བཙན་བྱོལ་བོད་གཞུང་གི་ངོ་སྤྲོད།

མདུན་ངོས།

བཙན་བྱོལ་བོད་གཞུང་གི་བཅའ་ཁྲིམས།

བཙན་བྱོལ་བོད་ཀྱི་སྤྱི་ཚོགས།

སྐུ་སྒེར་ཡིག་ཚང་།

ཆེས་མཐོའི་ཁྲིམས་ཞིབ་ཁང་།

བོད་མི་དམངས་སྤྱི་འཐུས་ལྷན་ཚོགས།

བཀའ་ཤག

ཁྲིམས་ལུགས་དབང་འཛིན།

སྤྱི་ཁྱབ་འོས་བསྡུ་ཁང་།

གཞུང་ཞབས་འདེམས་བསྐོ་ལྷན་ཁང་།

སྤྱི་ཁྱབ་རྩིས་ཞིབ་ལས་ཁང་།

བོད་གཞུང་གི་གནད་ཡོད་མི་སྣ།

བློན་ཆེན་ལས་ཁུངས་ཁག

བོད་རྒྱལ་ཁབ་ཀྱི་རྒྱལ་རྟགས།

བོད་རྒྱལ་ཁབ་ཀྱི་རྒྱལ་དར།

བོད་ཀྱི་ས་ཁྲ།

བོད་རྒྱལ་ཁབ་ཆེན་པོའི་རྒྱལ་གླུ།

སྲི་ཞིའི་ཕན་བདེའི་འདོད་རྒུ་འབྱུང་ བའི་གཏེར། ཐུབ་བསྟན་བསམ་འཕེལ་ནོར་བུའི་ འོད་སྣང་འབར། བསྟན་འགྲོའི་ནོར་འཛིན་རྒྱ་ཆེར་ སྐྱོང་བའི་མགོན། འཕྲིན་ལས་ཀྱི་རོལ་མཚོ་རྒྱས། རྡོ་རྗེའི་ཁམས་སུ་བརྟན་པས་ཕྱོགས་ ཀུན་བྱམས་བརྩེས་སྐྱོང༌། གནམ་བསྐོས་དགའ་བ་བརྒྱ་ལྡན་ དབུ་འཕང་དགུང་ལ་རེག ཕུན་ཚོགས་སྡེ་བཞིའི་མངའ་ཐང་རྒྱས། བོད་ལྗོངས་ཆོལ་ཁ་གསུམ་གྱི་ཁྱོན་ལ་ བདེ་སྐྱིད་རྫོགས་ལྡན་གསར་པས་ཁྱབ། ཆོས་སྲིད་ཀྱི་དཔལ་ཡོན་དར། ཐུབ་བསྟན་ཕྱོགས་བཅུར་རྒྱས་པས་ འཛམ་གླིང་ཡངས་པའི་སྐྱེ་རྒུ་ཞི་ བདེའི་དཔལ་ལ་སྦྱོར། བོད་ལྗོངས་བསྟན་འགྲོའི་དགེ་མཚན ་ཉི་འོད་ཀྱི། བཀྲ་ཤིས་འོད་སྣང་འབུམ་དུ་འཕྲོ་ བའི་གཟིས། ནག་ཕྱོགས་མུན་པའི་གཡུལ་ལས་ རྒྱལ་གྱུར་ཅིག

