྱལ་ཡོངས་མི་དམངས་འཐུས་མི་ཚོགས་ཆེན་ གྱི་རྒྱུན་ལས་ཨུ་ཡོན་ལྷན་ཁང་གི་ཁོངས་མིས་རྒྱུན་ལས་ཚོགས་འདུ་འཚོག་བའི་རིང་ལ་ བཅའ་ཁྲིམས་ཀྱིས་གཏན་ཁེལ་བྱས་པའི་བྱ་རིམ་གཞིར་བཟུང་ཏེ་རྒྱལ་སྲིད་སྤྱི་ཁྱབ་ ཁང་དང༌།ཡང་ན་རྒྱལ་སྲིད་སྤྱི་ཁྱབ་ཁང་གི་པུའུ་སོ་སོ།ཨུ་ཡོན་ལྷན་ཁང་ཁག་བཅས་ལ་ འདྲི་རྩད་གྱོད་གཞི་འདོན་པའི་དབང་ཆ་ཡོད།འབྲེལ་ཡོད་ལས་ཁུངས་ཀྱི་ངེས་པར་ཏུ་ལན་ འདེབས་བའི་འགན་ཁུར་དགོས།དོན་ཚན་དོ་བཞིརྒྱལ་ ཡོངས་མི་དམངས་འཐུས་མི་ཚོགས་ཆེན་གྱི་ཚོགས་འདུའི་ཀྲུའུ་ཞིང་ཚོགས་པས་ཆོག་མཆན་ མེད་པ་དང༌།རྒྱལ་ཡོངས་མི་དམངས་འཐུས་མི་ཚོགས་ཆེན་གྲོས་ཚོགས་གྲོལ་རྗེས་ཀྱི་ རིང་ལ་རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་རྒྱུན་ལས་ཨུ་ཡོན་ལྷན་ཁང་གི་ ཆོག་མཆན་མེད་ན་རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་འཐུས་མིར་འཛིན་བཟུང་ དང་ཡང་ན་འདྲི་གཅོད་མི་འཁེལ། དོན་ཚན་དོ་ལྔ།རྒྱལ་ ཡོངས་མི་དམངས་འཐུས་མི་ཚོགས་ཆེན་གྱི་འཐུས་མིས་རྒྱལ་ཡོངས་མི་དམངས་འཐུས་མི་ ཚོགས་ཆེན་གྱི་ཚོགས་འདུ་སྣ་མའི་ཐོག་གཏམ་བཤད་དང་བརྡས་ཐག་གཅོད་པར་བཅའ་ཁྲིམས་ ཀྱིས་རྩད་གཅོད་མི་འཁེལ།དོན་ཚན་དོ་དྲུགརྒྱལ་ ཡོངས་མི་དམངས་འཐུས་མི་ཚོགས་ཆེན་གྱི་འཐུས་མིས་ངེས་པར་ཏུ་རྩ་ཁྲིམས་དང་བཅའ་ ཁྲིམས་རྩིས་སྲུང་བྱེད་པའི་མིག་དཔེ་ཡིན་པ་དང༌། རྒྱལ་ཁབ་ཀྱི་གསང་བ་དམ་སྲུང་བྱེད་དགོས་པ་མ་ཟད་རང་ཉིད་ཞུགས་པའི་ཐོན་སྐྱེད་ དང༌། ལས་དོན།སྤྱི་ཚོགས་ཀྱི་བྱ་འགུལ་ཁྲོད་རྩ་ཁྲིམས་དང་བཅའ་ཁྲིམས་ལག་བསྟར་བྱེད་པར་ གཞོགས་འདེགས་བྱེད་དགོས།རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་འཐུས་མིས་ ཐོག་མའི་　　　　འདེམས་ མཁན་ལས་ཁུངས་དང༌།མི་དམངས་མང་ཚོགས་བར་འབྲེལ་བ་དམ་པོ་བྱེད་དགོས་པ་དང་མི་དམངས་ ཀྱིས་བསམ་འཆར་ཉན་པ་དང་དང་རེ་བ་མཚོན་དགོས།མི་དམངས་ལ་ཞབས་འདེགས་འབད་བརྩོན་ ལྷུར་ལེན་བྱེད་དགོས།དོན་ཚན་དོ་བདུན།རྒྱལ་ ཡོངས་མི་དམངས་འཐུས་མི་ཚོགས་ཆེན་གྱི་འཐུས་མིས་ཐོག་མའི་འདེམས་མཁན་ལས་ཁུངས་ ཀྱིས་ལྟ་སྐུལ་དང་ལེན་བྱེད་དགོས་པ་དང༌།ཐོག་མའི་འདེམས་མཁན་ལས་ཁུངས་ཀྱིས་བཅའ་ ཁྲིམས་ཀྱིས་གཏན་ཁེལ་བའི་བྱ་རིམ་ལྟར་སྡེ་ཚན་རང་གིས་བདམ་པའི་འཐུས་མིའི་གོ་ གནས་འབེབས་པའི་དབང་ཆ་ཡོད།དོན་ཚན་དོ་བརྒྱད།རྒྱལ་ ཡོངས་མི་དམངས་འཐུས་མི་ཚོགས་ཆེན་དང་རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་ རྒྱུན་ལས་ཨུ་ཡོན་ལྷན་ཁང་གི་རྩ་འཛུགས་དང་ལས་དོན་བྱ་རིམ་ནི་བཅའ་ཁྲིམས་ཀྱིས་ གཏན་ཁེལ་བྱེད་རྒྱུ། ས་བཅད་གཉིས་པ། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཀྲུའུ་ཞིང༌།དོན་ཚན་དོ་དགུ ཀྲུང་ ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཀྲུའུ་ཞི་དང་ཀྲུའུ་ཞི་གཞོན་པ་ནི་རྒྱལ་ ཡོངས་མི་དམངས་འཐུས་མི་ཚོགས་ཆེན་གྱིས་འདེམས་བསྐོ་བྱས།གདམ་བྱ་དང་འདེམས་བྱེད་ ཀྱི་དབང་ཆ་ཡོད་པའི་ལོ་ང་བཞིར་སོན་པའི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ ཀྱི་སྤྱི་དམངས་ནི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཀྲུའུ་ཞིང་དང་ ཀྲུའུ་ཞིང་གཞོན་པར་བདམས་ཆོགཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཀྲུའུ་ ཞིང་དང་ཀྲུའུ་ཞིང་གཞོན་པས་སྐབས་རེའི་འགན་འཛིན་ཡུན་ཚད་ནི་རྒྱལ་ཡོངས་མི་དམངས་ འཐུས་མི་ཚོགས་ཆེན་གྱི་སྐབས་རེའི་འགན་འཛིན་ཡུན་ཚད་དང་མཚུངས། ལས་འགན་བསྟུད་འཛིན་སྐབས་གཉིས་ལས་བརྒལ་མི་ཆོགདོན་ཚན་གྱ་བཅུ།ཀྲུང་ ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཀྲུའུ་ཞིང་གིས་རྒྱལ་ཡོངས་མི་དམངས་འཐུས་ མི་ཚོགས་ཆེན་གྱིས་ཆོད་དོན་དང་རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་ རྒྱུན་ལས་ཨུ་ཡོན་ལྷན་ཁང་གི་ཆོད་དོན་ལ་གཞིགས་ནས་བཅའ་ཁྲིམས་ཁྱབ་བསྒྲགས་བྱེད་ པ་དང༌།རྒྱལ་སྲིད་སྤྱི་ཁྱབ་ཁང་གི་ཙུང་ལི་དང་ཙུང་ལི་གཞོན་པ།རྒྱལ་སྲིད་ཨུ་ཡོན། པུའུ་སོ་སོའི་པུའུ་ཀྲང༌།ཨུ་ཡོན་ལྷན་ཁང་སོ་སོའི་ཀྲུའུ་རིན།བཤེར་རྩིས་འགོ་ འཛིན།དྲུང་ཡིག་ཆེན་མོ་སོགས་བསྐོ་འཐེན་བྱེད་པ་དང༌།རྒྱལ་ཁབ་ཀྱི་བྱས་རྗེས་ གཟེངས་རྟགས་དང་གཟི་བརྗིད་ཀྱི་མཚན་སྙན་གནང་བ་དང༌། དམིགས་བསལ་བཙོན་གྲོལ་བའི་བཀའ་ཁྱབ་བསྒྲགས་བྱེད་པ་དང༌། གནས་ཚུལ་ཛ་དྲག་ཅན་དང་དམག་འཁྲུག་གི་གནས་ཚུལ་ཡོངས་བསྒྲགས་བྱེད་པ་དང་སྐུལ་ སློང་བྱེད་པའི་བཀའ་ཁྱབ་བསྒྲགས་བྱེད་པ།དོན་ཚན་གྱ་གཅིགཀྲུང་ ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཀྲུའུ་ཞིང་གིས་ཀྲུང་ཧྭ་མི་དམངས་སྤྱི་ མཐུན་རྒྱལ་ཁབ་ཚབ་བྱེད་དེ་རྒྱལ་དོན་བྱ་འགུལ་སྤེལ་བ་དང༌།ཕྱིའི་རྒྱལ་ཁབ་ཀྱི་ གཞུང་ཚབ་མཇལ་འཕྲད་གནང་བ།རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་རྒྱུན་ལས་ ཨུ་ཡོན་ལྷན་ཁང་གིས་ཆོད་དོན་གཞིར་བཟུང་ཏེ་ཕྱིར་སྡོད་པའི་དབང་ཆ་ཚང་མ་ཡོད་པའི་ གཞུང་ཚབ་མངག་གཏོང་དང་ནང་འགུག་བྱེད་པ་དང༌།ཕྱིའི་རྒྱལ་ཁབ་དང་འཇོག་པའི་ཆིངས་ ཡིག་དང་གལ་ཆེ་བའི་ཆོད་དོན་ལ་ཆོག་མཆན་གནང་བ་དང་མེད་པ་བཟོ་བ།དོན་ཚན་བརྒྱ་ གཉིས།ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཀྲུའུ་ཞིང་གཞོན་པས་ཀྲུའུ་ཞིང་ གི་ལས་དོན་ལ་རོགས་རམ་བྱེད་དགོས། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཀྲུའུ་ཞིང་གཞོན་པས་ཀྲུའུ་ཞིང་གིས་ མངག་བཅོལ་ལྟར་ཀྲུའུ་ཞིང་གི་འགན་དབང་ཆ་ཤས་ལས་ཚབ་འཛིན་བྱེད་ཆོགདོན་ཚན་གྱ་ གསུམ།ཀྲུང་ ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཀྲུའུ་ཞིང་དང་ཀྲུའུ་ཞིང་གཞོན་པས་རིམ་པ་ རྗེས་མའི་མི་དམངས་འཐུས་མི་ཚོགས་ཆེན་གྱི་འདེམས་བསྐོ་བྱེད་པའི་ཀྲུའུ་ཞིང་དང་ ཀྲུའུ་ཞིང་གཞོན་པས་འགན་བཞེས་བའི་བར་འགན་དབང་སྤྱོད་རྒྱུ། དོན་ཚན་གྱ་བཞི།ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཀྲུའུ་ཞིང་གི་ལས་གནས་ སྟོང་པ་ལུས་པའི་སྐབས་སུ་ཀྲུའུ་ཞིང་གཞོན་པས་ལས་འགན་མུ་འཛིན་བྱེད་དགོས། ཀྲུང་ ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཀྲུའུ་ཞིང་གཞོན་པའི་ལས་གནས་སྟོང་པ་ ལུས་ པའི་སྐབས་སུ་རྒྱལ་ཡོངས་མི་དམངས་འཐུས་མི་ཚོགས་ཆེན་གྱིས་གསབ་གདམ་བྱེད་དགོས། ཀྲུང་ ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཀྲུའུ་ཞིང་དང་ཀྲུའུ་ཞིང་གཞོན་པའི་ལས་གནས་ སྟོང་པ་ལུས་པའི་སྐབས་སུ་ལ་རྒྱལ་ཡོངས་མི་དམངས་འཐུས་མི་ཚོགས་ཆེན་གྱིས་གསབ་ གདམ་བྱེད་དགོས།གསབ་གདམ་མ་བྱེད་གོང་རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་ ཨུ་ཡོན་ཀྲང་གིས་ཀྲུའུ་ཞིང་གི་ལས་འགན་གནས་སྐབས་འཛིན་དགོས། ས་བཅད་གསུམ་པ། རྒྱལ་སྲིད་སྤྱི་ཁྱབ་ཁང༌།དོན་ཚན་གྱ་ལྔ།ཀྲུང་ ཧྭ་མི་དམངས་སྤྱི་མཐུན་རྒྱལ་ཁབ་རྒྱལ་སྲིད་སྤྱི་ཁྱབ་ཁང་ཏེ་ཀྲུང་དབྱངས་མི་ དམངས་སྲིད་གཞུང་ནི་ཆེས་མཐོ་བའི་རྒྱལ་ཁབ་ཀྱི་དབང་ཆ་ལས་ཁུངས་ཡིན་པ་དང༌།རྒྱལ་ ཁབ་ཀྱི་ཆེས་མཐོ་བའི་སྲིད་འཛིན་ལས་ཁུངས་ཡིན།དོན་ཚན་གྱ་དྲུག རྒྱལ་སྲིད་སྤྱི་ཁྱབ་ཁང་ནི་གཤམ་གྱི་མི་སྣ་ལས་གྲུབ། ཙུང་ལི།ཙུང་ལི་གཞོན་པ་འགའ་རེ།རྒྱལ་སྲིད་ཨུ་ཡོན་འགའ་རེ།པུའུ་སོ་སོའི་པུའུ་ ཀྲང༌།ཨུ་ཡོན་ལྷན་ཁང་ཁག་གི་ཀྲུའུ་རིན། རྩིས་བཤེར་འགོ་འཛིན། དྲུང་ཡིག་ཆེན་མོ།རྒྱལ་ སྲིད་སྤྱི་ཁྱབ་ཁང་གི་ཙུང་ལི་གིས་འགན་ཁུར་བའི་ལམ་ལུགས་ལག་བསྟར་བྱེད་པ་དང༌། པུའུ་སོ་སོ་དང༌།ཨུ་ཡོན་ལྷན་ཁང་སོ་སོས་པུའུ་ཀྲང་དང་ཀྲུའུ་རིན་གྱིས་འགན་ཁུར་ བའི་ལམ་ལུགས་ལག་བསྟར་བྱེད་པ།རྒྱལ་སྲིད་སྤྱི་ཁྱབ་ཁང་གི་རྩ་འཛུགས་ནི་བཅའ་ ཁྲིམས་ཀྱིས་གཏན་ཁེལ་བྱེད་རྒྱུ།དོན་ཚན་གྱ་བདུན།རྒྱལ་ སྲིད་སྤྱི་ཁྱབ་ཁང་གི་སྐབས་རེའི་འགན་འཛིན་ཡུན་ཚད་ནི་རྒྱལ་ཡོངས་མི་དམངས་འཐུས་ མི་ཚོགས་ཆེན་གྱི་སྐབས་རེའི་འགན་འཛིན་ཡུན་ཚད་དང་མཚུངས།ཙུང་ལི་དང༌།ཙུང་ལི་ གཞོན་པ།རྒྱལ་སྲིད་ཨུ་ཡོན་གྱིས་ལས་འགན་བསྟུད་འཛིན་སྐབས་གཉིས་ལས་བརྒལ་མི་ ཆོགདོན་ཚན་གྱ་བརྒྱད། ཙུང་ལིས་རྒྱལ་སྲིད་སྤྱི་ཁྱབ་ཁང་གི་ལས་དོན་འགོ་འཛིན་བྱེད་པ་དང༌། ཙུང་ལི་གཞོན་པ་དང་རྒྱལ་སྲིད་ཨུ་ཡོན་གྱིས་ཙུང་ལིའི་ལས་དོན་ལ་རོགས་རམ་བྱེད་ དགོས། ཙུང་ ལི་དང་ཙུང་ལི་གཞོན་པ།རྒྱལ་སྲིད་ཨུ་ཡོན།དྲུང་ཡིག་ཆེན་མོ་བཅས་ཀྱིས་རྒྱལ་སྲིད་ རྒྱུན་ལས་གྲོས་ཚོགས་གྲུབ་པ།ཙུང་ལི་ཡིས་རྒྱལ་སྲིད་རྒྱུན་ལས་གྲོས་ཚོགས་དང་ རྒྱལ་སྲིད་སྤྱི་ཁྱབ་ཁང་གི་ཚང་འཛོམས་གྲོས་ཚོགས་སྡུད་པ་དང་འགོ་འཛིན་བྱེད་པ། དོན་ཚན་གྱ་དགུ། རྒྱལ་སྲིད་སྤྱི་ཁྱབ་ཁང་གིས་གཤམ་གྱི་འགན་དབང་སྤྱོད་པ།གཅིགརྩ་ཁྲིམས་དང་བཅའ་ ཁྲིམས་གཞིར་བཟུང་ནས་སྲིད་འཛིན་བྱེད་ཐབས་དང་སྲིད་འཛིན་ཁྲིམས་སྲོལ་གཏན་འབེབས་ བྱེད་པ་དང༌། ཆོད་དོན་དང་བཀག་རྒྱ་ཁྲོམ་བསྒྲགས་བྱེད་པ།གཉིས།རྒྱལ་ཡོངས་མི་དམངས་འཐུས་མི་ ཚོགས་ཆེན་དང་ཡང་ན་རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་རྒྱུན་ལས་ཨུ་ཡོན་ ལྷན་ཁང་ལ་གྲོས་གཞི་འདོན་པ།གསུམ། པུའུ་སོ་སོ་དང་ཨུ་ཡོན་ལྷན་ཁང་ཁག་གི་ལས་འགན་དང་འགན་དབང་གཏན་ཁེལ་བྱེད་པ་དང་ པུའུ་སོ་སོ་དང་ཨུ་ཡོན་ལྷན་ཁང་ཁག་གི་ལས་དོན་ལ་གཅིག་གྱུར་སྒོར་འགོ་ཁྲིད་བྱེད་ པ་མ་ཟད་པུའུ་སོ་སོ་དང་ཨུ་ཡོན་ལྷན་ཁང་ལ་མི་གཏོགས་པའི་རྒྱལ་ཡོངས་རང་བཞིན་ཅན་ གྱི་ལས་དོན་ལ་འགོ་ཁྲིད་བྱེད་པ།བཞི། གཅིག་གྱུར་སྒོ་རྒྱལ་ཡོངས་ཀྱི་ས་གནས་རིམ་པ་ཁག་གི་རྒྱལ་ཁབ་སྲིད་འཛིན་ལས་ཁུངས་ ཀྱི་ལས་དོན་ལ་འགོ་ཁྲིད་བྱེད་པ་དང༌།ཀྲུང་དབྱངས་དང་ཞིང་ཆེན།རང་སྐྱོང་ལྗོངས། ཐད་གཏོགས་གྲོང་ཁྱེར་བཅས་ཀྱི་རྒྱལ་ཁབ་སྲིད་འཛིན་ལས་ཁུངས་གི་འགན་དབང་ཞིབ་ཕྲ་ དབྱེ་འབྱེད་བྱེད་པ།ལྔ།རྒྱལ་དམངས་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་འཆར་ གཞི་དང་རྒྱལ་ཁབ་ཀྱི་སྔོན་རྩིས་བཟོ་འགོད་དང་ལག་བསྟར་བྱེད་པ།དྲུག དཔལ་འབྱོར་ལས་དོན་དང་གྲོང་ཁྱེར་དང་གྲོང་གསེབ་འཛུགས་སྐྲུན་　　འགོ་ཁྲིད་དང་དོ་ དམ་བྱེད་པ།བདུན།སློབ་གསོ་དང་ཚན་རིགརིག་གནས།འཕྲོད་བསྟེན།ལུས་རྩལ།འཆར་ལྡན་ ཕྲུག་སྐྱེས་བཅས་ཀྱི་ལས་དོན་ལ་འགོ་ཁྲིད་དང་དོ་དམ་བྱེད་པ།བརྒྱད།དམངས་སྲིད་ དང༌།སྤྱི་བདེ།སྲིད་ཁྲིམས་སྲིད་འཛིན་ལས་དོན།ཞིབ་བཤེར་ལས་དོན་བཅས་ལ་འགོ་ཁྲིད་ དང་དོ་དམ་བྱེད་པ།དགུ།ཕྱི་ཕྱོགས་ལས་དོན་ལ་དོ་དམ་བྱེད་པ་དང་ཕྱིའི་རྒྱལ་ཁབ་དང་ ཆིངས་ཡིག་དང་ཆོད་ཡིག་འཇོག་པ།བཅུ། རྒྱལ་སྲུང་འཛུགས་སྐྲུན་བྱ་བཞག་ལ་འགོ་ཁྲིད་དང་དོ་དམ་བྱེད་པ། བཅུ་ གཅིགམི་རིགས་ལས་དོན་ལ་འགོ་ཁྲིད་དང་དོ་དམ་བྱེད་པ་དང༌།གྲངས་ཉུང་མི་རིགས་ཀྱི་ འདྲ་མཉམ་རང་དབང་དང༌།མི་རིགས་རང་སྐྱོང་ས་གནས་ཀྱི་རང་སྐྱོང་དབང་ཆར་འགན་སྲུང་ བྱེད་དགོས།བཅུ་ གཉིས།ཕྱིར་སྡོད་རང་མི་ཀྱི་ཚུལ་མཐུན་ཁེ་དབང་སྲུང་སྐྱོང་བྱེད་པ་དང་ནང་ལོགས་ ཕྱིར་སྡོད་རང་མི་དང་ཕྱིར་སྡོད་རང་མིའི་ཁྱིམ་མིའི་ཁྲིམས་མཐུན་ཁེ་དབང་དང་ཁེ་ ཕན་འགན་སྲུང་བྱེད་དགོས། བཅུ་གསུམ།པུའུ་སོ་སོ་དང་ཨུ་ཡོན་ལྷན་ཁང་ཁག་གིས་ཁྱབ་བསྒྲགས་བྱས་པའི་མི་འཚམས་ པའི་བཀའ་རྒྱ་དང༌། སྒྲིག་སྲོལ། མཛུབ་སྟོན་བཅས་བསྒྱུར་བཅོས་　དང་ཕྱིར་འཐེན་བྱེད་པ།བཅུ་བཞི།ས་གནས་རིམ་པ་ཁག་ གི་རྒྱལ་ཁབ་སྲིད་འཛིན་ལས་ཁུངས་གིས་མི་འཚམས་པའི་ཆོད་དོན་དང་བཀག་རྒྱ་བསྒྱུར་ བཅོས་དང་ཕྱིར་འཐེན་བྱེད་པ། བཅོ་ ལྔ།ཞིང་ཆེན་དང་རང་སྐྱོང་ལྗོངས།ཐད་གཏོགས་གྲོང་ཁྱེར་བཅས་ས་ཁུལ་དབྱེ་འབྱེད་ བྱེད་སྟངས་ལ་ཆོག་མཆན་གནང་བ་དང་རང་སྐྱོང་ཁུལ་དང༌།རྫོང༌།རང་སྐྱོང་རྫོང༌།གྲོང་ ཁྱེར་བཅས་ཀྱི་སྒྲིག་བཀོད་དང་ས་ཁུལ་དབྱེ་འབྱེད་ལ་ཆོག་མཆན་གནང་བ། བཅུ་ དྲུགབཅའ་ཁྲིམས་ཀྱིས་གཏན་ཁེལ་ལྟར་ཞིང་ཆེན་དང་རང་སྐྱོང་ལྗོངས།ཐད་གཏོགས་གྲོང་ ཁྱེར་བཅས་ཀྱི་ཁྱབ་ཁོངས་ནང་གི་ས་ཁུལ་འགའ་གནས་ཚུལ་ཛ་དྲག་ཅན་ཡིན་པ་གཏན་ཁེལ་ བྱེད་པ།བཅུ་བདུན། སྲིད་འཛིན་ལས་ཁུངས་ཀྱི་སྒྲིག་གཞི་ལ་ཞིབ་བཤེར་གཏན་འབེབས་ བྱེད་པ་དང༌། བཅའ་ཁྲིམས་ཀྱིས་གཏན་ཁེལ་ལྟར་སྲིད་འཛིན་མི་སྣ་བསྐོ་འཐེན་དང་གསོ་སྐྱོང་སྦྱོང་ བརྡར། གཟིགས་བཟོས་ཉེས་འགེལ་སོགས་བྱེད་པ།བཅོ་ བརྒྱད།རྒྱལ་ཡོངས་མི་དམངས་འཐུས་མི་ཚོགས་ཆེན་དང་རྒྱལ་ཡོངས་མི་དམངས་འཐུས་མི་ ཚོགས་ཆེན་གྱི་རྒྱུན་ལས་ཨུ་ཡོན་ལྷན་ཁང་གིས་གནང་བའི་འགན་དབང་གཞན་དགདོན་ཚན་ དགུ་བཅུ།རྒྱལ་ སྲིད་སྤྱི་ཁྱབ་ཁང་གི་པུའུ་སོ་སོའི་པུའུ་ཀྲང་དང༌།ཨུ་ཡོན་ལྷན་ཁང་ཁག་གི་ཀྲུའུ་ རིན་གྱིས་རང་ཉིད་སྡེ་ཚན་གྱི་ལས་འགན་འཁུར་བ་དང༌།པུའི་ལས་དོན་ཚོགས་འདུ་དང་ཨུ་ ཡོན་ལྷན་ཁང་གི་ཚོགས་འདུ་སྡུད་བ་དང་འགོ་ཁྲིད་བྱེད་ནས་སྡེ་ཁག་རང་གི་གནད་དོན་ ལ་གྲོས་མོལ་བྱེད་དེ་གཏན་འབེབས་བྱེད་པ།པུའུ་སོ་སོ་དང༌།ཨུ་ཡོན་ལྷན་ཁང་ཁག་གིས་ བཅའ་ཁྲིམས་དང་རྒྱལ་སྲིད་སྤྱི་ཁྱབ་ཁང་གི་སྲིད་འཛིན་ཁྲིམས་སྲོལ་དང༌།ཆོད་དོན། བཀག་རྒྱསོགས་གཞིར་བཟུང་ནས་སྡེ་ཁག་རང་གི་དབང་ཚད་ནང་བཀའ་རྒྱ་དང་མཛུབ་སྟོན། སྒྲིག་སྲོལ་སོགས་སྤྱི་བསྒྲགས་བྱེད་པ། དོན་ཚན་གོ་གཅིགརྒྱལ་ སྲིད་སྤྱི་ཁྱབ་ཁང་གིས་རྩིས་བཤེར་ལས་ཁུངས་འཛུགས་པ་དང༌།རྒྱལ་སྲིད་སྤྱི་ཁྱབ་ ཁང་གི་སྡེ་ཁག་་སོ་སོ་དང་ས་གནས་རིམ་པ་ཁག་གི་སྲིད་གཞུང་གི་ནོར་སྲིད་ཡོང་འབབ། རྒྱལ་ཁབ་གྱི་ནོར་སྲིད་དངུལ་ལོ་ལས་ཁུངས་དང་ཁེ་ལས་ལས་དོན་རྩ་འཛུགས་གྱི་ནོར་ སྲིད་ཡོང་འབབ་བཅས་ལ་རྩིས་བཤེར་དང་ལྟ་སྐུལ་བྱེད་པ།རྩིས་བཤེར་ལས་ཁུངས་ཀྱིས་ རྒྱལ་སྲིད་སྤྱི་ཁྱབ་ཁང་གིས་འགོ་ཁྲིད་འོག་བཅའ་ཁྲིམས་ཀྱིས་གཏན་ཁེལ་ལྟར་རང་ ཚུགས་སྒོ་རྩིས་བཤེར་ལྟ་སྐུལ་དབང་ཆ་ལག་བསྟར་བྱེད་པར་སྲིད་འཛིན་ལས་ཁུངས་གཞན་ དག་དང་སྤྱི་ཚོགས་ཚོགས་པ། མི་སྒེར་སོགས་ཀྱིས་ཐེ་གཏོགས་མི་འཁེལ། དོན་ཚན་གོ་གཉིས།རྒྱལ་སྲིད་སྤྱི་ཁྱབ་ཁང་གིས་རྒྱལ་ཡོངས་མི་དམངས་འཐུས་མི་ཚོགས་ ཆེན་ལ་འགན་ཁུར་དགོས་པ་མ་ཟད་ལས་དོན་གྱི་སྙན་ཞུ་འབུལ་དགོས། རྒྱལ་ ཡོངས་མི་དམངས་འཐུས་མི་ཚོགས་ཆེན་གྱི་ཚོགས་འདུ་གྲོལ་བའི་རིང་ལ་རྒྱལ་ཡོངས་མི་ དམངས་འཐུས་མི་ཚོགས་ཆེན་གྱི་རྒྱུན་ལས་ཨུ་ཡོན་ལྷན་ཁང་ལ་འགན་ཁུར་དགོས་པ་དང་ལས་ དོན་གྱི་སྙན་ཞུ་བྱེད་དགོས། ས་བཅད་བཞི་པ། ཀྲུང་དབྱངས་དམག་དོན་ཨུ་ཡོན་ལྷན་ཁང༌།དོན་ཚན་གོ་གསུམ།ཀྲུང་ཧྭ་མི་དམངས་སྤྱི་ མཐུན་རྒྱལ་ཁབ་གྱི་དམག་དོན་ཨུ་ཡོན་ལྷན་ཁང་གིས་རྒྱལ་ཡོངས་ཀྱི་དྲག་ཆས་སྟོབས་ ཤུགས་འགོ་ཁྲིད་བྱས་པ།ཀྲུང་དབྱངས་དམག་དོན་ཨུ་ཡོན་ལྷན་ཁང་ནི་གཤམ་གྱི་མི་སྣ་ ལས་གྲུབ།ཀྲུའུ་ཞིང༌།ཀྲུའུ་ཞིང་གཞོན་པ་འགའ་རེ།ཨུ་ཡོན་འགལ་ཞིག། ཀྲུང་ དབྱངས་དམག་དོན་ཨུ་ཡོན་ལྷན་ཁང་གི་ཀུའུ་ཞིང་གིས་འགན་ཁུར་བའི་ལམ་ལུགས་ལག་བསྟར་ བྱེད་པ།ཀྲུང་དབྱངས་དམག་དོན་ཨུ་ཡོན་ལྷན་ཁང་གི་སྐབས་རེའི་འགན་འཛིན་ཡུན་ཚད་ནི་ རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་སྐབས་རེའི་འགན་འཛིན་ཡུན་ཚད་དང་ མཚུངས་པ།དོན་ཚན་གོ་བཞི།ཀྲུང་ དབྱངས་དམག་དོན་ཨུ་ཡོན་ཁང་གི་ཀྲུའུ་ཞིང་གིས་རྒྱལ་ཡོངས་མི་དམངས་འཐུས་མི་ཚོགས་ ཆེན་དང་རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་རྒྱུན་ལས་ཨུ་ཡོན་ལྷན་ཚོགས་ ལ་འགན་ཁུར་དགོས།ས་བཅད་ལྔ་པ། ས་གནས་རིམ་པ་ཁག་གི་མི་དམངས་འཐུས་མི་ཚོགས་ཆེན་དང་ས་　གནས་རིམ་པ་ཁག་གི་མི་ དམངས་སྲིད་གཞུང༌།དོན་ ཚན་གོ་ལྔ།ཞིང་ཆེན་དང་ཐད་གཏོགས་གྲོང་ཁྱེར།རྫོང༌།གྲོང་ཁྱེར།གྲོང་ཁྱེར་གྱི་ཐད་ སྐྱོང་ཆུས།ཤང་དང་མི་རིགས་ཤང༌།གྲོང་རྡལ་སོགས་སུ་མི་དམངས་འཐུས་མི་ཚོགས་ཆེན་ དང་མི་དམངས་སྲིད་གཞུང་བཙུགས་རྒྱུ།ས་གནས་རིམ་པ་སོ་སོའི་མི་དམངས་འཐུས་མི་ ཚོགས་ཆེན་དང་ས་གནས་རིམ་པ་སོ་སོའི་མི་དམངས་སྲིད་གཞུང་གི་རྩ་འཛུགས་ནི་བཅའ་ ཁྲིམས་ཀྱིས་གཏན་ཁེལ་བྱས་པ།རང་སྐྱོང་ལྗོངས་དང་རང་སྐྱོང་ཁུལ།རང་སྐྱོང་རྫོང་ སོགས་སུ་རང་སྐྱོང་ལས་ཁུངས་བཙུགས་པ་དང༌།རང་སྐྱོང་ལས་ཁུངས་ཀྱི་རྩ་འཛུགས་དང་ ལས་དོན་ནི་རྩ་ཁྲིམས་ཀྱི་ལེའུ་གསུམ་པའི་ས་བཅད་ལྔ་པ་དང་ས་བཅད་དྲུག་པས་གཏན་ ཁེལ་བྱས་པའི་རྩ་བའི་རྩ་དོན་ལ་གཞིར་བཟུང་ནས་བཅའ་ཁྲིམས་ཀྱིས་གཏན་ཁེལ་བྱེད་ རྒྱུ། དོན་ཚན་གོ་དྲུགས་ གནས་རིམ་པ་ཁག་གི་མི་དམངས་འཐུས་མི་ཚོགས་ཆེན་ནི་ས་གནས་ཀྱི་རྒྱལ་ཁབ་ཀྱི་དབང་ཆ་ སྤྱོད་པའི་ལས་ཁུངས་ཡིན།རྫོང་ཡན་གྱི་ས་གནས་ཁག་གི་མི་དམངས་འཐུས་མི་ཚོགས་ཆེན་ གྱིས་རྒྱུན་གནས་ཨུ་ཡོན་ལྷན་ཚོགས་འཛུགས་རྒྱུ།དོན་ཚན་གོ་བདུན།ཞིང་ ཆེན་དང་ཐད་རྟོགས་གྲོང་ཁྱེར།ཆུས་བཙུགས་པའི་གྲོང་ཁྱེར་གྱི་མི་དམངས་འཐུས་མི་ ཚོགས་ཆེན་གྱི་འཐུས་མི་ནི་རིམ་པ་འོག་མའི་མི་དམངས་འཐུས་མི་ཚོགས་ཆེན་གྱིས་ འདེམས་བསྐོ་བྱེད་པ། རྫོང་དང་ཆུས་འཛུགས་མེད་པ་གྲོང་ཁྱེར། གྲོང་ཁྱེར་གྱི་ཐད་སྐྱོང་ཆུས༌། ཞང་དང་མི་རིགས་ཤང༌།གྲོང་རྡལ་བཅས་ཀྱི་མི་དམངས་འཐུས་མི་ཚོགས་ཆེན་གྱི་འཐུས་མི་ ནི་བདམ་མིས་ཐད་ཀ་འདེམས་བསྐོ་བྱས༌།ས་གནས་རིམ་པ་ཁག་གི་མི་དམངས་འཐུས་མི་ཚོགས་ ཆེན་གྱི་འཐུས་མིའི་མི་གྲངས་དང་འཐུས་མི་བྱུང་ཐབས་ནི་བཅའ་ཁྲིམས་ཀྱིས་གཏན་ཁེལ་ བྱས། དོན་ཚན་གོ་བརྒྱད།ས་གནས་རིམ་པ་ཁག་གི་མི་དམངས་འཐུས་མི་ཚོགས་ཆེན་གྱི་སྐབས་ རེའི་འགན་འཛིན་ཡུན་ཚད་ནི་ལོ་ལྔ་ཡིན།དོན་ཚན་གོ་དགུས་ གནས་རིམ་པ་ཁག་གི་མི་དམངས་འཐུས་མི་ཚོགས་ཆེན་གྱིས་རང་ཉིད་སྲིད་འཛིན་ས་ཁུལ་ནང་ རྩ་ཁྲིམས་དང་བཅའ་ཁྲིམས།སྲིད་འཛིན་ཁྲིམས་སྲོལ་ལ་བརྩི་སྲུང་བྱེད་པ་དང་ལག་ བསྟར་བྱེད་པར་ཁག་ཐེག་བྱེད་དགོས་པ་དང༌།བཅའ་ཁྲིམས་ཀྱིས་གཏན་ཁེལ་བྱས་པའི་དབང་ ཚད་ནང་ཆོད་གཞི་གྲོས་འཆམས་དང་སྤྱི་བསྒྲགས་བྱེད་པར་བརྟེན་ནས་ས་གནས་ཀྱི་དཔལ་ འབྱོར་འཛུགས་སྐྲུན་དང་རིག་གནས་འཛུགས་སྐྲུན།སྤྱིའི་ལས་དོན་གྱི་འཛུགས་སྐྲུན་ གྱི་འཆར་གཞིར་ཞིབ་བཤེར་དང་གཏན་ཁེལ་བྱེད་རྒྱུ།རྫོང་ཡན་གྱི་ས་གནས་རིམ་པ་ཁག་ གི་མི་དམངས་འཐུས་མི་ཚོགས་ཆེན་གྱིས་རང་ཉིད་ཀྱི་སྲིད་འཛིན་ས་ཁུལ་ནང་གི་རྒྱལ་ དམངས་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་འཆར་གཞིར།སྔོན་རྩིས་དང་དེ་ཚོའི་ ལག་བསྟར་བྱེད་ཚུལ་སོགས་ཀྱི་སྙན་ཞུར་ཞིབ་བཤེར་བྱེད་པ་དང་ཆོག་མཆན་གནང་བ།རིམ་ པ་གཅིག་པའི་མི་དམངས་འཐུས་མི་ཚོགས་ཆེན་གྱི་རྒྱུན་ལས་ཨུ་ཡོན་ལྷན་ཚོགས་ཀྱིས་ འོས་མིན་གྱི་གཏན་ཁེལ་བསྒྱུར་བཅོས་བྱེད་པ་དང་ཡང་ན་ཕྱིར་འཐེན་བྱེད་པའི་ཁེ་ དབང་ཡོད།མི་ རིགས་ཤང་གི་མི་དམངས་འཐུས་མི་ཚོགས་ཆེན་གྱིས་ས་བཅའ་ཁྲིམས་ཀྱིས་གཏན་ཁེལ་བྱས་ པའི་དབང་ཚད་ལྟར་མི་རིགས་ཀྱི་ཁྱད་ཆོས་དང་མཐུན་པའི་བྱེད་ཐབས་ཞིབ་ཕྲ་ལག་བསྟར་ བྱེད་ཆོགདོན་ཚན་བརྒྱ།ཞིང་ ཆེན་དང་ཐད་གཏོགས་གྲོང་ཁྱེར་གྱི་མི་དམངས་འཐུས་མི་ཚོགས་ཆེན་དང་དེའི་རྒྱུན་ལས་ ཨུ་ཡོན་ལྷན་ཚོགས་ཀྱིས་རྩ་ཁྲིམས་དང་བཅའ་ཁྲིམས།སྲིད་འཛིན་ཁྲིམས་སྲོལ་དང་བརྒྱ་ འགལ་མི་བྱེད་པའི་སྔོན་འགྲོའི་ཆ་རྐྱེན་འོག་ས་གནས་རང་བཞིན་གྱི་ཁྲིམས་སྲོལ་ བཟོ་སྟེ་རྒྱལ་ཡོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཚོགས་ལ་ སྙན་ཞུ་བྱས་ཏེ་ཐོ་འགོད་བྱེད་རྒྱུ།དོན་ཚན་བརྒྱ་དང་གཅིགས་ གནས་རིམ་པ་སོ་སོའི་མི་དམངས་འཐུས་མི་ཚོགས་ཆེན་གྱིས་ཁག་བགོས་ནས་རིམ་པ་གཅིག་ པའི་མི་དམངས་སྲིད་གཞུང་གི་ཧྲན་ཀྲང་དང་ཧྲན་ཀྲང་གཞོན་པ། ཧྲི་ཀྲང༌།ཧྲི་ཀྲང་གཞོན་པ།རྫོང་དཔོན་དང་རྫོང་དཔོན་གཞོན་པ།ཆུས་ཀྲང་དང་ཆུས་ ཀྲང་གཞོན་པ།ཞང་ཀྲང་དང་ཞང་ཀྲང་གཞོན་པ།གྲོང་རྡལ་གྱི་འགོ་འཛིན་དང་འགོ་འཛིན་ གཞོན་པ་བཅས་འདེམས་བསྐོ་བྱེད་པ་མ་ཟད་གོ་གནས་འབེབས་པའི་དབང་ཆ་ཡོད།རྫོང་ཡན་ གྱི་ས་གནས་རིམ་པ་སོ་སོའི་མི་དམངས་འཐུས་མི་ཚོགས་ཆེན་གྱིས་རིམ་པ་གཅིག་པའི་མི་ དམངས་ཁྲིམས་ཁང་གི་འགོ་འཛིན་དང་རིམ་པ་གཅིག་པའི་མི་དམངས་ཞིབ་དཔྱོད་ཁང་གི་འགོ་ འཛིན་འདེམས་བསྐོ་བྱེད་པ་དང་གོ་གནས་འབེབས་པའི་དབང་ཆ་ཡོད།མི་དམངས་ཞིབ་དཔྱོད་ ཁང་གི་འགོ་འཛིན་འདེམས་བསྐོ་བྱེད་པ་དང་ཡང་ན་གོ་གནས་འབེབས་པའི་སྐབས་རིམ་པ་ གོང་མའི་མི་དམངས་ཞིབ་དཔྱོད་ཁང་གི་འགོ་འཛིན་ལ་སྙན་ཞུ་བྱས་ཏེ་རིམ་པ་དེའི་མི་ དམངས་འཐུས་མི་ཚོགས་ཆེན་གྱི་རྒྱུན་ལས་ཨུ་ཡོན་ལྷན་ཚོགས་ལ་ཆོག་མཆན་གནང་བའི་ སྙན་ཞུ་བྱེད་རྒྱུ།དོན་ཚན་བརྒྱ་དང་གཉིས།ཞིང་ ཆེན་དང་ཐད་གཏོགས་གྲོང་ཁྱེར།ཆུས་བཙུགས་པའི་གྲོང་ཁྱེར་གྱི་མི་དམངས་འཐུས་མི་ ཚོགས་ཆེན་གྱི་འཐུས་མི་རྣམས་ཐོག་མར་འདེམས་བསྐོ་བྱས་པའི་སྡེ་ཁག་གིས་ལྟ་སྐུལ་ དང་ལེན་བྱེད་དགོས།ཆུས་བཙུགས་མེད་པའི་གྲོང་ཁྱེར་དང༌།གྲོང་ཁྱེར་གྱི་ཐད་སྐྱོང་ ཆུས།ཞང་དང་མི་རིགས་ཞང༌།གྲོང་ཁྱེར་གྱི་མི་དམངས་འཐུས