བཙན་བྱོལ་བོད་གཞུང་གི་ངོ་སྤྲོད། ཕྱི་ ལོ་༡༩༤༩ལོར་རྒྱ་ནག་བཅིངས་འགྲོལ་དམག་མིས་བོད་ཀྱི་ཤར་ཕྱོགས་ཨ་མདོ་དང༌།ཁམས་ ཀྱི་ས་ཁུལ་དུ་བཙན་འཛུལ་དཔུང་བསྐྱོད་ཀྱིས་ཆབ་མདོའི་བར་དྲག་པོའི་བཙན་བཟུང་ བྱས་པ་དང༌། ཕྱི་ལོ་༡༩༥༡ལོར་གྲོས་མཐུན་དོན་ཚན་བཅུ་བདུན་བཙན་འོག་ཏུ་བཞག་སྟེ་བོད་ས་ཡོངས་ རྫོགས་བཙན་བཟུང་བྱས་པའི་རྗེས་འབྲེལ་ཕྱི་ལོ་༡༩༥༩ལོར་བོད་མིའི་གྱེན་ལངས་ཞི་ རྒོལ་གྱི་ལས་འགུལ་དྲག་གནོན་འོག་རྩ་མེད་བཏང་ཞིང༌།ྋགོང་ས་ྋསྐྱབས་མགོན་ཆེན་པོ་ མཆོག་དང༌།ཁོང་གི་ཕེབས་རྗེས་སུ་བོད་མི་༨༠༠༠༠ཙམ་རྒྱ་བལ་འབྲུག་གསུམ་ནང་བཙན་ བྱོལ་དུ་ཡོང་དགོས་བྱུང༌། བོད་མི་བཙན་བྱོལ་བ་རྣམས་ད་དུང་མུ་མཐུད་འབྱོར་བཞིན་ཡོད་པ་དང༌། ད་ལྟའི་ཆར་བཙན་བྱོལ་བོད་མིའི་གྲངས་འབོར་༡༡༡༢༠༠ལྷག་ཙམ་ཟིན་གྱི་ཡོད། ཕྱི་ལོ་༡༩༥༩ཟླ་༤ཚེས་༢༤ཉིན་ྋགོང་ས་ྋསྐྱབས་མགོན་ཆེན་པོ་མཆོག་ནས་རྒྱ་གར་གྱི་ བྱང་ཕྱོགས་མ་སུ་རིར་བཙན་བྱོལ་བོད་གཞུང་འདི་ཉིད་དབུ་འཛུགས་བསྐྱངས་པ་དང༌། དེ་ནི་དེ་སྔ་རང་བཙན་ཡིན་སྐབས་ཀྱི་བོད་གཞུང་དེ་ཉིད་རྒྱ་གར་ནང་གནས་སྤོ་གནང་ བའི་ངོ་བོར་གྲུབ་ཡོད་ཅིང༌།ཕྱི་ལོ་༡༩༦༠ཟླ་༥པའི་ནང་བཙན་བྱོལ་བོད་གཞུང་གི་ བསྟི་གནས་བཞུགས་སྒར་རྡ་རམ་ས་ལར་སྤོ་བཤུག་གནང་བ་རེད། བཙན་བྱོལ་བོད་གཞུང་གི་སྒྲིག་འཛུགས་འདི་ནི།བོད་གཞིས་བྱེས་གཉིས་སུ་གནས་པའི་ བོད་མི་ཚོས་རང་གི་ཁྲིམས་མཐུན་གྱི་ངོ་བོ་མཚོན་པའི་གཞུང་ཞིག་ཡིན་པར་ངོས་འཛིན་ བྱེད་ཀྱི་ཡོད་པ་དང༌།ད་ཆ་རྒྱལ་སྤྱིའི་ནང་གྲོས་ཚོགས་ཁག་གིས་ཀྱང་བོད་མི་རིགས་ ཀྱི་ངོ་བོ་ཡང་དག་པར་མཚོན་པའི་ཁྲིམས་མཐུན་གྱི་གཞུང་ཞིག་ཏུ་ངོས་འཛིན་བྱེད་ མཁན་ཇེ་མང་དུ་འགྲོ་བཞིན་ཡོད། བཙན་བྱོལ་བོད་གཞུང་འདི་གསར་འཛུགས་བསྐྱངས་པ་ནས་བཟུང་བསྒྲུབ་བྱའི་དམིགས་ཡུལ་ གཉིས་གཏན་འབེབས་གནང་ཡོད་པ་ནི།བོད་མི་བཙན་བྱོལ་བའི་བདེ་དོན་ལ་གཟིགས་སྐྱོང་ གནང་རྒྱུ་དང༌།གཞི་རྩའི་བོད་ཀྱི་རང་དབང་སླར་གསོ་གནང་རྒྱུ་བཅས་ཡིན།བདེ་དོན་ གྱི་ལས་གཞིའི་རྣམ་གྲངས་གཙོ་བོ་ནི།བོད་མི་མང་གི་ཤེས་ཡོན་འཕེལ་རྒྱས་གཏོང་ རྒྱུ་དང༌། མང་གཙོའི་ལམ་སྲོལ་སྲ་བརྟན་འཛུགས་རྒྱུ། བོད་མི་རྣམས་ཕྱི་རྒྱལ་གྱི་རོགས་རམ་ལ་བརྟེན་མི་དགོས་པར་རང་ཁ་རང་གསོ་ཐུབ་པའི་ སྤོབས་ཉམས་ལྡན་པའི་མི་རིགས་ཤིག་ཡོང་ཐབས་འབད་བརྩོན་གནང་རྒྱུ་བཅས་ཡིན། མང་གཙོའི་ལམ་སྲོལ་སྲ་བརྟན་འཛུགས་རྒྱུ་དེ་ནི་མ་འོངས་བོད་གསར་འཛུགས་སྐྲུན་ གྱི་གྲ་སྒྲིག་ལས་དོན་ཞིག་གི་ངོ་བོར་གྲུབ་ཡོད་ཅིང༌། དེའི་འཕེལ་རིམ་ནང་ཐོག་མར་ཕྱི་ལོ་༡༩༦༠ཟླ་༩ཚེས་༢ཉིན་བོད་མི་མང་སྤྱི་འཐུས་ལྷན་ ཚོགས་དབུ་བརྙེས་པ་དང༌། སྐབས་དེར་སྤྱི་འཐུས་རྣམས་དང༌།བཀའབློན་དྲུང་ཆེ་བཅས་འདུས་པའི་ཆེས་མཐཱུའི་ རྒྱུན་ལས་ལྷན་ཚོགས་ཞེས་འཚོག་སྲོལ་དར་ཡོད་ཅིང༌།དུས་ཕྱིས་སུ་ཆེས་མཐཱུའི་ རྒྱུན་ལས་ལྷན་ཚོགས་དེ་ཡང་གྲོས་ཚོགས་ཀྱི་ངོ་བོར་འཚར་ལོངས་ངེས་ཅན་ཞིག་བྱུང་ སྟེ་བོད་མི་མང་སྤྱི་འཐུས་ལྷན་ཚོགས་དང༌།གྲོས་ཚོགས་ཁྲིམས་བཟོ་ལྷན་ཚོགས་ཞེས་ འབོད་སྲོལ་བྱུང་བ་རེད། སྤྱི་ལོ་༡༩༩༠ལོར་ྋགོང་ས་ྋསྐྱབས་མགོན་ཆེན་པོ་མཆོག་ནས་དེ་བས་ཀྱང་ཟབ་བརླིང་ངང་ མང་གཙོའི་འཕེལ་རིམ་ཡར་རྒྱས་དང༌། བརྟན་ཚུགས་ཆེ་རུ་གཏོང་གནང་མཛད་ཐོག་སྤྱི་འཐུས་ཀྱི་གྲངས་འབོར་ཡང་༤༦བར་སྤར་ཆ་ གཏན་འབེབས་བསྐྱངས་པ་དང་འབྲེལ་བཙན་བྱོལ་བོད་མིའི་བཅའ་ཁྲིམས་ཀྱི་ཟིན་བྲིས་ གསོལ་སྩལ་མཛད་པ་གཏན་ལ་ཕབ་སྟེ། གྲོས་ཚོགས་ནས་འཛིན་སྐྱོང་གི་འགན་འཛིན་བཀའ་བློན་རྣམས་བསྐོ་འདེམས་གནང་རྒྱུའི་ འགན་དབང་ཆ་ཚང་བཞེས་རྒྱུ། དེ་བཞིན་བཀའབློན་རྣམས་ནས་གྲོས་ཚོགས་ལ་འགན་ཁུར་བའི་ཐོག་ནས་ལས་དོན་སྙན་སེང་ དང༌། དྲི་བར་གསལ་བཤད་ལན་འདེབས་གནང་དགོས་པ། དེ་མཚུངས་བོད་གཞུང་འཛིན་སྐྱོང་སྡེ་ཚན་ནས་བཅའ་ཁྲིམས་དང་འགལ་བའི་དྲང་བདེན་ མིན་པའི་ཐག་གཅོད་རིགས་གནང་ཚེ།མི་མང་ནས་ཞུ་གཏུགས་བྱ་ཡུལ་བོད་ཀྱི་ཆེས་མཐོའི་ ཁྲིམས་ཞིབ་ཁང་བཅས་ཀྱི་ཆ་རྐྱེན་བསྐྲུན་ཏེ་མང་གཱུའི་ཡན་ལག་ཡོངས་སུ་ཚང་བ་བཟོས་ གནང་ཡོད། ཕྱི་ལོ་༢༠༠༡ལོར་ྋགོང་ས་ྋསྐྱབས་མགོན་ཆེན་པོ་མཆོག་གི་བཀའ་དགོངས་བཞིན་སྤྱི་ འཐུས་ལྷན་ཚོགས་ནས་སླར་ཡང་བཙན་བྱོལ་བོད་གཞུང་གི་བཅའ་ཁྲིམས་ལ་བསྐྱར་བཅོས་གནང་ སྟེ། བཀའབློན་ཁྲི་པ་བཙན་བྱོལ་རྒྱ་ཆེའི་མི་མང་ནས་ཐད་ཀར་འོས་འདེམས་བྱ་རྒྱུ་དང༌། བདམས་ཐོན་བྱུང་བའི་བཀའབློན་ཁྲི་པས་ཕྱག་སྦྲེལ་བཀའ་བློན་བདུན་ལས་མི་མང་བ་ཞིག་ འོས་འཛུགས་དང་འབྲེལ། དེ་དག་ལ་སྤྱི་འཐུས་ངོ་ཡོད་རྩ་འབོར་གྱི་བརྒྱ་ཆ་༥༠ཡན་གྱིས་རྒྱབ་སྐྱོར་འཐོབ་ དགོས་པའི་སྒྲིག་གཞི་གསར་དུ་བསྣན་ཡོད། དེ་ལྟར་མི་མང་ནས་ཐད་ཀར་འོས་བསྡུ་བྱེད་པའི་བཀའ་བློན་ཁྲི་པ་དང་པོ་ཟམ་གདོང་ རིན་པོ་ཆེ་བྱློ་བཟང་བསྟན་འཛིན་མཆོག་ནས་ཕྱི་ལོ་༢༠༠༡ཟླ་༩ཚེས་༥ཉིན་ལས་ཁུར་དང༌། གསང་རྒྱའི་དམ་འབུལ་ཞུས་རྗེས་འཛིན་སྐྱོང་གི་ལས་དོན་ཞུ་སྒོ་རྣམས་དབང་ལུང་ སྒྱུར་བཞིན་ཡོད་པ་རེད། ཉེ་ཆར་བཙན་བྱོལ་བོད་གཞུང་འདི་ཉིད་མཚན་དོན་མཚུངས་པའི་གཞུང་ཞིག་གི་ངོ་བོར་ལས་ དོན་གནང་གི་ཡོད་པ་མ་ཟད། དེར་ལས་ཁུངས་མ་ལག་དང༌།རང་དབང་ལྡན་པའི་སྡེ་ཚན་ཁག་བཅས་མང་གཙོའི་སྲིད་གཞུང་གི་ ཁྱད་ཆོས་རྣམས་ཡོངས་སུ་ཚང་ཡོད། འོན་ཀྱང་མ་འོངས་པར་བོད་ནང་རང་དབང་སླར་གསོ་འཐོབ་པའི་སྐབས་སུ་བཙན་བྱོལ་བོད་ གཞུང་འདི་དག་བོད་ནང་གནས་སྤོ་བྱ་རྒྱུ་མིན་གཤིས། མ་འོངས་བོད་ཀྱི་ཆབ་སྲིད་ལམ་སྟོན་དང༌། རྩ་ཁྲིམས་སྙིང་དོན་ནང་ྋགོང་ས་ྋསྐྱབས་མགོན་ཆེན་པོ་མཆོག་ནས། བོད་ལ་རང་དབང་སླར་གསོ་བྱུང་མཚམས་སུ།ད་ལྟའི་བཙན་བྱོལ་བོད་གཞུང་འདི་ཕྱིར་ བསྡུ་བྱ་རྒྱུ་ཡིན་ཞེས་དང༌། དེ་བཞིན་བར་བརྒལ་གྱི་སྲིད་གཞུང་ཞིག་འཛུགས་རྒྱུ་དང༌། སྲིད་གཞུང་དེའི་འགོ་འདོམས་སུ་སྲིད་འཛིན་གཅིག་བསྐོ་གཞག་སྩལ་རྒྱུ་ཡིན་ཞེས་ གསལ་པོར་གསུངས་ཡོད་པ་རེད། བར་བརྒལ་གྱི་སྲིད་འཛིན་དེར་ྋགོང་ས་ྋསྐྱབས་མགོན་ཆེན་པོ་མཆོག་གི་ཆབ་སྲིད་ཀྱི་ སྐུ་དབང་ཡོངས་རྫོགས་རྩིས་སྤྲོད་གནང་རྒྱུ་དང༌།སྲིད་འཛིན་དེའི་གཙོ་སྐྱོང་འོག་ ལོ་གཉིས་ནང་ཚུད་རྒྱལ་ཡོངས་འོས་བསྡུ་ཆེན་མོའི་ལམ་ནས་གཞུང་གསར་པ་འཛུགས་རྒྱུ་ དང༌། དེར་བར་བརྒལ་གྱི་སྲིད་འཛིན་གྱི་དབང་ཆ་རྩིས་སྤྲོད་གནང་རྒྱུ་བཅས་ཡིན་པ་རེད།། བཙན་བྱོལ་བོད་མིའི་བཅའ་ཁྲིམས། བཙན་བྱོལ་བོད་མིའི་བཅའ་ཁྲིམས་ནི། བོད་གཞུང་གི་ལས་དོན་ཞུ་རྒྱུའི་ཐོག་སྟངས་འཛིན་དབང་སྒྱུར་བྱེད་པའི་བླ་ན་མེད་ པའི་ཁྲིམས་གཞི་དེ་ཡིན། འདི་ནི་རྩ་ཁྲིམས་བསྐྱར་སྒྲིག་ཚོགས་ཆུང་ཆེད་འཛུགས་གནང་བ་ནས་འཆར་ཟིན་བཀོད་ ཅིང༌། བོད་མི་མང་སྤྱི་འཐུས་ལྷན་ཚོགས་སུ་སྙན་སེང་དང་འབྲེལ། བཀའ་བསྡུར་ཞུས་མཐར་ཕྱི་ལོ་༡༩༩༡ཟླ་༦ཚེས་༡༤ཉིན་གྲོས་ཚོགས་ནས་གཏན་ལ་ཕབ་པ་དེ་ ཟླའི་ཚེས་༢༨ཉིན་ྋགོང་ས་ྋསྐྱབས་མགོན་ཆེན་པོས་ཆོག་མཆན་བསྩལ་ཏེ་རྩ་འཛིན་གསལ་ བསྒྲགས་གནང་བ་ཞིག་རེད། བཅའ་ཁྲིམས་ནང་གསལ་བཙན་བྱོལ་བོད་གཞུང་ནས་མཉམ་འབྲེལ་རྒྱལ་ཚོགས་ཀྱི་ཡོངས་ཁྱབ་ འགྲོ་བ་མིའི་ཐོབ་ཐང་གསལ་བསྒྲགས་ལ་བརྩི་སྲུང་ཞུ་བ་དང་ཆབས་ཅིག་བོད་མི་ཚང་མར་ ཁྲིམས་ཀྱི་མདུན་སར་འདྲ་མཉམ་གྱི་བརྩི་མཐོང༌། དེ་བཞིན་ཕོ་མོ་དང༌། ཆོས་ལུགས།རིགས་རུས། སྐད་ཡིག སྤྱི་ཚོགས་ཀྱི་འབྱུང་ཁུངས་སོགས་ཀྱི་དབྱེ་འབྱེད་མེད་པར་ཚང་མར་ཐོབ་ཐང་དང༌། རང་དབང་འདྲ་མཉམ་དུ་སྤྱོད་ཆོག་པའི་འགན་ལེན་བྱེད་ཀྱི་ཡོད། དེ་བཞིན་འཛིན་སྐྱོང་དང༌། ཁྲིམས་བཟོ། ཁྲིམས་ལུགས་དབང་འཛིན་བཅས་མང་གཙོའི་ཀ་བ་གསུམ་ནང་ཁུལ་དུ་དབང་ཆ་དབྱེ་བགོས་བྱས་ ཏེ། སྡེ་ཚན་དེ་དག་གང་རུང་ནས་རང་སྣང་དབང་ཆ་བེད་སྤྱོད་རིགས་ཁྲིམས་ཐོག་ནས་བཀག་རྒྱ་ ནན་པཱུའི་བརྒྱུད་རིམ་གཏན་འབེབས་བསྐྱངས་ཡོད། བཅའ་ཁྲིམས་འདི་ཉིད་གཏན་ལ་མ་ཕབ་གོང་བཙན་བྱོལ་བོད་གཞུང་གི་ལས་དོན་ཕལ་མོ་ཆེ་ ྋགོང་ས་ྋསྐྱབས་མགོན་ཆེན་པོ་མཆོག་ནས་ཕྱི་ལོ་༡༩༦༣ཟླ་༣ཚེས་༡༠ཉིན་ཡོངས་ཁྱབ་གསལ་ བསྒྲགས་གནང་བའི་མ་འོངས་བོད་ཀྱི་རྩ་ཁྲིམས་ཟིན་བྲིས་ཀྱི་འབྲུ་དོན་བཞིན་བཙན་ བྱོལ་གནས་སྟངས་ལ་གང་འོས་ཕྱག་ལེན་དུ་བསྟར་གནང་གི་ཡོད།། བཙན་བྱོལ་བོད་མིའི་སྤྱི་ཚོགས། མི་འབོར། རོབ་རྩིས་ལྟར་མི་གྲངས་༡༡༡༡༧༠ཡོད། དེ་ཡང་རྒྱ་གར་དུ་བོད་མི་༨༥༠༠༠དང༌། བལ་ཡུལ་དུ་༡༤༠༠༠འབྲུག་ཏུ་༡༦༠༠སུད་སིར་༡༥༤༠ཡོ་རོབ་ས་ཁུལ་གཞན་ཁག་ཏུ་༦༤༠ཨོ་སི་ ཊི་ལི་ཡ་དང་ནེའུ་ཛི་ལནཌར་༢༢༠ཨ་རི་དང་ཁེ་ན་ཌར་༧༠༠༠སི་ཁེན་ཌི་ནེ་ཝི་ཡར་༡༡༠ཉེ་ ཧོང་དུ་༦༠ཐེ་ཝན་དུ་༡༠༠༠བཅས་ཡོད། གྲངས་ཐོ་འདི་བཞིན་བོད་གཞུང་འཆར་འགོད་ལས་ཁུངས་ཀྱི་ཕྱི་ལོ་༡༩༩༨ལོའི་མི་འབོར་ ཞིབ་བཤེར་ལ་གཞི་བཅོལ་བྱས་པ་ཡིན།ད་ལྟའི་ཆར་ཅུང་ཟད་འཕར་ཡོད། རྩ་ཁྲིམས། བཙན་བྱོལ་བོད་མིའི་བཅའ་ཁྲིམས་རིན་པོ་ཆེ། ཁྲིམས་ལུགས་དབང་འཛིན། བོད་ཀྱི་ཆེས་མཐོའི་ཁྲིམས་ཞིབ་ཁང༌། ཁྲིམས་བཟོ་ལྷན་ཚོགས། མི་མང་གི་འཐུས་མི་༤༦ལས་གྲུབ་པའི་བོད་མི་མང་སྤྱི་འཐུས་ལྷན་ཚོགས། དེའི་ནང་ནས་འཐུས་མི་༤༣བཙན་བྱོལ་མང་ཚོགས་ནས་མང་གཙོའི་འགྲོ་ལུགས་ལྟར་འོས་ བསྡུའི་ལམ་ནས་འདེམས་བསྐོ་བྱེད་པ་དང༌།ྋགོང་ས་ྋསྐྱབས་མགོན་ཆེན་པོ་མཆོག་ནས་ཐད་ ཀར་བསྐོ་གཞག་སྩལ་བའི་སྤྱི་འཐུས་༣བཅས། གཞུང་གི་འགན་འཛིན། བཀའ་ཤག་ནི་འཛིན་སྐྱོང་སྡེ་ཚན་གྱི་སྤྱི་ཁྱབ་ལས་ཁུངས་མཐོ་ཤོས་དེ་ཡིན། དེའི་སྟངས་འཛིན་འོག་བཀའ་བློན་ལས་ཁུངས་བདུན་ཡོད་པ་སྟེ། ཆོས་རིག་ལས་ཁུངས། ནང་སྲིད་ལས་ཁུངས། དཔལ་འབྱོར་ལས་ཁུངས། ཤེས་རིག་ལས་ཁུངས་དང༌། བདེ་སྲུང་ལས་ཁུངས། ཕྱི་དྲིལ་ལས་ཁུངས། འཕྲོད་བསྟེན་ལས་ཁུངས་བཅས་ཡིན། སྐུ་ཚབ་དོན་གཅོད། སྡི་ལི་དང༌། ནིའུ་ཡོགའཇི་ནི་ཝ། ཊོ་ཀི་ཡོ། ལོན་ཌོན། ཁན་སྦི་ར། མོ་སོ་ཁོ། པེ་རེ་ཊོ་རི་ཡ། ཐའི་པེ། སྦ་ར་སིལས་བཅས། མི་མང་གི་འཚོ་རྟེན། སོ་ནམ་ཞིང་ལས་དང༌། བཟོ་ཞིང་མཉམ་འབྲེལ་ལས་རིགས། རུམ་འཐག་ཕྱི་ཚོང༌། ཞབས་ཞུའི་ལས་རིགས། སུད་ཚོང་བཅས།